ମୁମ୍ବାଇ ୧୮/୦୬: ବେପରୁଆ ବୟାନବାଜି ପାଇଁ ସର୍ବଦା ଚର୍ଚ୍ଚାରେ ଥାନ୍ତି ସ୍ୱରା ଭାସ୍କର । ବକରିଦ୍ ଅବସରରେ ସୋସିଆଲ ମିଡିଆ ସାଇଟ୍ ଏକ୍ସରେ ସେ ଏକ ପୋଷ୍ଟ୍ ଶେୟାର କରିବା ପରେ ୟୁଜର୍ ତାଙ୍କୁ ସମାଲୋଚନା କରୁଛନ୍ତି । ସ୍ୱରା ଜଣେ ଫୁଡ୍ ବ୍ଲଗର୍ଙ୍କ ଟ୍ୱିଟ୍କୁ ପୁନଃ ଟ୍ୱିଟ୍ କରି ଶାକାହାରୀ ଲୋକଙ୍କ ବିରୋଧରେ ପୋଷ୍ଟ୍ କରିଛନ୍ତି । ନଳିନୀ ଉନାଗର ନାମ୍ନୀ ଜଣେ ଫୁଡ୍ ବ୍ଲଗର୍ ବିଭିନ୍ନ ପ୍ରକାର ବ୍ୟଞ୍ଜନର ଫଟୋ ଶେୟାର କରନ୍ତି । ଏଥର ସେ ଏକ ଖାଦ୍ୟ ପ୍ଲେଟ୍ର ଫଟୋ ଶେୟାର କରି ଲେଖିଛନ୍ତି ‘ମୁଁ ଶାକାହାରୀ ହୋଇଥିବାରୁ ଗର୍ବିତ । ମୋ ପ୍ଲେଟ୍ ଲୁହ, କ୍ରୂରତା ଓ ପାପରୁ ମୁକ୍ତ ।’
Honestly… I don’t understand this smug self righteousness of vegetarians. Your entire diet is made up of denying the calf its mother’s milk.. forcibly impregnating cows then separating them from their babies & stealing their milk. You eat root vegetables? That kills the whole… https://t.co/PqHmXwwBTR
— Swara Bhasker (@ReallySwara) June 16, 2024
ସ୍ୱରା ଏହି ପୋଷ୍ଟ୍କୁ ପୁନଃ ଶେୟାର କରି ଲେଖିଛନ୍ତି ‘ସତ କଥା ହେଉଛି... ମୁଁ ଶାକାହାରୀ ଲୋକଙ୍କର ଗୋଟିଏ କଥା ବୁଝିପାରେ ନାହିଁ । ଆପଣଙ୍କ ପୂରା ଖାଦ୍ୟ ବାଛୁରୀକୁ ତା’ ମା’ କ୍ଷୀରଠୁ ଦୂରେଇ ରଖିବା, ଗାଈକୁ ଜବରଦସ୍ତି ଗର୍ଭପାତ କରାଇବା, ତା’ପରେ ସେମାନଙ୍କୁ ନିଜ ଛୁଆଠୁ ଅଲଗା କରିବା ଏବଂ କ୍ଷୀର ଚୋରି କରିବା ଦ୍ୱାରା ପ୍ରସ୍ତୁତ ହୋଇଥାଏ । ସେତିକି ନୁହେଁ, ଆପଣମାନେ ମୂଳଥିବା ପରିବା ଖାଆନ୍ତି, ଯାହା ଦ୍ୱାରା ପୂରା ଗଛ ନଷ୍ଟ ହୋଇଯାଏ । ଆରାମ କରନ୍ତୁ, ବହୁତ ବେଶି ପ୍ରଶ୍ନୋତ୍ତର କରିବା ଆବଶ୍ୟକ ନାହିଁ । କାରଣ ଆଜି ବକରିଦ୍ ।’ ସ୍ୱରାଙ୍କର ଏହି ପୋଷ୍ଟ୍କୁ ଅନେକ ୟୁଜର ପସନ୍ଦ କରୁନାହାନ୍ତି । ସେଥିପାଇଁ ଭିନ୍ନ ଭିନ୍ନ ପ୍ରତିକ୍ରିୟା ଦେଉଛନ୍ତି । ଜଣେ ୟୁଜର ଲେଖିଛନ୍ତି, ମୁଁ ମାନୁଛି ଯେ ବାଛୁରୀକୁ ତା’ ମା’ କ୍ଷୀରଠୁ ଦୂରେଇବା ଭୁଲ । କିନ୍ତୁ ଲକ୍ଷ ଲକ୍ଷ ଜନ୍ତୁଙ୍କ ହତ୍ୟାକୁ କ’ଣ ଆପଣ ଏଭଳି ଭାବେ ନ୍ୟାୟୋଚିତ ବୋଲି କହିବେ ।
