ବ୍ରହ୍ମପୁର,୦୭/୦୮: ବିଧାୟକଙ୍କ ନିଆରା ପୂଜାର୍ଚନା । ଯେତିକି ଭୋଟ ବ୍ୟବଧାନରେ ବିଜୟୀ ହୋଇଥିଲେ, ସେତିକି ସଂଖ୍ୟକ ନଡ଼ିଆ ଭାଙ୍ଗି ଠାକୁରଙ୍କ ନିକଟରେ କରିଲେ ପୂଜାର୍ଚନା । ବ୍ରହ୍ମପୁରର ଚିକିଟି ଅଞ୍ଚଳରେ ଏଭଳି ଦୃଶ୍ୟ ଦେଖିବାକୁ ମିଳିଛି । 

ସୂଚନା ଅନୁଯାୟୀ, ଚିକିଟି ବିଧାୟକ ମନୋରଞ୍ଜନ ଦ୍ୟାନ ସାମାନ୍ତରାଏଙ୍କ ନିଆରା ପୂଜାର୍ଚନା କରିଥିବା ଦେଖିବାକୁ ମିଳିଛି । ଗତ ବିଧାନସଭା ନିର୍ବାଚନରେ ଚିକିଟି ନିର୍ବାଚନ ମଣ୍ଡଳୀରୁ ବିଜେଡି ପ୍ରାର୍ଥୀଙ୍କ ଠାରୁ ୬୫୨୨ ଭୋଟ ବ୍ୟବଧାନରେ ବିଜୟୀ ହୋଇଥିଲେ । ଏହାକୁ ଆଧାର କରି ମଙ୍ଗଳବାର ପାତ୍ରପୁରର ଆଧିଷ୍ଠାତ୍ରୀ ଦେବୀ ମା' କୁଠାରୀଶ୍ୱରୀଙ୍କ ପୀଠରେ ପୂଜାର୍ଚ୍ଚନା କରିଛନ୍ତି । ସେଠାରେ ମନୁ ସେନା ତରଫରୁ ୬୫୨୨ ଗୋଟି ନଡ଼ିଆ ଭଙ୍ଗା ଯାଇ ମାଆଙ୍କ ନିକଟରେ ପୂଜାର୍ଚନା କରାଯାଇଥିବାର ଦେଖିବାକୁ ମିଳିଛି । ଦୀର୍ଘ ୨୪ ବର୍ଷ ପରେ ଚିକିଟି  ନିର୍ବାଚନ ମଣ୍ଡଳୀରେ ପଟ ପରିବର୍ତ୍ତନ ହୋଇଛି । ବିପକ୍ଷ ଦଳୀୟ ପ୍ରାର୍ଥୀଙ୍କ ବିଜୟ ଧାରାରେ ରୋକ ଲଗାଇ ବିଜେପି ପ୍ରାର୍ଥୀ ମନୋରଞ୍ଜନ ଦ୍ୟାନ ସାମନ୍ତରାଏ ବିଜୟୀ ହେବାରେ ସକ୍ଷମ ହୋଇଛନ୍ତି ।