ପ୍ରମୁଖ ଖବର
  • ପୁରୀ ଚନ୍ଦନପୁରରେ ସିମେଣ୍ଟ ଗୋଦାମ ଉପରକୁ ବୋମାମାଡ, ଦୁର୍ବୃତ୍ତଙ୍କୁ କାବୁ କଲେ ଲୋକେ
  • ||
  • ଆସିଲା ବିଜେଡିର ସପ୍ତମ ପର୍ଯ୍ୟାୟ ପ୍ରାର୍ଥୀ ତାଲିକା, ରଘୁନାଥ ପାଲିରୁ ଅର୍ଚ୍ଚନା ରେଖା ବେହେରା, କାକଟପୁର ତୁଷାରକାନ୍ତି ବେହେରା
  • ||
  • ରାୟାଗଡ଼ା ଆସିବେ କଂଗ୍ରେସ ବରିଷ୍ଠ ନେତା ରାହୁଲ ଗାନ୍ଧୀ ଓ ତେଲେଙ୍ଗାନା ମୁଖୃମନ୍ତ୍ରୀ ରେବନ୍ତ ରେଡ୍ଡି
  • ||
  • ଅଗ୍ନିରୂପା ମା' ହିଙ୍ଗୁଳାଙ୍କ ପ୍ରସିଦ୍ଧ ଯାତ୍ରା ଆରମ୍ଭ, ମା'ଙ୍କ ଉଭାସ୍ଥଳୀ ନିକଟରେ ସୁରକ୍ଷା ବ୍ୟବସ୍ଥା କଡ଼ାକଡ଼ି
  • ||
  • ୨୪ ମହାସଂଗ୍ରାମ ପାଇଁ ଏପ୍ରିଲ ୨୪ରୁ ପ୍ରଚାରକୁ ଓହ୍ଲାଇବେ ନବୀନ,ହିଞ୍ଜିଳିରୁ ଆରମ୍ଭ ହେବ ଭୋଟଭିକ୍ଷା
  • ||
  • ସୋମବାରଠୁ ତିନି ଦିନ ଯାଏ ସକାଳୁଆ ସ୍କୁଲ, ୨୫ରୁ ଖରା ଛୁଟି ଘୋଷଣା କଲେ ରାଜ୍ୟ ସରକାର
  • ||
  • ଆଜି ପୃଥିବୀ ଦିବସ, ଏ ବର୍ଷର ଥିମ୍ ‘ଗ୍ରହ ବନାମ ପ୍ଲାଷ୍ଟିକ୍’, ପ୍ଲାଷ୍ଟିକ୍ ବ୍ୟବହାର କମାଇବାକୁ ଆହ୍ବାନ
  • ||
  • IPL 2024: ଆଜି ରାଜସ୍ଥାନ ରୟାଲ୍ସକୁ ଭେଟିବ ମୁମ୍ବାଇ ଇଣ୍ଡିଆନ୍ସ, ପ୍ରତିଶୋଧ ଲକ୍ଷ୍ୟରେ ପାଣ୍ଡ୍ୟା ବାହିନୀ
  • ||
  • ସୋମବାରଠୁ ରାଜ୍ୟରେ ସାମାନ୍ୟ କମିପାରେ ତାତି, ୨୫ରୁ ପୁଣି ଅଗ୍ନି ବର୍ଷା: କାଳବୈଶାଖୀ ପ୍ରଭାବରେ ବର୍ଷା ସମ୍ଭାବନା
  • ||

ବଳ ଗୋଟାଉଛି ବିଜେପି, ବ୍ରଜରାଜନଗରରେ ନୂଆ ମୁହଁକୁ ପ୍ରାଧାନ୍ୟ...

ଝାରସୁଗୁଡ଼ା,୦୨/୦୩: ଦୁଇ ଦଶନ୍ଧି ହେଲା ବ୍ରଜରାଜନଗର ବିଧାନସଭା କ୍ଷେତ୍ରରେ ବିଜେପି ନିଜର ସାଂଗଠନିକ ସ୍ଥିତିକୁ ମଜଭୁତ କରି ଆସିଛି । ପ୍ରଥମ ଥର ଲାଗି ସିପିଆଇ ଓ କଂଗ୍ରେସର ଗଡ଼ରେ ବିଜେପି ପ୍ରାର୍ଥୀ ରାଧାରାଣୀ ପଣ୍ଡା ୨୦୧୪ରେ ବିଧାୟକ ନିର୍ବାଚିତ ହୋଇଥିଲେ । ୨୦୧୯ରେ ବିଜେପି ହାତରୁ ଏହି ଆସନକୁ ବିଜେଡ଼ି ଛଡ଼ାଇ ନେଇଥିଲା । ୨୦୨୨ ଉପନିର୍ବାଚନରେ ବିଜେପି ପ୍ରାର୍ଥୀ ଅମାନତ ହରାଇ ତୃତୀୟ ସ୍ଥାନକୁ ଖସିଥିଲେ । ଏବେ ପଦ୍ମ ଶିବିର ପୁଣିଥରେ ବଳ ସାଉଁଟିବାର ପ୍ରୟାସ ଚଳାଇଛି । ନୂଆ ମୁହଁ ଏବଂ ପ୍ରାର୍ଥୀଙ୍କ ବ୍ୟକ୍ତିତ୍ୱ ଆଧାରରେ ବିଜୟ ସମ୍ଭାବନାକୁ ଗୁରୁତ୍ୱ ଦେଇ ନିର୍ବାଚନର ସମ୍ମୁଖୀନ ହେବାକୁ ପ୍ରସ୍ତୁତି ଚଳାଇଛି । 

