ପ୍ରମୂଖ ଖବର
  • ମା’ ଭଟ୍ଟାରିକା ମନ୍ଦିର ବେଢ଼ା ଛୁଇଁଲା ମହାନଦୀର ପ୍ରଥମ ବନ୍ୟାଜଳ
  • ||
  • କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ପିତୃ ବିୟୋଗ, ୮୧ ବର୍ଷ ବୟସରେ ଦାଉଲାଲ ବୈଷ୍ଣବଙ୍କ ପରଲୋକ
  • ||
  • ମନମୋହନଙ୍କ କାନ୍ଧରେ ପୁଣି ରାଜ୍ୟ ବିଜେପି କମାଣ, ସଭାପତି ଭାବେ ନିର୍ଦ୍ଵନ୍ଦ୍ଵରେ ନିର୍ବାଚିତ
  • ||
  • ଗୁରୁବାର ତୃତୀୟ ଟେଷ୍ଟ: ଇଂଲଣ୍ଡ ଏକାଦଶକୁ ଫେରିବେ ଆର୍ଚର, ଭାରତୀୟ ସ୍କ୍ୱାଡରେ ହେବ ପରିବର୍ତ୍ତନ
  • ||
  • ଷ୍ଟିଅରିଂ ଛାଡ଼ ଆନ୍ଦୋଳନ : ବାଲିକୁଦା ନିକଟରେ କର୍ମକର୍ତ୍ତାଙ୍କ ପିକେଟିଂ, ଅଖ ଚକ ଜାମ୍, ଯାତ୍ରୀ ହନ୍ତସନ୍ତ
  • ||
  • ୧୪ଟି ଦେଶ ଉପରେ ନୂଆ ଟାରିଫ୍ ଘୋଷଣା କଲେ ଡୋନାଲ୍ଡ ଟ୍ରମ୍ପ, ଅଗଷ୍ଟ ପହିଲାରୁ ହେବ ଲାଗୁ
  • ||
  • ମଝିଘରିଆଣୀଙ୍କ ୯ ହୁଣ୍ଡି ମିଳିଲା ନଗଦ କୋଟିଏ ଟଙ୍କା, ୧୨ ବିଦେଶୀ ନୋଟ୍‌, ୩୮ ଗ୍ରାମ୍‌ ସୁନା
  • ||
  • ରାଜଧାନୀରେ ଡେଙ୍ଗୁ ଆକ୍ରାନ୍ତଙ୍କ ସଂଖ୍ୟା ୧୦୦ ପାର୍‌, ସ୍କୁଲ୍‌ରେ ସଚେତନ କଲା ବିଏମ୍‌ସି
  • ||
  • ସରିଲା ଅଧରପଣା, ଆଜି ନୀଳକନ୍ଦରକୁ ବାହୁଡ଼ିବେ ନିଳାଦ୍ରୀନାଥ, ରସଗୋଲା ଦେଇ ମାହାଲକ୍ଷ୍ମୀଙ୍କ ମାନଭଞ୍ଜନ କରିବେ ମହାପ୍ରଭୁ
  • ||
  • ରାଜ୍ୟରେ ଡ୍ରାଇଭରଙ୍କ ଷ୍ଟିଅରିଂ ଛାଡ଼ ଆନ୍ଦୋଳନ, ୬ ଦଫା ଦାବି ନେଇ ଜିଦ୍‌ରେ ଅଟଳ ଡ୍ରାଇଭର ମହାସଂଘ
  • ||
  • ଆସନ୍ତା ୪ ଦିନ ରାଜ୍ୟରେ ପ୍ରବଳ ବର୍ଷା ସମ୍ଭାବନା: ଆଜି ୩ ଜିଲ୍ଲାକୁ ଅରେଞ୍ଜ, ୧୮ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି
  • ||

ଆପଣ ବି ଖାଉଛନ୍ତି କି ପେନ୍‌ କିଲର୍‌? ଜାଣନ୍ତୁ କେତେ ସୁରକ୍ଷିତ...

Published By : Anindita Ratha | July 5, 2025 11:47 AM

ଏବେ ପ୍ରାୟ ଲୋକଙ୍କର ପସନ୍ଦର ଔଷଧ ସାଜିଛି ପେନ୍‌ କିଲର୍‌ । ସାମାନ୍ୟ ଯନ୍ତ୍ରଣା ହେଲେ ପେନ୍‌ କିଲର୍‌ ନେଉଛନ୍ତି । କିନ୍ତୁ ଜାଣନ୍ତି କି ଏହା କେତେ ସୁରକ୍ଷିତ? ଏହା ଏମିତି ଏକ ଔଷଧ, ଯାହା ହଠାତ୍‌ ଯନ୍ତ୍ରଣା ବା ପ୍ରଦାହକୁ କମ୍‌ କରିଦେଇଥାଏ । ଏହାହିଁ ପ୍ରମାଣିତ କରୁଛି ଯେ ଏଥିରେ କେତେ ମାତ୍ରାରେ କେମିକାଲ୍‌ ବ୍ୟବହାର ହେଉଛି । କେବେ କେବେ ଯନ୍ତ୍ରଣା ସମ୍ଭାଳି ନ ପାରିଲେ ପେନ୍‌ କିଲର୍‌ ଖାଇବା ଉଚିତ୍‌ । କାରଣ ଏହାର ଅନେକ ପାର୍ଶ୍ୱପ୍ରତିକ୍ରିୟା ରହିଥାଏ । 

