ମୁମ୍ବାଇ,୦୫/୦୭: ହ୍ରିତିକ୍ ରୋଶନ ବର୍ତ୍ତମାନ ତାଙ୍କର ଆଗାମୀ ଫିଲ୍ମ ୱାର୍ ୨ ପାଇଁ  ବେଶ ଚର୍ଚ୍ଚାରେ । ଏହା YRF ସ୍ପାଏ ୟୁନିଭର୍ସର ପରବର୍ତ୍ତୀ ଫିଲ୍ମ ହେବାକୁ ଯାଉଛି। ଏହି ଫିଲ୍ମରେ ବେଶ ଆକ୍ସନ ଦେଖିବାକୁ ମିଳିବ। ୱାର୍ ୨ ପରେ, ପ୍ରଶଂସକମାନେ ମଧ୍ୟ ହ୍ରିତିକଙ୍କ ଆଗାମୀ ଫିଲ୍ମ କ୍ରିଶ୍ ୪ ପାଇଁ ମଧ୍ୟ ଉତ୍ସାହର ସହିତ ଅପେକ୍ଷା କରିଛନ୍ତି। ପ୍ରିୟଙ୍କା ଚୋପ୍ରା ମଧ୍ୟ ଏହି ହିଟ୍ ଫ୍ରାଞ୍ଚାଇଜର ପରବର୍ତ୍ତୀ ଭାଗରେ ଫେରିବାକୁ ଯାଉଛନ୍ତି। 

ସୂଚନା ଅନୁଯାୟୀ, ପ୍ରିୟଙ୍କାଙ୍କ ବ୍ୟତୀତ ପ୍ରୀତି ଜିଣ୍ଟା ଏବଂ ବରିଷ୍ଠ ଅଭିନେତ୍ରୀ ରେଖା ମଧ୍ୟ କ୍ରିଶ୍ ୪ ରେ ନଜର ଆସିପାରନ୍ତି। ରିପୋର୍ଟ ଅନୁଯାୟୀ, ଏହି ମଲ୍ଟିଷ୍ଟାରର୍ ଫିଲ୍ମରେ ହ୍ରିତିକ୍ ରୋଶନଙ୍କୁ ଟ୍ରିପଲ ରୋଲରେ ଦେଖିବାକୁ ମିଳିବ।  ଯଦିଓ ସ୍କ୍ରିପ୍ଟ କିମ୍ବା କାହାଣୀ ସମ୍ପର୍କରେ କୌଣସି ବଡ଼ ଅପଡେଟ୍ ହୋଇନାହିଁ, ଏହା ନିଶ୍ଚିତ ହୋଇଛି ଯେ ପରବର୍ତ୍ତୀ ଅଂଶ ପ୍ରଥମ ଥର ପାଇଁ ହ୍ରିତିକ୍ ରୋଶନ ନିଜେ ନିର୍ଦ୍ଦେଶନା ଦେବେ। ବର୍ତ୍ତମାନ, କ୍ରିଶ୍ ୪ ପାଇଁ ପ୍ରାକ୍-ପ୍ରଡକ୍ସନ୍ କାମ YRF ଷ୍ଟୁଡିଓରେ ଚାଲିଛି, ଏକ ଶକ୍ତିଶାଳୀ VFX ଦଳ ଚଳଚ୍ଚିତ୍ରର ପ୍ରାକ୍-ଭିଜୁଆଲାଇଜେସନ୍ ଉପରେ କାମ କରୁଛନ୍ତି।

ସ୍କ୍ରିପ୍ଟକୁ ଉନ୍ନତ କରିବା ପାଇଁ ହ୍ରିତିକ୍ ତାଙ୍କ ଲେଖକଙ୍କ ଦଳ ଏବଂ ଆଦିତ୍ୟ ଚୋପ୍ରାଙ୍କ ସହିତ ମିଶି କାମ କରୁଛନ୍ତି। ଫିଲ୍ମଟି ୨୦୨୬ ପ୍ରାରମ୍ଭରେ  ରିଲିଜ ହୋଇପାରେ । କୋଇ ମିଲ୍ ଗୟା ରିଲିଜ୍ ହେବାର ୨୩ ବର୍ଷ ପରେ କ୍ରୀଶ୍ ୪ରେ ମଧ୍ୟ ଯାଦୁ ଫେରିବ। ପୂର୍ବରୁ ଗୁଜବ ଥିଲା ଯେ ଚୀନ୍ ଗାୟକ-ରାପର୍ ଏବଂ ବିଶ୍ୱସ୍ତରୀୟ ସେନସେସନ୍ ଜ୍ୟାକସନ୍ ୱାଙ୍ଗ କ୍ରୀଶ୍ ୪ର ଅଂଶ ହେବେ। ତଥାପି, ସେ ଏପରି କଳ୍ପନାଜଳ୍ପନାକୁ କେବଳ ଗୁଜବ ବୋଲି ଖାରଜ କରିଥିଲେ।