ନୂଆଦିଲ୍ଲୀ ୩୧/୦୮: ବିଗ୍ ବସ୍ ଓଟିଟି ୨ ପରେ ସଲମାନ ଏବେ ଟିଭିରେ ବିଗ୍ ବସ୍ ସହିତ ନଜର ଆସିବେ। ବସ୍ ସିଜନ୍ ୧୭ ପାଇଁ ପ୍ରସ୍ତୁତି ଆରମ୍ଭ ହୋଇଛି ଏବଂ ଧୀରେ ଧୀରେ ଏହାର ପ୍ରତିଯୋଗୀମାନଙ୍କ ଠାରୁ ନେଇ ଥିମ୍ ପର୍ଯ୍ୟନ୍ତ ସମସ୍ତ ବିବରଣୀ ସାମ୍ନାକୁ ଆସୁଛି। ଏଥର ଅନେକ ଟିଭି ସେଲିବ୍ରେଟଙ୍କ ମଧ୍ୟରେ ଶୋ’ରେ ଏପରି ଜଣେ ପ୍ରତିଯୋଗୀ ଆସିବାର ଖବର ଆସିଛି, ଯାହା ଜାଣିଲେ ଆପଣ ଆଶ୍ଚର୍ଯ୍ୟ ହେବେ। ଏହି ପ୍ରତିଯୋଗୀ ଜଣଙ୍କ ସୀମା ହାଇଦରଙ୍କ ବ୍ୟତୀତ ଅନ୍ୟ କେହି ନୁହଁନ୍ତି। ଯିଏ ପ୍ରେମ ପାଇଁ ପାକିସ୍ତାନ ଛାଡି ଭାରତ ଆସିଛନ୍ତି।
ବିଗ୍ ବସ୍ ସିଜନ୍ ୧୭ ପାଇଁ ମେକର୍ସ ପ୍ରତିଯୋଗୀଙ୍କ ଲିଷ୍ଟ ପ୍ରସ୍ତୁତ କରୁଛନ୍ତି। ଏହି ଶୋ’ର ଫର୍ମାଟ୍ ଅନୁଯାୟୀ ବିବାଦର ସମ୍ମୁଖୀନ ହୋଇଥିବା ପ୍ରତିଯୋଗୀମାନେ ଏଥିରେ ଆସନ୍ତି। ଅନେକ ଗଣମାଧ୍ୟମ ରିପୋର୍ଟରେ ଦାବି କରାଯାଇଛି ଯେ ଏଥର ସୀମା ହାଇଦର ଶୋ’କୁ ଆସିବାକୁ ଯାଉଛନ୍ତି । କିନ୍ତୁ ସେ ଏକୁଟିଆ ଆସିବେ ନାହିଁ ବରଂ ସେହି ବ୍ୟକ୍ତିଙ୍କୁ ସାଥିରେ ଆଣିବେ ଯାହାଙ୍କ ପାଇଁ ସେ ପାକିସ୍ତାନ ଛାଡିଛନ୍ତି। ଅର୍ଥାତ୍ ସୀମାଙ୍କ ସହ ତାଙ୍କ ସ୍ୱାମୀ ସଚିନ୍ ମଧ୍ୟ ଏହି ଶୋ’ର ଏକ ଅଂଶ ହେବେ। ତେବେ ଏ ସମ୍ପର୍କରେ କୌଣସି ଅଫିସିଆଲ୍ ଘୋଷଣା କରାଯାଇ ନାହିଁ କିମ୍ବା ସେମାନଙ୍କ ତରଫରୁ କୌଣସି ପ୍ରତିକ୍ରିୟା ପ୍ରକାଶ ପାଇନାହିଁ।
ବିଗ୍ ବସ୍ ର ସିଜନ୍ ୧୭ ର ସମ୍ଭାବ୍ୟ ପ୍ରତିଯୋଗୀମାନଙ୍କ ତାଲିକାରେ ହର୍ଷ ବେନିୱାଲ୍, କନୱର୍ ଢିଲନ୍, ଏଲିସ୍ କୌଶିକ୍, ଇଶା ମାଲଭିଆ, ଟ୍ୱିଙ୍କଲ୍ ଆରୋରା, ମଲ୍ଲିକା ସିଂହ ସୁମେଦ୍ ମୁଦଗଲକର, ସୌରଭ ଯୋଶୀ, ସମର୍ଥ ଜୁରେଲ, ଅନୁରାଗ ଡୋଭାଲ ଏବଂ ଐଶ୍ୱର୍ଯ୍ୟା ଶର୍ମାଙ୍କ ନାମ ଅନ୍ତର୍ଭୁକ୍ତ । ତଥାପି, ଏହି ନାମଗୁଡିକ ଏପର୍ଯ୍ୟନ୍ତ ଫାଇନାଲ୍ ହୋଇନାହିଁ।