ପ୍ରମୁଖ ଖବର
  • ମୟୂରଭଞ୍ଜ ଗସ୍ତରେ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ରାଇରଙ୍ଗପୁର ଏବଂ ବାରିପଦାରେ ଦଳୀୟ ପ୍ରାର୍ଥୀଙ୍କ ପାଇଁ କରିବେ ପ୍ରଚାର
  • ||
  • ନିର୍ବାଚନ ପାଇଁ ଦୁଇ ଦିନ ମଦ ଦୋକାନ ଏବଂ ବାର୍‌ ବନ୍ଦ, ଭୋଟ୍‌ ଗଣତି ଦିନ ରାଜ୍ୟସାରା ମଦ ଦୋକାନ ବନ୍ଦ
  • ||
  • ଶନିବାର ତୃତୀୟ ପର୍ଯ୍ୟାୟ ମତଦାନ: ୬ ଲୋକସଭା, ୪୨ ବିଧାନସଭା ସିଟ୍‌ରେ ୪୪୭ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା
  • ||
  • ରଥଖଳା ହାଲ୍‌ଚାଲ୍‌...ସିଙ୍ଗଡ଼ା ବାଡ଼ିଆ, ପହି ବିନ୍ଧ ଅନୁକୂଳ...
  • ||
  • IPL 2024: ଦ୍ୱିତୀୟ କ୍ୱାଲିଫାୟରରେ ମୁହାଁମୁହିଁ ହେବେ ରୟାଲ୍ସ- ସନରାଇଜର୍ସ, ଟ୍ରାଭିସେକ ଯୋଡ଼ିଙ୍କୁ ଅଟକାଇବେ ସ୍ପିନ୍‌ ଟାଇଟନ
  • ||
  • ଦାନା ବାନ୍ଧୁଛି ବାତ୍ୟା ‘ରେମାଲ୍‌’: ୨୫ରେ ବାତ୍ୟା ରୂପ ନେବ, ୨୬ରେ ଭୀଷଣ ବାତ୍ୟାରେ ହେବ ପରିଣତ
  • ||

ଜାଣନ୍ତୁ ଏହି ଅଭିନେତ୍ରୀଙ୍କୁ ଯିଏ ଦିନେ ନିଜ ଚେହେରା ପାଇଁ ହୋଇଥିଲେ ରିଜେକ୍ଟ

ମୁମ୍ବାଇ,୧୫/୫: ଅନେକ ଲୋକ ଅଭିନେତା ହେବାର ସ୍ୱପ୍ନ ନେଇ ମୁମ୍ବାଇକୁ ଆସନ୍ତି । ହେଲେ  ଖୁବ୍ କମ୍ ଲୋକ ଏହି ସଫଳତା ହାସଲ କରିବାକୁ ସକ୍ଷମ ହୁଅନ୍ତି । ସେହିପରି ଜଣେ ଅଭିନେତ୍ରୀ ନିଜର ପାଠପଢା ଛାଡି ଅଭିନୟ ଆରମ୍ଭ କରିଥିଲେ। ସେ ବକ୍ସ ଅଫିସରେ ଟପ୍ ଅଭିନେତ୍ରୀ ଆଲିଆ ଭଟ୍ଟ, ଦୀପିକା ପାଦୁକୋନ୍ ଏବଂ କ୍ୟାଟ୍ରିନା କୈଫଙ୍କୁ ପଛରେ ପକାଇବା ପୂର୍ବରୁ  ଅନେକ ଫ୍ଲପ୍ ଫିଲ୍ମ  ଦେଇଥିଲେ। ଆମେ ଯେଉଁ ଅଭିନେତ୍ରୀଙ୍କ କଥା କହୁଛୁ ତାଙ୍କର ୧୫ ବର୍ଷ ପର୍ଯ୍ୟନ୍ତ  କୌଣସି ହିଟ ଫିଲ୍ମ ଆସିନଥିଲା । ହେଲେ ଗୋଟିଏ ଫିଲ୍ମ ତାଙ୍କର ଜୀବନ ବଦଳାଇ ଦେଇଥିଲା ଆଉ ତାଙ୍କୁ ଷ୍ଟାର ବନାଇଥିଲା । ସେ ଆଉ କେହି ନୁହେଁ ସେ ହେଉଛନ୍ତି ଜଣାଶୁଣା ଅଭିନେତ୍ରୀ  ଅଦା ଶର୍ମା । 

ଅଦା ଶର୍ମା ୧୬ ବର୍ଷ ବୟସରୁ ପାଠପଢା ଛାଡି ତାଙ୍କର ଅଭିନୟ କ୍ୟାରିଅର ଆରମ୍ଭ କରିଥିଲେ। ଅଭିନେତ୍ରୀଙ୍କୁ ଫିଲ୍ମ କ୍ୟାରିଅର ଆରମ୍ଭରେ ତାଙ୍କ ଲୁକକୁ ନେଇ ଅନେକ କଷ୍ଟ ସହିବାକୁ ପଡିଥିଲା । ଏହାକୁ ନେଇ ଅଭିନେତ୍ରୀ  ଏକ ସାକ୍ଷାତକାରରେ କହିଛନ୍ତି, "ହଁ, ମୋର କ୍ୟାରିଅରର ପ୍ରାରମ୍ଭିକ ପର୍ଯ୍ୟାୟରେ ମୋତେ କୁହାଯାଇଥିଲା ଯେ,  ତୁମେ ଭଲ ଦେଖାଯାଉ ନାହଁ  । ଯାହା ମୋତେ ବେଶ ଖରାପ ଲାଗିଥିଲା। ଧୀରେ ଧୀରେ ମୁଁ ଅନୁଭବ କଲି ଯେ ଯଦି ସେମାନେ ମତେ ବାହାର  କରିବାକୁ ଚାହାଁନ୍ତି ତେବେ ସେମାନେ ମୋତେ ଯେମିତି ହେଲେ ବାହାର କରିବେ । ମୁଁ ଯେପରି ଦେଖାଗଲେ ବି । କିନ୍ତୁ ଯଦି ମୁଁ କୌଣସି ଭୂମିକା ପାଇଁ ଫିଟ୍ ଅଛି ଏବଂ କୌଣସି ତ୍ରୁଟି ନାହିଁ ତେବେ ସେମାନେ ମୋତେ  ଏକ ପ୍ରକଳ୍ପ ପାଇଁ ନିଶ୍ଚୟ ଡାକିବେ। "

