ଝାରଖଣ୍ଡ, ୭/୨ : ଇଡିର ଟିମ୍ ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ରିମାଣ୍ଡ ଅବଦ୍ଧି ଶେଷ ହେବା ପରେ ବୁଧବାର କୋର୍ଟରେ ହାଜର କରିଛନ୍ତି । ଏହି ସମୟରେ ଉଭୟ ପକ୍ଷ ତରଫରୁ ଯୁକ୍ତି ହୋଇଥିଲା । ଇଡି ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଆହୁରି ପଚରାଉଚରା କରିବା ଲାଗି କୋର୍ଟକୁ ୭ଦିନର ରିମାଣ୍ଡ ମାଗିଥିଲା । ଯାହା ଉପରେ କୋର୍ଟ ୫ଦିନର ରିମାଣ୍ଡ ଅବଦ୍ଧି ସ୍ବୀକୃତି ଦେଇଛନ୍ତି ।
ଝାରଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ପକ୍ଷରୁ ଓକିଲ କହିଛନ୍ତି କି, ଇଡି ୭ଦିନର ରିମାଣ୍ଡ ମାଗିଥିଲା । ଯାହା ପରେ ଆମେ ତାହାକୁ କଡ଼ା ବିରୋଧ କରି କହିଥିଲୁ କି ଏବେ ଆଉ ରିମାଣ୍ଡର ଜରୁରୀ ନାହିଁ । କାରଣ ହେମନ୍ତ ସୋରେନଙ୍କୁ ପ୍ରଥମରୁ ହିଁ ୨୦ ଜାନୁଆରୀରେ ୮ଘଣ୍ଟା ଏବଂ ୩୧ ଜାନୁଆରୀରେ ୮ଘଣ୍ଟାର ପଚରାଉଚରା କରାଯାଇସାରିଛି । ଏହି ୫ଦିନରେ ତାଙ୍କୁ ୧୨୦ଘଣ୍ଟା ପର୍ଯ୍ୟନ୍ତ ପଚରାଉଚରା କରାଯାଇ ସାରିଛି । ଏଥିଲାଗି ଆଗକୁ କୌଣସି ରିମାଣ୍ଡର ମାମଲା ନାହିଁ ।
ହେମନ୍ତ ସୋରେନଙ୍କୁ କଡ଼ା ସୁରକ୍ଷା ମଧ୍ୟରେ ରାଞ୍ଚିର ପିଏମଏମଏ କୋର୍ଟରେ ହାଜର କରାଯାଇଥିଲା । ଯେତେବେଳେ ସେ ତାଙ୍କ ଗାଡ଼ିରୁ ବାହାରକୁ ବାହାରିଥିଲେ ସେତେବେଳେ ସେଠାରେ ଉପସ୍ଥିତ ଥିବା ଲୋକଙ୍କୁ ସେ ହାତ ହଲାଇ ଅଭିବାଦନ କରିଥିଲେ । ହେମନ୍ତ ସୋରେନଙ୍କୁ ଇଡି ୮ଘଣ୍ଟାର ଲମ୍ବା ପଚରାଉଚରା ପରେ ୩୧ଜାନୁଆରୀରେ ଗିରଫ କରି ନେଇଥିଲା । ସେ ଇଡିର କଷ୍ଟୋଡୀରେ ରାଜଭବନ ପହଞ୍ଚି ରାଜ୍ୟପାଳଙ୍କୁ ନିଜ ଇସ୍ତଫା ଦେଇଥିଲେ । ପୂର୍ବ ଦିନରେ ହେମନ୍ତ ସୋରେନଙ୍କ ସ୍ତ୍ରୀ କଳ୍ପନା ସୋରେନ ଇଡି ଉପରେ ଗମ୍ଭୀର ଅଭିଯୋଗ ଲଗାଇଥିଲେ । କଳ୍ପନା କହିଥିଲେ କି ହେମନ୍ତ ସୋରେନ ଫ୍ଲୋର ଟେଷ୍ଟ ଲାଗି ବିଧାନସଭାରେ ଉପସ୍ଥିତ ହୋଇପାରିନଥିଲେ, ଏଥିଲାଗି ଇଡି କୋର୍ଟରେ ଘୋର ବିରୋଧ କରିଥିଲା ।