ପ୍ରମୁଖ ଖବର
  • ପୁରୀ ଚନ୍ଦନପୁରରେ ସିମେଣ୍ଟ ଗୋଦାମ ଉପରକୁ ବୋମାମାଡ, ଦୁର୍ବୃତ୍ତଙ୍କୁ କାବୁ କଲେ ଲୋକେ
  • ||
  • ଆସିଲା ବିଜେଡିର ସପ୍ତମ ପର୍ଯ୍ୟାୟ ପ୍ରାର୍ଥୀ ତାଲିକା, ରଘୁନାଥ ପାଲିରୁ ଅର୍ଚ୍ଚନା ରେଖା ବେହେରା, କାକଟପୁର ତୁଷାରକାନ୍ତି ବେହେରା
  • ||
  • ରାୟାଗଡ଼ା ଆସିବେ କଂଗ୍ରେସ ବରିଷ୍ଠ ନେତା ରାହୁଲ ଗାନ୍ଧୀ ଓ ତେଲେଙ୍ଗାନା ମୁଖୃମନ୍ତ୍ରୀ ରେବନ୍ତ ରେଡ୍ଡି
  • ||
  • ଅଗ୍ନିରୂପା ମା' ହିଙ୍ଗୁଳାଙ୍କ ପ୍ରସିଦ୍ଧ ଯାତ୍ରା ଆରମ୍ଭ, ମା'ଙ୍କ ଉଭାସ୍ଥଳୀ ନିକଟରେ ସୁରକ୍ଷା ବ୍ୟବସ୍ଥା କଡ଼ାକଡ଼ି
  • ||
  • ୨୪ ମହାସଂଗ୍ରାମ ପାଇଁ ଏପ୍ରିଲ ୨୪ରୁ ପ୍ରଚାରକୁ ଓହ୍ଲାଇବେ ନବୀନ,ହିଞ୍ଜିଳିରୁ ଆରମ୍ଭ ହେବ ଭୋଟଭିକ୍ଷା
  • ||
  • ସୋମବାରଠୁ ତିନି ଦିନ ଯାଏ ସକାଳୁଆ ସ୍କୁଲ, ୨୫ରୁ ଖରା ଛୁଟି ଘୋଷଣା କଲେ ରାଜ୍ୟ ସରକାର
  • ||
  • ଆଜି ପୃଥିବୀ ଦିବସ, ଏ ବର୍ଷର ଥିମ୍ ‘ଗ୍ରହ ବନାମ ପ୍ଲାଷ୍ଟିକ୍’, ପ୍ଲାଷ୍ଟିକ୍ ବ୍ୟବହାର କମାଇବାକୁ ଆହ୍ବାନ
  • ||
  • IPL 2024: ଆଜି ରାଜସ୍ଥାନ ରୟାଲ୍ସକୁ ଭେଟିବ ମୁମ୍ବାଇ ଇଣ୍ଡିଆନ୍ସ, ପ୍ରତିଶୋଧ ଲକ୍ଷ୍ୟରେ ପାଣ୍ଡ୍ୟା ବାହିନୀ
  • ||
  • ସୋମବାରଠୁ ରାଜ୍ୟରେ ସାମାନ୍ୟ କମିପାରେ ତାତି, ୨୫ରୁ ପୁଣି ଅଗ୍ନି ବର୍ଷା: କାଳବୈଶାଖୀ ପ୍ରଭାବରେ ବର୍ଷା ସମ୍ଭାବନା
  • ||

