ପ୍ରମୂଖ ଖବର
  • ଅପେକ୍ଷାର ହେଲା ଅନ୍ତ, ଖୋଲିଲା ଶ୍ରୀମନ୍ଦିର ବାହାର ରତ୍ନଭଣ୍ଡାର, ଭିତର ଭଣ୍ଡାର ଖୋଲିବାକୁ ଚାଲିଛି ପକ୍ରିୟା
  • ||
  • ଶ୍ରୀମନ୍ଦିରକୁ ପ୍ରବେଶ କଲେ ୧୧ ଜଣ ସଦସ୍ୟ, ଦିନ ୧ଟା ୨୮ରେ ଶୁଭ ମୁହୂର୍ତ୍ତରେ ଫିଟିବ ଭିତର ଭଣ୍ଡାର ତାଲା
  • ||
  • ଶ୍ରୀଲୋକନାଥଙ୍କ ସ୍ୱତନ୍ତ୍ର ପୂଜାର୍ଚ୍ଚନା ସମ୍ପନ୍ନ, ରତ୍ନଭଣ୍ଡାର ଖୋଲିବାକୁ ଆସିଲା ଆଜ୍ଞାମାଳ
  • ||
  • ଚତୁର୍ଥ ଟି-ଟ୍ୱେଣ୍ଟ; ଜିମ୍ବାଓ୍ବେକୁ ୧୦ ୱିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ, ଆଜି ପଞ୍ଚମ ମୁକାବିଲା
  • ||
  • ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଗୁଳିମାଡ଼, ସୁରକ୍ଷାକର୍ମୀଙ୍କ ଗୁଳିମାଡ଼ରେ ସନ୍ଦିଗ୍ଧ ସୁଟର ମୃତ
  • ||
  • ପାଞ୍ଚ ଦଶନ୍ଧିର ଘଟିବ ଅନ୍ତ, ଆଜି ଖୋଲିବ ଶ୍ରୀମନ୍ଦିର ରତ୍ନଭଣ୍ଡାର, ଦିନ ୧ଟା ପରେ ଶୁଭ ମୁହୂର୍ତ୍ତରେ ଫିଟିବ ତାଲା
  • ||
  • ରାଜ୍ୟରେ ଆସନ୍ତା ଦୁଇ ଦିନ ପ୍ରବଳ ବର୍ଷା ସମ୍ଭାବନା, ୧୮ରେ ଆଉ ଏକ ଘୂର୍ଣ୍ଣିବଳୟ
  • ||

ଏସିଆ କପ୍‌: କଲମ୍ବୋ ଗ୍ରାଉଣ୍ଡ ଷ୍ଟାଫଙ୍କୁ ‘ପ୍ରାଇଜ୍‌ ମନି’ ଦାନ କଲେ ମହମ୍ମଦ ସିରାଜ

କଲମ୍ବୋ, ୧୭/୦୯: କଲମ୍ବୋରେ ଲଙ୍କା ଉପରେ ବିଜୟ ହାସଲ କରିଛି ଭାରତ ।  ଏସିଆ କପ୍ ଫାଇନାଲ ଟାଇଟଲ ନିଜ ନାଁରେ କରିନେଇଛି ଭାରତୀୟ କ୍ରିକେଟ ଟିମ୍‌ । ଶ୍ରୀଲଙ୍କା ଟିମ୍‌କୁ ହରାଇ ଅଷ୍ଟମ ଥର ପାଇଁ ଏସିଆ କପ୍‌ ଟ୍ରଫି ହାସଲ କରିଛି ଟିମ୍‌ ଇଣ୍ଡିଆ । ଏହି ମ୍ୟାଚ୍‌ରେ ମହମ୍ମଦ ସିରାଜ ୨୧ ରନରେ ୬ଟା ଓ୍ବିକେଟ୍‌ ନେଇ ବିଭିନ୍ନ ରେକର୍ଡର ଅଧିକାରୀ ହୋଇଛନ୍ତି । ଏପରିକି ମ୍ୟାନ ଅଫ ଦି ମ୍ୟାଚ୍‌ ହୋଇଛନ୍ତି ସିରାଜ । 

