ନୂଆଦିଲ୍ଲୀ, ୦୫/୦୯: ଇଣ୍ଡିଆ ନା ଭାରତ ? ଏ ଚର୍ଚ୍ଚା ଏବେ ଜୋର ଧରିଛି । ଯଦିଓ ଏହାକୁ ନେଇ ଶାସକ ବିଜେପି ଏବଂ ବିରୋଧୀ ଦଳଗୁଡ଼ିକ ମଧ୍ୟରେ ତୁତୁ ମେଁମେଁ ଜାରି ରହିଛି ହେଲେ ଏମିତି ଚର୍ଚ୍ଚା ୭ ବର୍ଷ ପୂର୍ବେ ହୋଇଥିଲା । ଅର୍ଥାତ ୨୦୧୬ରେ ଏହା ଉପରେ ଗୁରୁତ୍ବପୂର୍ଣ୍ଣ ଟିପ୍ପଣୀ କରିଥିଲେ ସୁପ୍ରିମକୋର୍ଟ । ଇଣ୍ଡିଆ କିମ୍ବା ଭାରତ କହିବା ପାଇଁ ପ୍ରତ୍ୟେକ ନାଗରିକ ସ୍ବାଧୀନ ବୋଲି କହିଥିଲେ ସର୍ବୋଚ୍ଚ ନ୍ୟାୟାଳୟ ।

ଇଣ୍ଡିଆ ବନାମ ଭାରତ: ଶ୍ରୀଲଙ୍କାରୁ ଥାଇଲାଣ୍ଡ ଯାଏଁ….ଏସବୁ ଦେଶର ବଦଳିସାରିଛି ନାଁ

୨୦୧୫ରେ ଏକ ଜନସ୍ବାର୍ଥ ମାମଲା ଦାଏର ହୋଇଥିଲା । ଯେଉଁଥିରେ ଇଣ୍ଡିଆ ପରିବର୍ତ୍ତେ ଦେଶର ନାଁ ଔପଚାରିକ ଭାବେ ଭାରତ ଗଣତନ୍ତ୍ର କରିବାକୁ ଦାବି ହୋଇଥିଲା ।ସେବେ କେନ୍ଦ୍ର ସରକାର କହିଥିଲେ ଯେ, ସମ୍ବିଧାନର ଅନୁଚ୍ଛେଦ-୧ରେ ଏଭଳି ପରିବର୍ତ୍ତନ ଉପରେ ବିଚାର କରିବାକୁ ନେଇ କୌଣସି ପରିସ୍ଥିତି ସୃଷ୍ଟି ହୋଇନାହିଁ । ଜନସ୍ବାର୍ଥ ମାମଲାକୁ ଖାରଜ କରିବା ସହ ସୁପ୍ରିମକୋର୍ଟ କହିଥିଲେ ଯେ, ଦେଶର ନାଗରିକ ଇଣ୍ଡିଆ କିମ୍ବା ଭାରତ କହିବାକୁ ସ୍ବତନ୍ତ୍ର । 

ସେବନିବୃତ ଜଷ୍ଟିସ୍ ଟି ଏସ ଠାକୁର ଏବଂ ଜଷ୍ଟିସ୍ ୟୁ ୟୁ ଲଳିତଙ୍କ ଖଣ୍ଡପୀଠ ଏହି ଆବେଦନକୁ ଖାରଜ କରିବା ସହ କହିଥିଲେ ଭାରତ କିମ୍ବା ଇଣ୍ଡିଆ ଏଥିରୁ ଯିଏ ଯାହା ଚାହିଁବ କହିପାରିବ । ମହାରାଷ୍ଟ୍ରର ନିରଞ୍ଜନ ଭଟଓ୍ବାଲ ଏହି ଆବେଦନ କରିଥିଲେ । ଆବେଦନକୁ ଖାରଜ କରିବା ସହ ସୁପ୍ରିମକୋର୍ଟ କହିଥିଲେ., ପିଆଇଏଲ ଗରିବ ଲୋକମାନଙ୍କ ପାଇଁ । ଆପଣଙ୍କୁ କଣ ଲାଗୁଛି ଆମ ପଖାରେ ଆଉ କିଛି କାମ ନାହିଁ ?

ଅନ୍ୟପଟେ ଦେଶର ଗୃହମନ୍ତ୍ରାଳୟ ଜନସ୍ବାର୍ଥ ମାମଲାକୁ ବିରୋଧ କରିଥିଲେ । ଯେବେ ସମ୍ବିଧାନ ପ୍ରଣୟନ ହୋଇଥିଲା ଦେଶା ନାଁ ଉପରେ ଚର୍ଚ୍ଚା ହୋଇଥିଲା । ଏହି ସମୟରେ ଭାରତବର୍ଷ, ଭାରତଭୂମି, ଭାରତ ଦାଟ ଇଜ୍‌ ଇଣ୍ଡିଆ ଏବଂ ଇଣ୍ଡିଆ ଦାଟ ଇଜ୍‌ ଭାରତ ଭଳି ନାମ ଉପରେ ବିଚାର ହୋଇଥିଲା ବୋଲି ଗୃହମନ୍ତ୍ରାଳୟ କହିଥିଲା । 

ବର୍ତ୍ତମାନ ସମୟରେ ବିରୋଧୀ ଅଭିଯୋଗ କରିଛନ୍ତି ଯେ, ଜି-୨୦ରେ ରାତ୍ରିଭୋଜନ ଲାଗି ନିମନ୍ତ୍ରଣ ପତ୍ରରେ ପ୍ରେସିଡେଣ୍ଟ ଅଫ୍ ଭାରତ ଲେଖାଯାଇଛି । ଯାହାକି ପୂର୍ବରୁ ପ୍ରେସିଡେଣ୍ଟ ଅଫ୍‌ ଇଣ୍ଡିଆ ଲେଖାଯାଉଥିଲା । ତେବେ ଦେଶର ନାଁ ପୂର୍ବଭଳି ଇଣ୍ଡିଆ ଏବଂ ଭାରତ ରହିବ ନାଁ କେବଳ ଭାରତ ରହିବ, ତାକୁ ନେଇ ଚର୍ଚ୍ଚା ଚାଲିଥିବା ବେଳେ ୨୦୧୬ର ଏହି ଆବେଦନ ପୁଣି ଥରେ ମୁଖ୍ୟ ଆକର୍ଷଣ ପାଲଟିଛି ।

You can also read: ଦିବଂଗତ ପୋଲିସ ଅଧିକାରୀଙ୍କୁ ସମ୍ମାନ, ରାଜପଥର ନାଁ ରୋନିଲ ସିଂହ ମେମୋରିଆଲ ହାଇଓ୍ବେ