ଭାଙ୍ଗିଲା ପ୍ରଚଣ୍ଡ ଏବଂ ବାହାଦୂରଙ୍କ ମେଣ୍ଟ ସରକାର, ଶାସନକୁ ଫେରିଲେ ଚୀନ୍‌ ସମର୍ଥକ ଓଲି

Image Courtesy: indiatvnews

କାଠମାଣ୍ଡୁ: ନେପାଳ ରାଜନୀତିରେ  ହାଇଡ୍ରାମା । ଦୀର୍ଘ ୧୫ ମାସ ପରେ ଭାଙ୍ଗିଛି ପ୍ରଧାନମନ୍ତ୍ରୀ ପୁଷ୍ପ କମଲ ଦହଲ (ପ୍ରଚଣ୍ଡ) ଏବଂ ପୂର୍ବତନ ପ୍ରଧାନମନ୍ତ୍ରୀ ଶେର ବାହାଦୂର ଦେଉବାଙ୍କ ମେଣ୍ଟ ସରକାର । ପିଏମ ପୁଷ୍ପ କମଲ ଦହଲ ଏବେ କେପି ଓଲିଙ୍କ ସହ ମେଣ୍ଟ କରିବା ସହ ନୂଆ ସରକାର ନେଇ ଘୋଷଣା କରିଛନ୍ତି । ଏହା ସହ ନୂଆ ସରକାରରେ ମନ୍ତ୍ରିମଣ୍ଡଳ ବିସ୍ତାର ନେଇ ମଧ୍ୟ ଚର୍ଚ୍ଚା ଲାଗିରହିଛି । 

ସେପଟେ ନୂଆ ମେଣ୍ଟ ସରକାର ପଛରେ ଚୀନ୍‌ର ହାତ ଥିବା ନେଇ କୁହାଯାଉଛି । ପୁଷ୍ପ କମଲ ଏବଂ ଶେର ବାହାଦୂରଙ୍କ ସଂପର୍କରେ ଫାଟ ସୃଷ୍ଟି କରିବାକୁ ଚୀନ୍‌ର ରାଷ୍ଟ୍ରଦୂତ ମୁଖ୍ୟ ଭୂମିକା ନେଇଥିବା ଚର୍ଚ୍ଚା ହେଉଛି ।  ନିକଟ ଅତୀତରେ ନେପାଳରେ ବାମପନ୍ଥୀ ସରକାର ପ୍ରତିଷ୍ଠା ଲାଗି ଚୀନ୍‌ ପ୍ରଚେଷ୍ଟା କରୁଥିବା ଦେଖିବାକୁ ମିଳିଥିଲା । ଫଳରେ ନେପାଳରେ ଚୀନ ନିଜର ପ୍ରଭୁତ୍ବ ବିସ୍ତାର କରିପାରିବ । ଗୋଟିଏ ପଟେ ଶେର ବାହାଦୂର ଭାରତର ସମର୍ଥକ ଥିବା ବେଳେ ଏବେ ସରକାରରେ ପ୍ରବେଶ କରିଥିବା କେପି ଶର୍ମା ଓଲି ଚୀନର ଜଣେ ଦୃଢ଼ ସମର୍ଥକ । 

ଏଥିପାଇଁ ସି ଜିନପିଙ୍ଗ ଲଗାତାର କେପି ଓଲିଙ୍କୁ ଶାସନକୁ ଫେରାଇ ଆଣିବା ଲାଗି ଚେଷ୍ଟା ଜାରି ରଖିଥିଲେ । ଆଉ ଏଥିରେ ଚୀନ୍‌ କେତେକାଂଶରେ ସଫଳ ମଧ୍ୟ ହୋଇଛି ।  ନେପାଳରେ ପ୍ରଧାନମନ୍ତ୍ରୀ ଥିବା ସମୟରେ ଭାରତ ପ୍ରତି କେପି ଓଲିଙ୍କ ବ୍ୟବହାର କିଛି ଖାସ ନଥିଲା । ସେ ଲଗାତାର ଭାରତ ବିରୋଧରେ ମନ୍ତବ୍ୟ ଦେଇ ଚର୍ଚ୍ଚାକୁ ଆସିଥିଲେ । 

ଓଲିଙ୍କୁ ଚୀନ୍‌ ସମର୍ଥକ ବୋଲି କୁହାଯାଉଥିବା ବେଳେ ଚୀନ୍‌ ରାଷ୍ଟ୍ରଦୂତଙ୍କ ପରାମର୍ଶ କ୍ରମେ ସେ ନେପାଳର ନୂଆ ନକ୍ସା ଜାରି କରିଥିଲେ । ଏଥିରେ ସେ ଭାରତ ଲିମ୍ପିୟାଧୁରା ଏବଂ କଳାପାଣି କ୍ଷେତ୍ରକୁ ନେପାଳର ବୋଲି ଦର୍ଶାଇଥିଲେ । ଏପରିକି ନିକଟରେ ପ୍ରଚଣ୍ଡ ଏବଂ ଓଲି ଚୀନ୍‌ର ରାଷ୍ଟ୍ରଦୂତଙ୍କୁ ଏକାଧିକ ଥର ସାକ୍ଷାତ କରିଛନ୍ତି ।

  • Nepal
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.