ପ୍ରଭାବିତ ହୁଏ କିଡ୍‌ନୀ 

ବିଶେଷଜ୍ଞଙ୍କ ମତରେ ଏହା କିଡ୍‌ନୀକୁ କ୍ଷତି ପହଞ୍ଚାଇପାରେ । ପେନ୍‌କିଲର୍‌ ଭୁଲ୍‌ ଉପାୟରେ କିମ୍ବା ଲଗାତାର ଖାଇବା ଦ୍ୱାରା କିଡ୍‌ନୀ ଉପରେ ନକାରାସତ୍ମକ ପ୍ରଭାବ ପଡିଥାଏ । କିଡ୍‌ନୀ ରକ୍ତରୁ ଖରାପ ଓ ଭଲ ଜିନିଷ ଅଲଗା କରିଥାଏ । ଫ୍ଲୁଇଡ୍‌ ସନ୍ତୁଳନ ଓ ରକ୍ତଚାପ ନିୟନ୍ତ୍ରଣ କରିଥାଏ । କିନ୍ତୁ ପେନ୍‌ କିଲର୍‌ ଖାଇବା ଦ୍ୱାରା ଶରୀରର ବ୍ୟବସ୍ଥା ଅସନ୍ତୁଳିତ ହୋଇପଡେ । ଏହାର ଗମ୍ଭୀର ଓ ସ୍ଥାୟୀ ପରିଣାମ ଶରୀର ଉପରେ ପଡିଥାଏ । ପେନ୍‌କିଲର୍‌ ଶରୀରର ତାପମାତ୍ରା, ପ୍ରଦାହ କମ୍‌ କରିବା ଓ ଯନ୍ତ୍ରଣାରୁ ମୁକ୍ତି ପାଇଁ ଖିଆଯାଏ । କିନ୍ତୁ ଏହା ସାଇକୋଅକ୍ସିଜେନେଜ୍‌କୁ ମଧ୍ୟ ବ୍ଲକ୍‌ କରିଥାଏ, ଯାହା ପ୍ରୋଷ୍ଟେଗ୍ଲାଡିନ୍‌ କେମିକାଲ୍‌କୁ ଉତ୍ପାଦନ କରୁଥିବା ଏନ୍‌ଜାଇମ୍‌ । ଏହି କେମିକାଲ୍‌ ରକ୍ତ ପ୍ରବାହକୁ ନିୟନ୍ତ୍ରିତ କରିଥାଏ । ବିଶେଷକରି ବୟସ୍କ ଲୋକ ଓ କିଡ୍‌ନୀ ସମସ୍ୟା ଥିବା ଲୋକ ବେଶୀ ପ୍ରଭାବିତ ହୋଇଥାନ୍ତି ।

ଦୀର୍ଘଦିନ ପେନ୍‌ କିଲର୍‌ ଆଦୌ ନୁହେଁ 

କିଡ୍‌ନୀ ଡ୍ୟାମେଜ୍‌ କିମ୍ବା ଫଙ୍କସନ୍‌ରେ କୌଣସି ବାଧା ଆସିବା ହେଉଛି ପେନ୍‌ କିଲର୍‌ ଖାଇବା କୁପ୍ରଭାବ । କିଡ୍‌ନୀକୁ ରକ୍ତ ପ୍ରବାହ କମିବା କାରଣରୁ ସମସ୍ୟା ହୋଇଥାଏ । ଏହି ସ୍ଥିତିରେ ରୋଗୀକୁ ତୁରନ୍ତ ହସ୍ପିଟାଲ୍‌ ନେବାକୁ ପଡିଥାଏ । ଦୀର୍ଘଦିନ ପେନ୍‌ କିଲର୍‌ ନେବା ଦ୍ୱାରା କିଡ୍‌ନୀର ଟିସୁଗୁଡିକ କ୍ଷତିଗ୍ରସ୍ତ ହୋଇଥାନ୍ତି । ବିଶେଷକରି ଜଳଶୁଷ୍କତା, ଉଚ୍ଚ ରକ୍ତଚାପ ଓ ହୃଦ୍‌ଘାତ ରୋଗୀଙ୍କ କ୍ଷେତ୍ରରେ ଏହାର ଆଶଙ୍କା ଖୁବ୍‌ ବଢିଯାଇଥାଏ । ଡାକ୍ତରଙ୍କ ପରାମର୍ଶ କ୍ରମେ ପେନ୍‌କିଲର୍‌ ନେବା ଉଚିତ୍‌

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.