ଫିରିଙ୍ଗିଆ,୭।୯ : ଆସନ୍ତା ୧୨ ତାରିଖ ଗୁରୁବାର କନ୍ଧମାଳ ଜିଲ୍ଲା ଫିରିଙ୍ଗିଆର ଅଧିଷ୍ଠାତ୍ରୀ ଦେବୀ ମା’ ପୀତବଳିଙ୍କ ପ୍ରସିଦ୍ଧ ଯନ୍ତାଳ ଯାତ୍ରା ପାଳନ ହେବ I ଏଥିପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି I ପ୍ରତ୍ୟେକ ବର୍ଷ ପରି ଚଳିତ ବର୍ଷ ମଧ୍ୟ ମା’ଙ୍କ ଏହି ଯାତ୍ରାକୁ ମହାସମାରୋହରେ ପାଳନ କରିବା ପାଇଁ ଯାତ୍ରା କମିଟିର କର୍ମକର୍ତ୍ତା ଓ ଗ୍ରାମବାସୀ ଲାଗିପଡିଛନ୍ତି I 

ଯାତ୍ରା ପାଇଁ ମା’ଙ୍କ ମନ୍ଦିର ପ୍ରାଙ୍ଗଣରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା I ଏଥିରେ  ଯାତ୍ରା କମିଟିର ସଭାପତି ଉମାକାନ୍ତ କହଁରଙ୍କ ସଭାପତିତ୍ୱ  କରିଥିଲେ। ମା’ଙ୍କ ମୁଖ୍ୟ ପୂଜକ ସତ୍ୟନାରାୟଣ ଭୁକ୍ତାଙ୍କ ସହ ବହକ ପଦ୍ମଲୋଚନ ପ୍ରଧାନ ଉପସ୍ଥିତ ଥିବା ବେଳେ ଅନ୍ୟମାନଙ୍କ ମାଧ୍ୟ୍ୟରେ ସମ୍ପାଦକ ଗୁରୁବନ କହଁର, ବରିଷ୍ଠ ସଦସ୍ୟ ଉମା ବିନ୍ଧାଣି, ସୁରେନ୍ଦ୍ର କହଁର,କାଳି ମନ୍ଦିର ପରିଚଲାନା କମିଟିର ସଭାପତି ସତ୍ୟନାରାୟଣ ପବିଗ୍ରାହୀ ଓ ବହୁ କମିଟିର ସମସ୍ତ ସଦସ୍ୟଙ୍କ ସହ ଗ୍ରାମବାସୀ ଉପସ୍ଥିତ ଥିଲେ I ପ୍ରତ୍ୟେକ ବର୍ଷ ପରି ଚଳିତ ବର୍ଷ ମଧ୍ୟ୍ୟ ଯାତ୍ରାର ପୂର୍ଵ ଦିନ ଅର୍ଥାତ ବୁଧବାର ମା’ଙ୍କ ନିମନ୍ତ୍ରଣ କାର୍ଯ୍ୟକ୍ରମ ରହିଛି। ଗୁରୁବାର ପୂଜକ, ବାହକ, ମା’ଙ୍କ ସେବକ ଅର୍ଥାତ ତେର ଭୁକ୍ତା ଙ୍କୁ ନିମନ୍ତ୍ରଣ ପରେ ଅପରାହ୍ନ ତିନିଟା ସମୟରେ ପାରମ୍ପରିକ ରୀତିନୀତି ଅନୁସାରେ ମା’ଙ୍କ ପୂଜାକାର୍ଯ୍ୟ ଆରମ୍ଭ ହେବ I ସେପଟେ ଗୁରୁବାର ରାତି ୧୨ଟା ସମୟରେ ମା’ଙ୍କ ଠାରେ ନବାର୍ଣ୍ଣ ଲାଗି କରାଯିବାର କାର୍ଯ୍ୟକ୍ରମ ରଖାଯାଇଥିବା ଯାତ୍ରା କମିଟି ତରଫରୁ ସୂଚନା ଦିଆଯାଇଛି I 

ମା’ଙ୍କ ଏହି ଯାତ୍ରାରେ ଭକ୍ତ ଓ ଶ୍ରଦ୍ଧାଳୁମାନଙ୍କର ଭିଡ଼କୁ ଆଖିଆଗରେ ରଖି ଫିରିଙ୍ଗିଆ ପୋଲିସ ତରଫରୁ ମଧ୍ୟ୍ୟ ସୁରକ୍ଷା ବ୍ୟବସ୍ଥା କଡାକଡି କରାଯିବ ବୋଲି ସୂଚନା ଦେଇଛନ୍ତି ଫିରିଙ୍ଗିଆ ଥାନା ଅଧିକାରୀ ଗୋପୀନାଥ ବେହେରା I ସନ୍ଧ୍ୟା ସମୟରେ ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମ ମଧ୍ୟ୍ୟ ଆୟୋଜନ କରାଯାଇଥିବା ସୂଚନା ମିଳିଛି I