ନୂଆଦିଲ୍ଲୀ,୦୪/୦୭: ଭାରତୀୟ ବଜାର ନିୟାମକ ସେବି ବଡ଼ ଆକ୍ସନ ନେଇଛି । ଏକ ବଡ଼ ଆଦେଶ ଜାରି କରି ସେୟାର ମାର୍କେଟରେ ବ୍ୟାନ୍ ହୋଇଛି ଜେନ୍ ଷ୍ଟ୍ରିଟ୍ ଓ ତା ସହିତ ଜଡ଼ିତ କମ୍ପାନୀ ଜେଏସ୍ଆଇ ଇନଭେଷ୍ଟମେଣ୍ଟ ପ୍ରାଇଭେଟ ଲିମିଟେଡ଼, ଜେଏସଆଇ୨ ଇନଭେଷ୍ଟମେଣ୍ଟ ଲିମିଟେଡ, ଜେନ୍ ଷ୍ଟ୍ରିଟ୍ ସିଙ୍ଗାପୁରୁ ପ୍ରାଇଭେଟ ଲିମିଟେଡ ଏବଂ ଜେନ୍ ଷ୍ଟ୍ରିଟ୍ ଏସିୟା ଟ୍ରେଡିଙ୍ଗ ଲିମିଟେଡକୁ ସେୟାର ବଜାର କାରବାର କରିବାରୁ ବ୍ୟାନ କରାଯାଇଛି ।
ସେବି ଅନୁସାରେ, ଏହି କମ୍ପାନୀକୁ ଏବେ ପରୋକ୍ଷ କିମ୍ବା ପ୍ରତ୍ୟକ୍ଷ ରୂପେ ସେୟାର କିଣିବା, ବିକିବା କିମ୍ବା କୌଣସି ପ୍ରକାର ନେଣଦେଣ କରିବାକୁ ଅନୁମତି ମିଳିବ ନାହିଁ । ଜାତୀୟ ଗଣମାଧ୍ୟମ ଅନୁସାରେ ଆଦେଶରେ କୁହାଯାଇଛି କି, ଜେନ୍ ଷ୍ଟ୍ରିଟ୍ ଗ୍ରୁପ ଯେଉଁ ୪୮୪୩ କୋଟି ବେଆଇନ ଟଙ୍କା ଲୁଟିଛି ତାହା ଜବତ ହେବ । ଏହି ଜବତ ଟଙ୍କା ଦେଶର ଏକ ନାମୀ ବ୍ୟାଙ୍କରେ ଜମା କରାଯିବାକୁ ନିର୍ଦ୍ଦେଶ ହୋଇଛି । ଏହା ସହିତ ଜେନ୍ ଷ୍ଟ୍ରିଟ୍ ବ୍ୟାଙ୍କ ଖାତାରୁ ଟଙ୍କା ଉଠାଇବା ଉପରେ ରୋକ୍ ଲାଗିଛି । ସେବିର ବିନା ଅନୁମତିରେ ଏବେ କିଛି ନେଣଦେଣ ହେବ ନାହିଁ ।
୨୦୦୦ ମସିହାରେ ପ୍ରତିଷ୍ଠିତ, ଜେନ୍ ଷ୍ଟ୍ରିଟ୍ ଗ୍ରୁପ୍ ଏଲଏଲସି ହେଉଛି ଆର୍ଥିକ ସେବା ଶିଳ୍ପରେ ଏକ ବିଶ୍ୱସ୍ତରୀୟ ବାଣିଜ୍ୟ ସଂସ୍ଥା। ଏହା ଆମେରିକା, ୟୁରୋପ ଏବଂ ଏସିଆର ପାଞ୍ଚଟି କାର୍ଯ୍ୟାଳୟରେ ୨,୬୦୦ ରୁ ଅଧିକ ଲୋକଙ୍କୁ ନିଯୁକ୍ତି ଦିଏ ଏବଂ ୪୫ ଟି ଦେଶରେ ବାଣିଜ୍ୟ କାର୍ଯ୍ୟ ପରିଚାଳନା କରେ।
