ପ୍ରମୁଖ ଖବର
  • ମୟୂରଭଞ୍ଜ ଗସ୍ତରେ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ରାଇରଙ୍ଗପୁର ଏବଂ ବାରିପଦାରେ ଦଳୀୟ ପ୍ରାର୍ଥୀଙ୍କ ପାଇଁ କରିବେ ପ୍ରଚାର
  • ||
  • ନିର୍ବାଚନ ପାଇଁ ଦୁଇ ଦିନ ମଦ ଦୋକାନ ଏବଂ ବାର୍‌ ବନ୍ଦ, ଭୋଟ୍‌ ଗଣତି ଦିନ ରାଜ୍ୟସାରା ମଦ ଦୋକାନ ବନ୍ଦ
  • ||
  • ଶନିବାର ତୃତୀୟ ପର୍ଯ୍ୟାୟ ମତଦାନ: ୬ ଲୋକସଭା, ୪୨ ବିଧାନସଭା ସିଟ୍‌ରେ ୪୪୭ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା
  • ||
  • ରଥଖଳା ହାଲ୍‌ଚାଲ୍‌...ସିଙ୍ଗଡ଼ା ବାଡ଼ିଆ, ପହି ବିନ୍ଧ ଅନୁକୂଳ...
  • ||
  • IPL 2024: ଦ୍ୱିତୀୟ କ୍ୱାଲିଫାୟରରେ ମୁହାଁମୁହିଁ ହେବେ ରୟାଲ୍ସ- ସନରାଇଜର୍ସ, ଟ୍ରାଭିସେକ ଯୋଡ଼ିଙ୍କୁ ଅଟକାଇବେ ସ୍ପିନ୍‌ ଟାଇଟନ
  • ||
  • ଦାନା ବାନ୍ଧୁଛି ବାତ୍ୟା ‘ରେମାଲ୍‌’: ୨୫ରେ ବାତ୍ୟା ରୂପ ନେବ, ୨୬ରେ ଭୀଷଣ ବାତ୍ୟାରେ ହେବ ପରିଣତ
  • ||

ଇଡି ଠାରୁ ନେଇ ସିବିଆଇର ନାଁ ଯାଏ ବ୍ୟବହାର କରି ଚାଲିଛି ଠକେଇ … ଆକ୍ସନରେ ସରକାର

ନୂଆଦିଲ୍ଲୀ – କେନ୍ଦ୍ର ଗୃହ ମନ୍ତ୍ରଣାଳୟ ପ୍ରବର୍ତ୍ତନ ଏଜେନ୍ସିଙ୍କ ନାମରେ ଲୋକଙ୍କୁ ଧମକ, ବ୍ଲାକମେଲ୍‌ , ଜୋରଜବରଦସ୍ତି ଅର୍ଥ ଆଦାୟ ଓ ଡିଜିଟାଲ ଆରେଷ୍ଟ ଭଳି ଘଟଣାର ସୂତ୍ରପାତ କରୁଥିବା ,ସାଇବର ଅପରାଧୀଙ୍କ ଠକେଇରେ ସାବଧାନ ରହିବାକୁ ପରାମର୍ଶ ଦେଇଛି। ଏହାସହ ତାଙ୍କ ବିଷୟରେ ସଚେତନତା ପ୍ରସାର କରିବା ତଥା ଏହାର ଅଭିଯୋଗ ତତ୍କାଳ ସାଇବର ଅପରାଧୀ ହେଲ୍ପଲାଇନରେ କରିବାକୁ ପରାମର୍ଶ ଦେଇଛନ୍ତି। ଗୃହ ମନ୍ତ୍ରଣାଳୟ ମଙ୍ଗଳବାର କହିଛି କି, ସାଇବର ଅପରାଧୀ ନିଜକୁ ପୁଲିସ , କେନ୍ଦ୍ରୀୟ ଯାଞ୍ଚ ବ୍ୟୁରୋ (ସିବିଆଇ)  , ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି), ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ଭଳି କେନ୍ଦ୍ରୀୟ ଏଜେନ୍ସିଙ୍କ ଅଧିକାରୀ କହି ଠକେଇ କରୁଛନ୍ତି। 

ଏହି ସାଇବର ଅପରାଧି ଏକ ସଙ୍ଗଠିତ ଅନଲାଇନ୍‌ ଆର୍ଥିକ ଅପରାଧର ଅଂଶ , ଯାହାକୁ ଦେଶର ସୀମା ସେପଟୁ ସିଣ୍ଡିକେଟ୍‌ ଦ୍ୱାରା ଅପରେଟ୍ କରାଯାଏ। 

ଏଥିରେ କୁହାଯାଇଛି କି, ମାଇକ୍ରୋସଫ୍ଟର ସହଯୋଗରେ ୧୪ ସି (ଭାରତୀୟ ସାଇବର ଅପରାଧ ସମନ୍ୱୟ କେନ୍ଦ୍ର) ପୂର୍ବରୁ ମଧ୍ୟ ଏମିତି କାର୍ଯ୍ୟକଳାପରେ ସାମିଲ ୧,୦୦୦ରୁ ଅଧିକ ସ୍କାଇପ୍‌ ଆଇଡିକୁ ବ୍ଲକ୍‌ କରି ଦେଇଛି। ଏହା ବ୍ୟତୀତ ଏହି ଠକଙ୍କ ଦ୍ୱାରା ବ୍ୟବହାର କରାଯାଉ ଥିବା ସିମ୍‌ କାର୍ଡ , ମୋବାଇଲ ଡିଭାଇସ ଓ ଠକଙ୍କ ଆକାଉଣ୍ଟକୁ ମଧ୍ୟ ବ୍ଲକ୍‌ କରାଯାଉଛି। ଗୃହ ମନ୍ତ୍ରଣାଳୟ ଦ୍ୱାରା ଜାରି ଏକ ବୟାନରେ କୁହାଯାଇଛି। ୧୪ସି ନିଜର ସୋସିଆଲ ମିଡ଼ିଆ ପ୍ଲାଟଫର୍ମ ସାଇବରଦୋସ୍ତ (ଏକ୍ସ, ଫେସବୁକ୍‌ , ଇନଷ୍ଟାଗ୍ରାମଆଦି) ରେ ଇନ୍ଫୋଗ୍ରାଫିକ୍ସ ଓ ଭିଡ଼ିଓ ମାଧ୍ୟମରେ ବିଭିନ୍ନ ଆଲର୍ଟ ମଧ୍ୟ ଜାରି କରିଛି।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.