ପ୍ରମୂଖ ଖବର
  • ବାଲେଶ୍ୱର : ବିପଦ ସଂକେତ ତଳେ ସୁବର୍ଣ୍ଣରେଖା, ଏବେବି ପାଣି ଘେରରେ ୨୦ରୁ ଅଧିକ ଗାଁ
  • ||
  • ୭ ଯାଏ ବର୍ଷା, ପଶ୍ଚିମ ଓଡ଼ିଶାରେ ପ୍ରବଳ ଛେଚିବ
  • ||
  • ଇଣ୍ଡୋନେସିଆ ବାଲିରେ ଅଘଟଣ, ୬୫ ଯାତ୍ରୀଙ୍କୁ ନେଇ ଯାଉଥିବା ଡଙ୍ଗା ବୁଡ଼ି ୪ ମୃତ, ଅନେକ ନିଖୋଜ
  • ||

ବାରିପଦାରେ ବୁଲିଲା ଭୁଜାଲି; ଯୁବକଙ୍କୁ ବିଚ୍ ରାସ୍ତାରେ ସଂଘବଦ୍ଧ ଆକ୍ରମଣ

Published By : Prameya | July 2, 2025 11:42 AM

ବାରିପଦା ୦୨/୦୭: ଅଶାନ୍ତ ହେଲା ବାରିପଦା। ରାସ୍ତାରେ ବୁଲିଲା ଭୁଜାଲି। ଷ୍ଟେସନ୍ ବଜାର ସ୍ଥିତ ମଦ ଦୋକାନ କର୍ମଚାରୀଙ୍କୁ ସଂଘବଦ୍ଧ ଆକ୍ରମଣ। ବିଚ୍‌ ରାସ୍ତାରେ ଯୁବକଙ୍କୁ ଅତର୍କିତ ଭୁଜାଲି ମାଡ଼। ଆହତ ଅବସ୍ଥାରେ ଯୁବକ ପିଆର୍‌ଏମ୍ ମେଡିକାଲରେ ଭର୍ତ୍ତି। ତେବେ ଛୁରାମାଡ଼ର କାରଣ ଅସ୍ପଷ୍ଟ। ଏହି ଘଟଣାରେ ଟାଉନ୍ ଥାନା ପୁଲିସ ମାମଲା ଛାନ୍‌ଭିନ୍ କରୁଛି।

ସୂଚନା ମୁତାବକ, ଷ୍ଟେସନ ବଜାର ନିକଟରେ ଜଣେ ଯୁବକ ପରିବା କିଣୁଥିବା ବେଳେ କିଛି ଦୁର୍ବୃତ୍ତ ତାଙ୍କୁ ଅତର୍କିତ ଆକ୍ରମଣ କରିଥିଲେ । ପରେ ଆକ୍ରମଣକାରୀମାନେ ସେଠାରୁ ଫେରାର୍ ହୋଇଯାଇଥିଲେ  । ପରେ ଯୁବକଙ୍କୁ ଗୁରୁତର ଅବସ୍ଥାରେ ପିଆର ଏମ୍ ମେଡିକାଲ କଲେଜରେ ଭର୍ତ୍ତି କରାଯାଇଥିଲା। ଗୁରୁତର ଆହତ ହୋଇଥିବା ଯୁବକ ବିହାର ଶାସ୍ରମ୍ ଗ୍ରାମର ମନା ଯାଦବ। ସେ ଦୁଇ ମାସ ତଳେ ବାରିପଦା ଆସି ଷ୍ଟେସନ ବଜାର ଅଞ୍ଚଳରେ ଏକ ବିଦେଶୀ ମଦ ଦୋକାନରେ କର୍ମଚାରୀ ଭାବେ କାମ କରୁଥିଲେ। ଗତକାଲି ମଦ କାଉଣ୍ଟରରେ କିଛି ଯୁବକଙ୍କ ସହିତ ଝଗଡ଼ା ହୋଇଥିଲା । ତେବେ ସେହି ଗଣ୍ଡଗୋଳକୁ କେନ୍ଦ୍ର କରି ବୁଧବାର ମନା ଯାଦବଙ୍କ ଉପରେ ଆକ୍ରମଣ ହୋଇଥାଇପାରେ ବୋଲି ପୁଲିସ ସନ୍ଦେହ କରୁଛି ।


Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.