ସମ୍ବଲପୁର,୧୬/୦୬: ଜମି ବିବାଦକୁ ନେଇ ଗତକାଲି ଅଇଁଠାପାଲି ଥାନା ଫାଟକ ପାଖ ମହାମାୟ ମନ୍ଦିର ନିକଟରେ ମାଆ ଓ  ଝିଅଙ୍କୁ ପଡ଼ୋଶୀ ଛୁରା ମାଡ଼ କରିଥିଲା । ଏହି  ମାମଲାରେ ପୁଲିସ ଅଭିଯୁକ୍ତ ପଡ଼ୋଶୀ ସୂରଜ  କୁମାର ହାତୀ ଓରଫ ଟିକୁ (୨୧)କୁ ଗିରଫ  କରି କୋର୍ଟ ଚାଲାଣ କରିଛି ।   

ଦାନିପାଲି ଅଞ୍ଚଳର ଇନ୍ଦୁ ଦାସ ସେହି ଅଞ୍ଚଳରେ ଜାଗା କିଣି ଘର କରିଥିଲେ । ଘର ତିଆରି ହେବା ଦିନରୁ ଡ୍ରେନକୁ ଲାଗି  ରହିଥିବା ଦୁଇ ଫୁଟ୍‌ ଜାଗା ପାଇଁ ପଡ଼ୋଶୀ ସୂରଜ ହାତୀଙ୍କ ପରିବାର ସହ ବିବାଦ ଲାଗି ରହିଥିଲା । ଅନେକ ଥର ମାଟପିଟ୍‌ ହେବା  ସହ ଥାନାରେ ଅଭିଯୋଗ ମଧ୍ୟ ହୋଇଥିଲା। ହେଲେ ଗତକାଲି ଇନ୍ଦୁ ଓ ତାଙ୍କ ବଡ଼ ଝିଅ  ପାୟଲ ଫାଟକ ନିକଟରେ ଦେଇଥିବା ତାଙ୍କ ସିଲେଇ ଦୋକାନକୁ ଯାଉଥିବା ସମୟରେ  ସୂରଜ ଛୁରୀରେ ଆକ୍ରମଣ କରିଥିଲା । ଏଥିରେ ମାଆ ଓ ଝିଅ ଗୁରୁତର ଆହତ ହୋଇ ବୁର୍ଲାରେ ଚିକିତ୍ସିତ ହେଉଛନ୍ତି। ପୁଲିସ ମାମଲା  ରୁଜୁ କରି ଘଟଣାର ତଦନ୍ତ କରି ଅଭିଯୁକ୍ତ  ସୂରଜକୁ ଗିରଫ କରି କୋର୍ଟ ଚାଲାଣ କରିଛି।