ଅନେକ ଅସ୍ୱୀକାରର ସମ୍ମୁଖୀନ ହେବା ପରେ ଅଭିନେତ୍ରୀ ଶେଷରେ ବିକ୍ରମ ଭଟ୍ଟଙ୍କ ସହ ୧୯୨୦: ଇଭିଲ୍ ରିଟର୍ନସରେ ଡେବ୍ୟୁ କରିଥିଲେ । ଯାହା ଏକ ବକ୍ସ ଅଫିସରେ ସଫଳତା ଥିଲା ଏବଂ ଫିଲ୍ମରେ ତାଙ୍କର ଅଭିନୟ ମଧ୍ୟ ଦର୍ଶକଙ୍କ ଦ୍ୱାରା ପ୍ରଶଂସିତ ହୋଇଥିଲା। ହେଲେ ଫିର, ହମ୍ ହେ ରାହି କାର୍ , କମାଣ୍ଡୋ,ହସି ତୋ ଫସି ଭଳି ଅନେକ ଫିଲ୍ମ ବକ୍ସ ଅଫିସରେ ବିଫଳ ହୋଇଥିଲେ। ଏହି ଅଭିନେତ୍ରୀଙ୍କ ପାଖରେ ୧୫ ବର୍ଷ ପର୍ଯ୍ୟନ୍ତ କୌଣସି ହିଟ୍ ଫିଲ୍ମ ନଥିଲା ଏବଂ ତା’ପରେ ସୁଦୀପ୍ତୋ ସେନଙ୍କ 'ଦ କେରଳ' କାହାଣୀ ତାଙ୍କ ଜୀବନକୁ ବଦଳାଇ ତାଙ୍କୁ ରାତାରାତି ଷ୍ଟାର ବନାଇ ଦେଇଥିଲା। 

ସୁଦୀପ୍ତୋ ସେନଙ୍କ ଦ୍ୱାରା ନିର୍ଦ୍ଦେଶିତ କେରଳ ଷ୍ଟୋରୀରେ ଅଦା ଶର୍ମା, ଯୋଗିତା ବିହାନୀ, ସୋନିଆ ବାଲାନି ଏବଂ ସିଦ୍ଧ ଇଦାନୀ ଅଭିନୟ କରିଛନ୍ତି। ଏହି ଚଳଚ୍ଚିତ୍ରର ବଜେଟ୍ ୨୦ କୋଟି ଟଙ୍କା ଥିଲା ଏବଂ ଏହା ସାରା ବିଶ୍ୱରେ ୩୦୩ କୋଟି ଟଙ୍କା ଆୟ କରିଥିଲା। ଏହି ୧୪୦୦% ଲାଭ ଦୃଷ୍ଟିରୁ ୨୦ ୨୩ ର ସବୁଠାରୁ ବଡ ଚଳଚ୍ଚିତ୍ର କରିପାରିଥିଲା।  ବକ୍ସ ଅଫିସରେ ଦୀପିକା ପାଦୁକୋନ, ଆଲିଆ ଭଟ୍ଟ ଏବଂ କ୍ୟାଟ୍ରିନା କୈଫଙ୍କ ଭଳି ବଲିଉଡ ଅଭିନେତ୍ରୀଙ୍କୁ ସେ ପଛରେ ପକାଇ ଦେଇଥିଲା । ଏହାପରେ ଅଭିନେତ୍ରୀ ବସ୍ତର ଦ ନକ୍ସଲ ଷ୍ଟୋରୀରେ ନଜର ଆସିଥିଲେ, ଯାହା ବକ୍ସ ଅଫିସରେ ଭଲ କରିନଥିଲା। ଏହି ଅଭିନେତ୍ରୀ ସ୍ପିନ୍ ଅଫ୍ ସିରିଜ୍ କମାଣ୍ଡୋ ଏବଂ ସୁନୀଲ ଗ୍ରୋଭରଙ୍କ ସହ ଲୋକପ୍ରିୟ ଡାର୍କ କମେଡି ସନଫ୍ଲାବର ମଧ୍ୟ ଅଭିନୟ କରିଥିଲେ। ଏହି ଅଭିନେତ୍ରୀ ବର୍ତ୍ତମାନ ତାଙ୍କର ପରବର୍ତ୍ତୀ ଚଳଚ୍ଚିତ୍ର 'ଦି ଗେମ୍ ଅଫ୍ ଚାମେଲିନ୍'ରେ କାମ କରୁଛନ୍ତି ଯାହା ଚଳିତ ବର୍ଷ ମୁକ୍ତିଲାଭ କରିବାକୁ ଯାଉଛି।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.