ନୂଆଦିଲ୍ଲୀ : ଏମିତି ଅନେକ ଲୋକ ଅଛନ୍ତି , ଯେଉଁମାନେ ସୀମିତ ବଜେଟ୍ରେ ବୁଲିବାକୁ ପସନ୍ଦ କରିଥାନ୍ତି, କିନ୍ତୁ ଅନେକ ଥର ପିକ୍ ସିଜନରେ ହୋଟେଲ ଆଦିର ଦର ଏତେ ଅଧିକ ବଢିଯାଏ ଯେ , ବ୍ୟକ୍ତି ଚାହିଲେ ବି ସୀମିତ ବଜେଟରେ ଟ୍ରାଭେଲିଂ କରି ପାରନ୍ତି ନାହିଁ ଏବଂ ଖୁବ୍ ଅଧିକ ଟଙ୍କା ଖର୍ଚ୍ଚ ହୋଇ ଯାଏ। ଅନେକ ଥର ଏହିସବୁ ଜିନିଷ ଯୋଗୁଁ ଲୋକେ ବୁଲିବାର ପ୍ଲାନ ହିଁ କ୍ୟାନସେଲ କରି ଦିଅନ୍ତି। ରହିବା ଓ ଖାଇବା କୌଣସି ବି ଟ୍ରିପ୍ର ସବୁଠୁ ଜରୁରୀ ପାର୍ଟ ହୋଇଥାଏ। ଏଥିରେ ବ୍ୟକ୍ତି ସବୁଠୁ ଅଧିକ ଟଙ୍କା ଖର୍ଚ୍ଚ କରିଥାନ୍ତି। ଯଦି ଆପଣଙ୍କ ସହ ମଧ୍ୟ ଏମିତି ସବୁ ହୋଇଥାଏ ତ ଏବେ ଆପଣଙ୍କୁ ଆଉ ଚିନ୍ତା କରିବାର କୌଣସି ଆବଶ୍ୟକ ନାହିଁ।
ଆପଣଙ୍କୁ ଏମିତି ସ୍ଥାନ ବିଷୟରେ କହିବାକୁ ଯାଉଛୁ , ଯେଉଁଠି ଆପଣ ମାଗଣାରେ ରହି ପାରିବେ। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ, ଭାରତରେ ଏମିତି ବହୁତ ସ୍ଥାନ ଅଛି, ଯେଉଁଠି ଆପଣ ମାଗଣାରେ ରହି ପାରିବେ।
ମଣିକରଣ ସାହିବ ଗୁରୁଦ୍ୱାରା ( ହିମାଚଳ ପ୍ରଦେଶ) – ଦିଲ୍ଲୀ ବା ଏହାର ଆଖପାଖର ସହରରେ ରହୁଥିବା ଅଧିକାଂଶ ଲୋକ ହିମାଚଳ ବୁଲିବାକୁ ଯାଆନ୍ତି। ହିମାଚଳ ପ୍ରଦେଶର କସୋଲ ସ୍ଥିତ ମଣିକରଣ ସାହିବ ଗୁରୁଦ୍ୱାରାରେ ମାଗଣାରେ ରହି ପାରିବେ। ଏଠାରେ ମାଗଣାରେ ରହିବା ସହ ଆପଣଙ୍କୁ ମାଗଣାରେ ପାର୍କିଂ ଓ ମାଗଣା ଖାଇବା ( ଲଙ୍ଗର)ର ସୁବିଧା ମଧ୍ୟ ମିଳିଥାଏ।
ଆନନ୍ଦାଶ୍ରମ ( କେରଳ) – ଆପଣ ଏହି ଆଶ୍ରମରେ ଭଲିଣ୍ଟିୟର ହୋଇ ମାଗଣାରେ ରହି ପାରିବେ। ଆଶ୍ରମରେ ଆପଣଙ୍କୁ ମାଗଣାରେ ରହିବା ସହ ଭୋଜନ ମଧ୍ୟ ମାଗଣାରେ ମିଳିଥାଏ। ଆଶ୍ରମରେ ଆପଣଙ୍କୁ ଦିନର ତିନି ସମୟର ଖାଦ୍ୟ ମଧ୍ୟ ଦିଆଯାଇ ଥାଏ , ଯାହାକୁ ଖୁବ୍ କମ୍ ମସଲା ଯୁକ୍ତ ପ୍ରସ୍ତୁତ କରାଯାଏ ।
ଗୀତା ଭବନ ( ଋଷିକେଶ) – ଋଷିକେଶ, ଦିଲ୍ଲୀ ଓ ଏହାର ଆଖପାଖର ସହରରେ ରହୁଥିବା ଲୋକଙ୍କ ପ୍ରଥମ ପସନ୍ଦ। ଏଠାରେ ଗୀତା ଭବନ ଆଶ୍ରମରେ ଆପଣ ମାଗଣାରେ ରହି ପାରିବେ। ମାଗାଣରେ ରହିବା ସହ ଏଠାରେ ଆପଣଙ୍କୁ ଭୋଜନ ମଧ୍ୟ ମାଗଣାରେ ମିଳିଥାଏ । ଆଶ୍ରମରେ ପାଖାପାଖି ୧୦୦୦ ରୁମ୍ ରହିଛି , ଯେଉଁଠାକୁ ସାରା ବିଶ୍ୱର ଲୋକ ଆସି ରୁହନ୍ତି। ଆଶ୍ରମ ପକ୍ଷରୁ ସତସଙ୍ଗ ଓ ଯୋଗର ପର୍ଯ୍ୟାୟ ମଧ୍ୟ ଦିଆଯାଏ।
ଇଶା ଫାଉଣ୍ଡେସନ – ଇଶା ଫାଉଣ୍ଡେସନ କୋଏମ୍ୱାଟୁରରୁ ପାଖାପାଖି ୪୦ କିଲୋମିଟର ଦୂର। ଏଠାରେ ସେଣ୍ଟର ଯୋଗ , ପରିବେଶ ଓ ସାମାଜିକ କାର୍ଯ୍ୟକ୍ଷେତ୍ରରେ କାମ କରିଥାଏ। ଯଦି ଆପଣ ଚାହାନ୍ତି ତ ଏଠାରେ ଆପଣ ସହଯୋଗ ଦେଇ ପାରିବେ ଏବଂ ମାଗଣାରେ ରହିପାରିବେ।
ଗୋବିନ୍ଦ ଘାଟ ଗୁରୁଦ୍ୱାରା ( ଚମୋଲି , ଉତ୍ତରାଖଣ୍ଡ) – ଏଠାରେ ଗୁରୁଦ୍ୱାରା ଉତ୍ତରାଖଣ୍ଡର ଚମୋଲି ଜିଲ୍ଲାରେ ଅଲକାନନ୍ଦା ନଦୀ ନିକଟରେ ରହିଛି। ଏଠାକୁ ଆସୁଥିବା ଟୁରିଷ୍ଟ , ଟ୍ରାକର୍ସ, ଓ ଶ୍ରଦ୍ଧାଳୁ ଏଠାରେ ମାଗଣାରେ ରହି ପାରିବେ। ଗୁରୁଦ୍ୱାରାରୁ ଆପଣ ପାହାଡ଼ ଗୁଡ଼ିକର ଆକର୍ଷଣୀୟ ଦୃଶ୍ୟକୁ ଦେଖି ପାରିବେ।