୨୦୨୨ ଉପନିର୍ବାଚନରେ ବିଜେଡ଼ିର ଅଳକା ମହାନ୍ତି ବିପୁଳ ଭୋଟରେ ବିଜୟୀ ହୋଇଥିଲେ । କଂଗ୍ରେସ ପ୍ରାର୍ଥୀ ବରିଷ୍ଠ ନେତା କିଶୋର ପଟେଲ ବିଜେଡ଼ି ଠାରୁ ବଡ଼ ବ୍ୟବଧାନରେ ପରାଜିତ ହେଲେ ମଧ୍ୟ ବିଜେପିକୁ ପଛରେ ପକାଇ ଦ୍ୱିତୀୟ ସ୍ଥାନ ଅକ୍ତିଆର କରିଥିଲେ । ହେଲେ ଏବେ ପରିସ୍ଥିତି ବଦଳିଛି । ରାଜନୈତିକ ସମୀକରଣ ଓ ଲୋକଙ୍କ ମୁଡ୍‌ ବି ବଦଳୁଛି । ଏଭଳି ସ୍ଥିତିରେ ବିଜେଡ଼ି ୨୦୧୯ ଅବା ୨୦୨୨ ଉପନିର୍ବାଚନ ପ୍ରଦର୍ଶନ ଦୋହରାଇବ ଏଭଳି ଆକଳନ କରିବା ଭୁଲ ହେବ । ବିଜେପି ଆଶାୟୀମାନେ ଗାଁ ଗଣ୍ଡାରେ ବୁଲି ସମର୍ଥନ ଜୁଟାଇବାର ପ୍ରୟାସରେ ଲାଗିଛନ୍ତି । 

ଏବେ ବିଜେପିରେ ବହୁ ଯୁବନେତା ପ୍ରାର୍ଥୀ ହେବା ଲାଗି ନିଜର ଲବି ଚଳାଇଥିବା ଦେଖାଯାଉଛି । ଦଳ ଭିତରେ ଭିନ୍ନ ଭିନ୍ନ ଗୋଷ୍ଠୀରେ ରହିଥିବା ଏହି ଆଶାୟୀ ମାନେ ଛକାପଞ୍ଛାରେ ମାତିଛନ୍ତି । ବିଶ୍ୱ ହିନ୍ଦୁ ପରିଷଦର ଜିଲ୍ଲା ସଭାପତି ତଥା ଶିକ୍ଷକ ନେତା କିଶୋର କୁମାର ମହାନ୍ତି, ସାଂସଦ ପ୍ରତିନିଧି ରଘୁନନ୍ଦନ ପଣ୍ଡା, ଯୁବନେତା ରାଧେଶ୍ୟାମ ପ୍ରଧାନ, ସୁଜିତ ସିଂ, ବିଶ୍ୱଜିତ ଷଢ଼ଙ୍ଗୀ, ପୀତାମ୍ବର ମିଶ୍ର ପ୍ରମୁଖ ଦଳୀୟ ଟିକଟ ଲାଗି ମୁଖ୍ୟ ଦାବିଦାର ଭାବେ ଚର୍ଚ୍ଚାରେ ରହିଛନ୍ତି । ବ୍ରଜରାଜନଗର ଭଳି ଆସନକୁ ହାତେଇବା ଲାଗି ଦଳୀୟ ରଣନୀତି ଆଗକୁ କିଭଳି ରହିବ ଓ ଦଳ କିଭଳି ପ୍ରାର୍ଥୀଙ୍କୁ ମଇଦାନକୁ ଓହ୍ଲାଉଛି ତାହାରି ଉପରେ ପ୍ରଦର୍ଶନ ନିର୍ଭର କରିବ ।

  • prameyanews
  • PrameyaOdia
  • prameya
  • General Election 2024
  • Odisha election 2024
  • lok sabha election 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.