ବଣାଇ, ୧୩/୦୨ : ଦନ୍ତା ଆକ୍ରମଣରେ ଛୁଆ ହାତୀର ମୃତ୍ୟୁ। କୋଇଡା ରେଞ୍ଜର ଗଣୁଆ ଫରେଷ୍ଟ ମାଲଦା ଜଙ୍ଗଲରେ ଏଭଳି ଘଟଣା ଘଟିଛି। ଦନ୍ତା ହାତୀ ଆକ୍ରମଣରେ ଛୁଆ ହାତୀର ମୃତ୍ୟୁ ଘଟିଛି। ଘଟଣା ସ୍ଥଳରେ ବନ ବିଭାଗ ଅଧିକାରୀ ପହଞ୍ଚି ତଦନ୍ତ ଚଳାଇଛନ୍ତି।

ସେପଟେ ଭରତପୁର ଜଙ୍ଗଲରେ ବୋମା ଫୁଟି ଗୁରୁତର ହୋଇଥିବା ଦନ୍ତା ହାତୀର ମୃତ୍ୟୁ ଘଟିଛି। ବାରହା ଶିକାର ପାଇଁ କଖାରୁ କିମ୍ବା ସପୁରୀ ଭିତରେ କୌଣସି ବିସ୍ଫୋରକ ସାମଗ୍ରୀ ଖାଇ ହାତୀ ଗୁରୁତର ହୋଇଥିଲା। ହାତୀର ଜିଭ ଛିଣ୍ଡି ଯାଇଥିଲା। ଦାନ୍ତଗୁଡିକ ଭାଙ୍ଗି ହାତୀର ପାଟିରେ ଘା’ ସୃଷ୍ଟି ହୋଇଥିଲା। OUATର ବିଶେଷଜ୍ଞ ଏବଂ ନନ୍ଦକାନନର ଡାକ୍ତରୀ ଟିମ୍ ଆଣ୍ଟି ବାୟୋଟିକ ଏବଂ ସାଲାଇନ୍ ଦେଇ ତାର ଚିକିତ୍ସା ଜାରି ରଖିଥିଲେ। ହେଲେ ଚିକିତ୍ସାଧୀନ ଅବସ୍ଥାରେ ହାତୀର ମୃତ୍ୟୁ ଘଟିଛି।