ନୂଆଦିଲ୍ଲୀ,୩।୭: ଆମ ଆଦମୀ ପାର୍ଟିର ସଂଯୋଜକ ଓ ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ବୁଧବାର କରିଛନ୍ତି ବଡ଼ ଘୋଷଣା। ଏକ ସାମ୍ବାଦିକ ସମ୍ମିଳନୀରେ ସେ ଗୁଜରାଟରେ ପାର୍ଟିର ବିସ୍ତାର ଓ କଂଗ୍ରେସ-ବିଜେପି ଉଭୟ ଦଳକୁ ଟାର୍ଗେଟ କରିଛନ୍ତି। ସେ ସ୍ପଷ୍ଟ କରିଛନ୍ତି ଯେ, ଆମର କଂଗ୍ରେସ ସହ କୌଣସି ମେଣ୍ଟ ନାହିଁ ଓ ଆଗାମୀ ବିଧାନସଭା ନିର୍ବାଚନରେ ଆପ୍ ଏକାକୀ ମୈଦାନକୁ ଓହ୍ଲାଇବ।
କେଜ୍ରିସ୍ବାଲ ଘୋଷଣା କରିଛନ୍ତି, ବିହାରରେ ଆମ ଆଦମୀ ପାର୍ଟି ନିର୍ବାଚନ ଲଢିବ। ଇଣ୍ଡିଆ ବ୍ଲକ କେବଳ ଲୋକସଭା ନିର୍ବାଚନ ପାଇଁ ଥିଳା। ଏବେ ଆମର କାହା ସହ କୌଣସି ପ୍ରକାର ମେଣ୍ଟ ନାହିଁ। ଭିସାଭଦର ଉପ-ନିର୍ବାଚନରେ ଆମେ କଂଗ୍ରେସଠାରୁ ଅଲଗା ଭାବରେ ଲଢି ତିନି ଗୁଣା ଅଧିକ ଭୋଟରେ ଜିତିଛୁ। ଏହା ଜନତାଙ୍କ ସିଧାସଳଖ ବାର୍ତ୍ତା ଯେ, ଏବେ ବିକଳ୍ପ ଆମ ଆଦମୀ ପାର୍ଟି ରହିଛି। କେଜ୍ରିଓ୍ବାଲଙ୍କ କହିବା ଅନୁସାରେ, ଆମର କଂଗ୍ରେସ ସହ କୌଣସି ମେଣ୍ଟ ନାହିଁ, ତେଣୁ ଭିସାଭଦରରେ ଆମେ ଅଲଗା ଲଢିବୁ। ଗୁଜରାଟରେ ନିର୍ବାଚନ ଲଢିବୁ ଓ ଜିତିବୁ। ଦିଲ୍ଲୀରେ ପରାଜୟ ନେଇ କହିଛନ୍ତି ଜିତିବା ହାରିବା ଏଭଳି ଲାଗି ରହିଥାଏ। ତେବେ ପଞ୍ଜାବରେ ଆମର ସରକାର ପୁଣିଥରେ ଗଠନ ହେବ।
କେଜ୍ରିଓ୍ବାଲ କହିଛନ୍ତି, ଗତ ୩୦ ବର୍ଷରେ ଗୁଜରାଟରେ ବିଜେପି ସରକାର ରହିଛି। ଏହି ରାଜ୍ୟକୁ ବରବାଦ କରିବାରେ ବିଜେପି କୌଣସି ବାଟ ଛାଡିନି। ସୁରାଟରେ ଯେଉଁ ବନ୍ୟା ଆସିଥିଲା, ତାହା ମାନବକୃତ ବନ୍ୟା ଓ ବିଜେପିର ଭ୍ରଷ୍ଟାଚାରୀ ଫଳ। ଯୁବକଙ୍କୁ ରୋଜଗାର ମିଳିୁନି। କୃଷକଙ୍କୁ ୟୁରିୟା ମିଳୁନି। ସବୁ ବର୍ଗ ବିଜେପି ଉପରେ ଏବେ ଅସନ୍ତୁଷ୍ଟ। ତଥାପି ବିଜେପି ଲଗାତାର ଜିତୁଛି, କାରଣ ଲୋକଙ୍କ ପାଖରେ ବିକଳ୍ପ ନାହିଁ। ସବୁ ଲୋକ ଜାଣନ୍ତି ବିଜେପିର ପକେଟରେ କଂଗ୍ରେସ ରହିଛି। ତେଣୁ ଲୋକଙ୍କର କଂଗ୍ରେସ ଉପରେ ଭରସା ନାହିଁ।
