ନୂଆଦିଲ୍ଲୀ,୦୭/୦୯: ଉତ୍ତର କୋରିଆ ବିରୁଦ୍ଧରେ ଆମେରିକା, ଜାପାନ ଓ ଦକ୍ଷିଣ କୋରିଆ ସାଇବର ଓ୍ବାଇଫେୟାର ଆରମ୍ଭ କରିବାକୁ ନିଷ୍ପତ୍ତି ନେଇଛନ୍ତି। ଏହି ପ୍ରୟାସ ଦ୍ବାରା ଉତ୍ତରକୋରିଆର ନାଗରିକ ମାନଙ୍କ ମଧ୍ୟରେ କିମ୍ ଜଙ୍ଗ୍ଙ୍କ ପାଇଁ ବିଦ୍ରୋହ ଭାବ ଜାଗ୍ରତ କରିବାକୁ ଲକ୍ଷ ରଖାଯାଇଛି। ଏଥିସହିତ ଉତ୍ତରକୋରିଆର ହ୍ୟାକର ମାନଙ୍କ ବିରୁଦ୍ଧରେ ଏକ ମଲ୍ଟିନାସନାଲ ସାଇବର ଆକ୍ସନ୍ ପ୍ଳାନ ଲାଗୁ କରାଯିବ। ଏହାର ମୂଳ ଉଦ୍ଦେଶ୍ୟ ହେଉଛି ସାଇବର ଠକେଇ ମାଧ୍ୟମରେ ଉତ୍ତର କୋରିଆର ଅର୍ଥ ଉପାର୍ଜନ ବନ୍ଦ କରିବା। ପାଶ୍ଚାତ୍ୟ ଦେଶଗୁଡିକ ଦାବି କରିଛନ୍ତି ଯେ ଉତ୍ତର କୋରିଆ ବିଶ୍ୱର ସର୍ବବୃହତ ସାଇବର ଠକେଇ କେନ୍ଦ୍ର ଚଳାଉଛି, ଯାହା ଏକ ବୃହତ ହ୍ୟାକର ଦଳ ଦ୍ୱାରା ପରିଚାଳିତ ହେଉଛି। ଏହି ଟଙ୍କା କିମ ଜଙ୍ଗ ଉନ ଏବଂ ତାଙ୍କ ପରିବାର ପକ୍ଷରୁ ଦିଆଯାଉଛି।
ଆମେରିକାର ବୈଦେଶିକ ବିଭାଗ କହିଛି ଯେ ତିନି ଦେଶର କୂଟନୀତିଜ୍ଞଙ୍କ ତୃତୀୟ ବୈଠକରେ ସାଇବର ଜାଲିଆତି ମାଧ୍ୟମରେ ଉତ୍ତର କୋରିଆର ଟଙ୍କା ସଂଗ୍ରହ ତଥା ସାମରିକ ଖର୍ଚ୍ଚରେ ବ୍ୟବହାର କରିବାରେ ବାଧା ସୃଷ୍ଟି କରିବାକୁ କାର୍ଯ୍ୟ କରିବା ନେଇ ସହମତି ପ୍ରକାଶ ପାଇଛି। ଉତ୍ତର ଆମେରିକା ଓ କୋରିଆ ହ୍ୟାକରଙ୍କ ଦଳ ଟଙ୍କା ଚୋରି କରିବା ପାଇଁ ମାଲୱେର୍ ବ୍ୟବହାର କରୁଛନ୍ତି ବୋଲି ଏଫ୍ବିଆଇ ଆମେରିକା ପ୍ରଶାସନକୁ ଚେତାବନୀ ଦେବା ପରେ ଏହି ବୈଠକ ହୋଇଥିଲା। ଏଥିପାଇଁ ସେମାନେ ବ୍ୟାଙ୍କ, ଅନ୍ୟ ଆର୍ଥିକ ପ୍ରତିଷ୍ଠାନ ଏବଂ କମ୍ପାନୀଗୁଡ଼ିକୁ ଟାର୍ଗେଟ କରୁଛନ୍ତି। ସେମାନେ କ୍ରିପ୍ଟୋକରେନ୍ସି ବ୍ୟବସାୟ ଏବଂ ପ୍ଲାଟଫର୍ମରେ ଅନୁପ୍ରବେଶ କରିବାକୁ ମଧ୍ୟ ଆକ୍ରମଣାତ୍ମକ ପ୍ରୟାସ କରୁଛନ୍ତି।
ଏହି ତିନି ଦେଶର ବୈଠକରେ ସିଓଲର ବୈଦେଶିକ ମନ୍ତ୍ରଣାଳୟର କୋରିଆ ଉପଦ୍ୱୀପ ନୀତିର ମହାନିର୍ଦ୍ଦେଶକ ଲି ଜୁନ୍-ଇଲ୍, ଉତ୍ତର କୋରିଆ ପାଇଁ ଆମେରିକାର ଡେପୁଟି ସ୍ୱତନ୍ତ୍ର ପ୍ରତିନିଧୀ ସେଠ୍ ବେଲି ଏବଂ ସାଇବର ନୀତି ଦାୟିତ୍ବରେ ଜାପାନର ରାଷ୍ଟ୍ରଦୂତ ନାଓକି କୁମାଗାଇ ନେତୃତ୍ୱ ନେଇଥିଲେ। ଏହି କାର୍ଯ୍ୟ ସମୁହରେ ପ୍ରାୟ ୨୦ ଆମେରିକୀୟ, ଦକ୍ଷିଣ କୋରିଆ ଏବଂ ଜାପାନର ସରକାରୀ ବିଭାଗ, ମନ୍ତ୍ରଣାଳୟ ଏବଂ ଏଜେନ୍ସିର ଏଜେଣ୍ଟମାନେ ସାମିଲ ହୋଇଥିଲେ।
