ୱାଶିଂଟନ : ପୃଥିବୀ ସହ ହେବ କି ଆଷ୍ଟ୍ରଏଡର ଧକ୍କା ? ମହାକାଶରୁ ହଠାତ୍ ଏକ ବିଶାଳ ଆଷ୍ଟ୍ରଏଡ୍କୁ ଦେଖିଲା ନାସା । ବଡ଼ ବିଲ୍ଡିଂ ଆକାରର ଏହି ୨୦୨୪ ଓଏନ୍ ନାମକ ଆଷ୍ଟ୍ରଏଡ୍ ପୃଥିବୀ ଆଡ଼କୁ ଦ୍ରୁତ ଗତିରେ ମାଡ଼ି ଆସୁଛି। ନାସାର ମନିଟରିଂ ଟିମ୍ ଆଷ୍ଟ୍ରଏଡ ଉପରେ ତୀକ୍ଷ୍ଣ ନଜର ରଖିଛନ୍ତି।
ଆଷ୍ଟ୍ରଏଡ୍ ୨୦୨୪ ଓଏନ୍କୁ ପ୍ରଥମେ ନାସାର ନିୟର –ଆର୍ଥ ଓବଜେକ୍ଟ ଅବଜର୍ଭେସନ ପ୍ରୋଗ୍ରାମ ଦ୍ୱାରା ଡିକ୍ଟେଟ୍ କରାଯାଇ ଥିଲା। ଯାହାକି ପୃଥିବୀ ନିକଟତର ହେଉଛି ବୋଲି ଜଣାପଡ଼ି ଥିଲା। ଏହି ଆଷ୍ଟ୍ରଏଡ୍ଟି ୧୫ ସେପ୍ଟେମ୍ୱର , ୨୦୨୪ରେ ପୃଥିବୀର ସବୁଠୁ ନିକଟରେ ପହଞ୍ଚିବାର ଆଶା କରାଯାଉଛି। ଏହି ସମୟରେ ଏହା ୬୨୦,୦୦୦ ମାଇଲ୍ ଦୂରତାରେ ପୃଥିବୀକୁ ଅତିକ୍ରମ କରିବ , ଯାହାକି ପୃଥିବୀ ଓ ଚନ୍ଦ୍ର ମଧ୍ୟରେ ଥିବା ଦୂରତାର ପାଖାପାଖି ୨.୬ ଗୁଣ।
୭୨୦ ଫୁଟ୍ (୨୧୯ ମିଟର)ର ଏହି ୨୦୨୪ ଓଏନ୍ ଅନ୍ୟ ଆଷ୍ଟ୍ରଏଟ୍ ଗୁଡ଼ିକ ଠାରୁ ବହୁତ ଅଧିକ, ଯାହାକି ତୁଳନାତ୍ମକ ଭାବେ ୬୦ ମହଲା ବିଶିଷ୍ଟ ବିଲ୍ଡିଂ ଆକାରର। ଏହାର ଗତି ଆନୁମାନିକ ଭାବେ ଘଣ୍ଟା ପ୍ରତି ୨୫,୦୦୦ ମାଇଲ୍ ରହିଛି।
କାର୍ଣ୍ଣିଫନିଆର ପସଦେନା ସ୍ଥିତ ନାସାର ଜେଟ୍ ପ୍ରପଲସନ ଲାବୋରେଟୋରୀ (ଜେପିଏଲ) ଏହି ଆଷ୍ଟ୍ରଏଡର ଗତିକୁ ଟ୍ରାକିଂ ଓ ବିଶ୍ଳେଷଣ କରିବାରେ ସବୁଠୁ ଆଗରେ ରହିଛି। ଉନ୍ନତ ରାଡାର ଓ ଅପ୍ଟିକାଲ ଟେଲିସ୍କୋପ୍ ବ୍ୟବହାର କରି ଜେପିଏଲରେ ବୈଜ୍ଞାନିକମାନେ ଏହି ୨୦୨୪ ଓଏନର ଆକାର , ଆକୃତି ଓ ସ୍ଥିତି ବିଷୟରେ ତଥ୍ୟ ସଂଗ୍ରହ କରୁଛନ୍ତି।
ନାସା ଟିମ୍ ଏହା ଉପରେ ନଜର ରଖିଛି । ଏହା ବାସ୍ତବରେ ସୁନିଶ୍ଚିତ କରାଯାଇ ପାରିବ ଯେ, ଏହା ପୃଥିବୀକୁ କୌଣସି ପ୍ରକାରର ବିପଦ ଅଛି ନା ନାହିଁ।