ଖେଳରେ ଭାରତୀୟଙ୍କ ହୃଦୟ ଜିତିଗଲେ ସିରାଜ । ବଦାନ୍ୟତା ପାଇଁ ପ୍ରତିଟି ଶ୍ରୀଲଙ୍କାବାସୀଙ୍କ ମନକୁ ଛୁଇଁଗଲେ ମହମ୍ମଦ ସିରାଜ । ଆଜି କଲମ୍ବୋରେ ଭାରତୀୟ ବୋଲର ସିରାଜଙ୍କ ମହନୀୟତା ଦେଖିଲା ସାରା ବିଶ୍ବ । ମ୍ୟାନ୍‌ ଅଫ ଦି ମ୍ୟାଚ୍‌ ହୋଇଥିବା ସିରାଜ ନିଜର ପ୍ରାଇଜ୍‌ ମନି (ଉପହାର ଟଙ୍କା) କଲମ୍ବୋ ଗ୍ରାଉଣ୍ଡ ଷ୍ଟାଫଙ୍କୁ ଦାନ ଦେଇଛନ୍ତି । ଦମଦାର ପ୍ରଦର୍ଶନ ପରେ ସିରାଜ ହିଁ ମ୍ୟାନ ଅଫ ଦି ମ୍ୟାଚ୍‌ ହେବେ ଏଥିରେ ଆଶ୍ଚର୍ଯ୍ୟ ହେବାର କୌଣସି କାରଣ ନାହିଁ । ହେଲେ ସେ ଏହି ଉପହାର ଟଙ୍କା କଲମ୍ବୋର ଗ୍ରାଉଣ୍ଡ ଷ୍ଟାଫଙ୍କୁ ଦେବା ପାଇଁ ଘୋଷଣା କରି ସମସ୍ତଙ୍କୁ ଚକିତ କରିଦେଇଛନ୍ତି । 

ଏଥର ଏସିଆ କପ୍‌ରେ ବର୍ଷା ଚ୍ୟାଲେଞ୍ଜ ସୃଷ୍ଟି କରିଥିଲା । ହେଲେ ଗ୍ରାଉଣ୍ଡ ଷ୍ଟାଫଙ୍କ ଅକ୍ଳାନ୍ତ ପରିଶ୍ରମ ଯୋଗୁଁ ସୁରୁଖୁରୁରେ ହୋଇପାରିଥିଲା ଖେଳ । ଆଜିର ଫାଇନାଲ୍‌ ମୁକାବିଲାରେ ମଧ୍ୟ ବର୍ଷାର ତାଣ୍ଡବ ଦେଖିବାକୁ ମିଳିଥିଲା।  ହେଲେ ଥକିନପଡ଼ି କଲମ୍ବୋର ଗ୍ରାଉଣ୍ଡ ଷ୍ଟାଫ ପିଚ୍‌କୁ ବର୍ଷା ଦାଉରୁ ରକ୍ଷା କରିବାକୁ ଲାଗିପଡ଼ିଥିଲେ।  କେବଳ ଆଜି ନୁହେଁ ବରଂ ପ୍ରତ୍ୟେକଟି ମ୍ୟାଚରେ ସେମାନେ ଉତ୍ସାହର ସହ କାର୍ଯ୍ୟ କରୁଥିବା ଦେଖିବାକୁ ମିଳିଥିଲା । 

ଏପରିକି ଶ୍ରୀଲଙ୍କା ଗ୍ରାଉଣ୍ଡ ଷ୍ଟାଫଙ୍କ କାର୍ଯ୍ୟଙ୍କୁ ଖେଳପ୍ରେମୀ ବେଶ ପ୍ରଶଂସା ମଧ୍ୟ କରୁଛନ୍ତି । ସେପଟେ ପାକିସ୍ତାନ ସହ ଥିବା ମ୍ୟାଚ୍‌  ଦିନ  ଗ୍ରାଉଣ୍ଡ ଷ୍ଟାଫଙ୍କୁ ରୋହିତ ଶର୍ମା ଏବଂ ବିରାଟ କୋହଲି ମଧ୍ୟ ପ୍ରଶଂସା କରିଥିଲେ । ନିଜ ପ୍ରାଇଜ୍‌ ମନି ଦାନ   ଦେବା ପୂର୍ବରୁ ସିରାଜ କହିଥିଲ, ଗ୍ରାଉଣ୍ଡ ଷ୍ଟାଫ୍‌ ସମସ୍ତ କ୍ରେଡିଟ୍‌ (ଶ୍ରେୟ) ପାଇବାକୁ ହକଦାର । ସେମାନେ ନଥିଲେ ଟୁର୍ଣ୍ଣାମେଣ୍ଟ ହୋଇପାରିନଥାନ୍ତା । ତେଣୁ ଏ ଉପହାର ଟଙ୍କା ସେମାନଙ୍କ ପାଇଁ ବୋଲି ସିରାଜ ଘୋଷଣା କରିଥିଲେ । ତବେ ମ୍ୟାନ୍‌ ଅଫ ଦି ମ୍ୟାଚ୍‌ ହେବା ପରେ କ୍ୟାସ ପ୍ରାଇଜ ବାବଦକୁ ସିରାଜଙ୍କୁ ୪ ଳକ୍ଷ ୧୫ ହଜାର ଭାରତୀୟ ଟଙ୍କା ମିଳିଥିଲା ।

  • Asia cup 2023
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.