ମଧ୍ୟ ପ୍ରଦେଶ : ପ୍ରେସକ୍ରିପ୍ସନରେ ଲେଖା ହୋଇଥିବା ଡାକ୍ତରଙ୍କ ରାଇଟିଂକୁ ପଢିବା ସମସ୍ତଙ୍କ ପାଇଁ ସହଜ ହୋଇ ନଥାଏ , କିନ୍ତୁ ଏହି ଭାଷାକୁ ମେଡିକାଲ ଷ୍ଟୋର ଲୋକ ଖୁବ୍‌ ଭଲ ଭାବେ ବୁଝି ପାରନ୍ତି। କ୍ଷଣିକରେ ସେମାନେ ଡାକ୍ତର ଲେଖିଥିବା ଔଷଧକୁ ବାହାର କରି ଦେଇ ଦିଅନ୍ତି। ମଧ୍ୟ ପ୍ରଦେଶର ସତନା ଜିଲ୍ଲାରୁ ଏକ ଆଶ୍ଚର୍ଯ୍ୟକର ମାମଲା ସାମନାକୁ ଆସିଛି। ଏଠାରେ ସରକାରୀ ହସ୍ପିଟାଲର ଡାକ୍ତର ଜଣେ ବ୍ୟକ୍ତିଙ୍କୁ ପ୍ରେସକ୍ରିପସନରେ କିଛି ଔଷଧ ଲେଖି ଦେଇଛନ୍ତି , ଯାହାକୁ ଯିଏ ବି ହେଉ ପଢିବା ମୁସ୍କିଲ ହୋଇ ଯିବ। ପଢିବି ପାରିବ ନାହିଁ। ସେଥିରେ କଣ ଲେଖା ଯାଇଛି , ଏହି କଥାକୁ ମେଡିକାଲ ଷ୍ଟୋରର ଲୋକ ବି ବୁଝି ପାରିଲେ ନାହିଁ , ଏହାପରେ ଡାକ୍ତରଙ୍କ ଦ୍ୱାରା ଲେଖା ଏହି ପ୍ରେସକ୍ରିପସନ ସୋସିଆଲ ମିଡ଼ିଆରେ ଭାଇରାଲ ହୋଇଛି। 

ଲାଇଭ ହିନ୍ଦୁସ୍ତାନ ଡଟ କମ୍‌ରେ ପ୍ରକାଶିତ ଖବର ଅନୁସାରେ , ଏହି ମାମଲା ସତନା ଜିଲ୍ଲାର ନାଗୌଦ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର। ଯେଉଁଠି ବୁଧବାର ରହିକୱାରା ନିବାସୀ ଅରବିନ୍ଦ କୁମାର ସେନ ନାମକ ବ୍ୟକ୍ତି ଡାକ୍ତରଙ୍କୁ ନିଜର ସମସ୍ୟା କହିବାକୁ ଯାଇଥିଲେ। ତାଙ୍କ ଶରୀରରେ ଯନ୍ତ୍ରଣା ଅନୁଭବ ହେଉଥିଲା, ଏହାପରେ ଡାକ୍ତର ତାଙ୍କୁ ପ୍ରେସକ୍ରିପସନରେ ଏମିତି କିଛି ଲେଖି ଦେଇଥିଲେ , ଯାହା କାହାର ବୁଝିବାର ବାହାରେ ଥିଲା। ଏହାପରେ ଏହି ଅଜଗ ରାଇଟିଂ ଯୋଗୁଁ ଡାକ୍ତରଙ୍କ ପ୍ରେସକ୍ରିପସନଟି ସୋସିଆଲ ମିଡ଼ିଆରେ ଭାଇରାଲ ହୋଇଛି। ଲୋକେ ଏହି ପ୍ରେସକ୍ରିପସନକୁ ରାଜ୍ୟର ମୁଖ୍ୟମନ୍ତ୍ରୀ ,ସ୍ୱାସ୍ଥ୍ୟ ମନ୍ତ୍ରୀ ଓ ସତନା କଲେକ୍ଟରଙ୍କୁ ଟ୍ୟାଗ୍‌ କରି ଡାକ୍ତରଙ୍କର ଲେଖାକୁ ନେଇ ପ୍ରଶ୍ନ କରୁଛନ୍ତି। ଏହାସହ ମଜାଳିଆ କମେଣ୍ଟ ମଧ୍ୟ କରୁଛନ୍ତି। ଅନେକ ଲୋକ ଏହି ପ୍ରେସକ୍ରିପସନକୁ ଲେଖିଥିବା ଡାକ୍ତରଙ୍କୁ ବିରୋଧରେ କାର୍ଯ୍ୟାନୁଷ୍ଠାନ ଦାବି ମଧ୍ୟ କରିଛନ୍ତି।

ଉକ୍ତ ପ୍ରେସକ୍ରିପସନରେ ଡାକ୍ତରଙ୍କର ନାଁ ଲେଖାଯାଇ ନାହିଁ , ଏଥିପାଇଁ ଏହା ସ୍ପଷ୍ଟ ହୋଇ ପାରିନାହିଁ ଯେ, ଏଥିରେ କାହାର ହାତଲେଖା ରହିଛି। ହେଲେ ଜଣେ ସୋସିଆଲ ମିଡ଼ିଆ ୟୁଜର ଏହି ପ୍ରେସକ୍ରିପସନକୁ ଡାକ୍ତର ଅମିତ ସୋନୀଙ୍କର ଦର୍ଶାଇ ଲେଖିଛନ୍ତି, ସତନା ଜିଲ୍ଲାର ଅଜବ ଗଜବ ଡାକ୍ତର। ନାଗୌଦର ଡାକ୍ତର ଅମିତ ସୋନୀଙ୍କର ପ୍ରେସକ୍ରିପସନ।