ନୂଆଦିଲ୍ଲୀ,୧୪।୭: ପୂର୍ବ ଲଦାଖର ଗଲୱାନରେ ଭାରତ ଏବଂ ଚୀନ୍ ସୈନିକଙ୍କ ମଧ୍ୟରେ ହୋଇଥିବା ରକ୍ତାକ୍ତ ସଂଘର୍ଷକୁ ପାଞ୍ଚ ବର୍ଷ ବିତିଗଲାଣି। ଏଲଏସିରେ ଉତ୍ତେଜନା କିଛିଟା ହ୍ରାସ ପାଇଛି, କିନ୍ତୁ ଉଭୟ ପାର୍ଶ୍ୱରେ ସେନା ମୁତୟନ ପୂର୍ବ ପରି ରହିଛି। ଉଭୟ ପାର୍ଶ୍ୱରେ ସୈନିକଙ୍କ ସଂଖ୍ୟାରେ କୌଣସି ହ୍ରାସ ହୋଇନାହିଁ। ୧୫ ଜୁନ୍ ୨୦୨୦ରାତିରେ ଗାଲୱାନରେ ଭାରତ ଏବଂ ଚୀନ୍ ସୈନିକଙ୍କ ମଧ୍ୟରେ ରକ୍ତାକ୍ତ ସଂଘର୍ଷ ହୋଇଥିଲା। ଯେଉଁଥିରେ ଭାରତର ୨୦ ଜଣ ସୈନିକ ସହିଦ ହୋଇଥିଲେ ଏବଂ ଚୀନ୍ ମଧ୍ୟ ବହୁ କ୍ଷତି ସହିଥିଲା।
ସୀମା ଅଞ୍ଚଳରେ ପର୍ଯ୍ୟଟକଙ୍କ ସଂଖ୍ୟା ବଢାଇବା ପାଇଁ ଭାରତ ସରକାର ‘ଭାରତ ରଣଭୂମି ଦର୍ଶନ’ ପୋଗ୍ରମ’ ଆରମ୍ଭ କରାଯାଇଛି। ପୋଗ୍ରାମ ଅନୁସାରେ ଇଷ୍ଟର୍ଣ୍ଣ ଲଦାଖରେ ଗଲଓ୍ବାନକୁ ମଧ୍ୟ ପର୍ଯ୍ୟଟକଙ୍କ ପାଇଁ ଖୋଲିବାର ନିଷ୍ପତ୍ତି ନିଆଯାଇଛି ଓ ଭାରତୀୟ ସେନା, ସ୍ଥାନୀୟ ପ୍ରଶାସନ ସହ ଏହାର ପ୍ରସ୍ତୁତିରେ ଲାଗି ରହିଛି। ଏହି କାମ ନିଜର ଅନ୍ତିମ ପର୍ଯ୍ୟାୟରେ ରହିଛି ଓ ଖୁବ୍ ଶୀଘ୍ର ଗଲୱାନ ପର୍ଯ୍ୟଟକଙ୍କ ପାଇଁ ଖୋଲିଯିବ।
ଗଲୱାନରେ ରକ୍ତାକ୍ତ ସଂଘର୍ଷ ପରେ ବୀରଗତି ପ୍ରାପ୍ତ କରିଥିବା ସୈନିକଙ୍କୁ ଶ୍ରଦ୍ଧାଞ୍ଜି ଦେବା ଓ ତାଙ୍କର ବୀରତ୍ବ ମନେରଖିବା ପାଇଁ ମେମୋରିଆଏ ତିଆରି କରାଯାଇଛି। ଏହାକୁ ଏବେ ରିନୋଭେଟ୍ କରାଯାଇଛି। ଏହି ସ୍ଥାନରୁ ୧୦୦ କିଲୋମିଟର ଦୂରରେ ଜନବସତି ରହିଛି। ସେଠାର ଶେଷ ଗାଁ ଶ୍ୟୋକ ଗାଁ ରହିଛି। ଏହାକୁ ନେଇ ଗଲୱାନ ପର୍ଯ୍ୟନ୍ତ ରାସ୍ତାରେ ରହିବା ଓ ଖାଇବାର ବନ୍ଦୋବସ୍ତ କରାଯାଉଛି। ଏଥିପାଇଁ ଅସ୍ଥାୟୀ ଷ୍ଟ୍ରକଚର ତିଆରି କରାଯାଉଛି।
