ନୂଆଦିଲ୍ଲୀ : ପଞ୍ଜାବ ନ୍ୟାସନାଲ ବ୍ୟାଙ୍କ ( ପିଏନବି ବ୍ୟାଙ୍କ)ରେ ଯଦି ଆପଣଙ୍କର ଆକାଉଣ୍ଟ ଅଛି ତ, ଏହି ଖବର ଆପଣଙ୍କ ପାଇଁ ଖୁବ୍ ଜରୁରୀ। ପିଏନବି ପକ୍ଷରୁ ସେହି ଗ୍ରାହକଙ୍କୁ ବା ଆକାଉଣ୍ଟ ହୋଲଡରଙ୍କୁ ପୁଣି ଥରେ ଆଲର୍ଟ ଜାରି କରାଯାଇଛି, ଯାହାର ଆକାଉଣ୍ଟରେ ଗତ ୩ ବର୍ଷରୁ ଅଧିକ ସମୟ ଧରି କୌଣସି ଟ୍ରାଜାକ୍ସନ ହୋଇ ନାହିଁ ଏବଂ ଏହି ସବୁ ଆକାଉଣ୍ଟରେ ଜିରୋ ବାଲାନ୍ସ ରହିଛି, ଏମିତି ଆକାଉଣ୍ଟକୁ ୩୦ ଜୁନ୍ ୨୦୨୪ରୁ ବନ୍ଦ କରି ଦିଆଯିବ। ଏଥିରେ ଆପଣ ଯଦି ବି ନିଜର ପିଏନବି ଆକାଉଣ୍ଟରେ ୩ ବର୍ଷରୁ ନେଣଦେଣ କରି ନାହାନ୍ତି , ତ ନିର୍ଦ୍ଦିଷ୍ଟ ଅବଧିରେ ନିଶ୍ଚୟ କରି ନିଅନ୍ତୁ। ଆସନ୍ତୁ ଜାଣିବା ବ୍ୟାଙ୍କ ପକ୍ଷରୁ କଣ କୁହାଯାଇଛି ?
ପିଏନବି ନିଜର ଟ୍ୱିଟର ( ଏକ୍ସ) ଆକାଉଣ୍ଟରେ ଏକ ଆଲର୍ଟ ଜାରି କରି କହିଛି ଯେ, ବ୍ୟାଙ୍କ ଜାଣିବାକୁ ପାଇଛି ଅନେକ ଆକାଉଣ୍ଟରେ ଗତ ୩ ବର୍ଷରେ ଗ୍ରାହକଙ୍କ ଦ୍ୱାରା କୌଣସି ପ୍ରକାରର କିଛି ଟ୍ରାଜାକ୍ସନ କରାଯାଇ ନାହିଁ ଏବଂ ଏଥିରେ କୌଣସି ବାଲାନ୍ସ ମଧ୍ୟ ନାହିଁ। ଏଥିରେ ଏହି ଆକାଉଣ୍ଟ ଗୁଡ଼ିକର ଦୁରୁପଯୋଗକୁ ରୋକିବା ପାଇଁ ନିଆ ଯାଉଥିବା ପଦକ୍ଷେପ ଅନୁସାରେ , ସେଗୁଡ଼ିକୁ କ୍ଲୋଜ୍ କରିବାର ନିଷ୍ପତ୍ତି ନିଆ ଯାଇଛି। ଏହି ସମ୍ୱନ୍ଧରେ ବ୍ୟାଙ୍କ ପକ୍ଷରୁ ଗ୍ରାହକଙ୍କୁ ୧ ମେ ୨୦୨୪ , ୧୬ ମେ ୨୦୨୪ , ୨୪ ମେ ୨୦୨୪ ଓ ୧ ଜୁନ୍ ୨୦୨୪କୁ ୱେବସାଇଟ୍ ଓ ସୋସିଆଲ ମିଡିଆ ମାଧ୍ୟମରେ ପୂର୍ବରୁ ମଧ୍ୟ ନୋଟିସ୍ ଦିଆଯାଇ ସାରିଛି। ଏଥିରେ ସବୁ ଗ୍ରାହକଙ୍କୁ ଏହି ଅସୁବିଧାରୁ ବର୍ତ୍ତିବା ପାଇଁ ପ୍ରତି ବର୍ଷ ୩୦ ଜୁନ୍ ସୁଦ୍ଧା ନିଜ ଆକାଉଣ୍ଟକୁ ସକ୍ରିୟ କରିବାକୁ ହେବ।
ଏବେ ପ୍ରଶ୍ନ ଯେ, ପବ୍ଲିକ୍ ସେକ୍ଟରର ପ୍ରସିଦ୍ଧ ବ୍ୟାଙ୍କ ପଞ୍ଜାବ ନ୍ୟାସନାଲ ବ୍ୟାଙ୍କ ନିଜର ଗ୍ରାହକଙ୍କ ଆକାଉଣ୍ଟକୁ ବନ୍ଦ କରିବାର ପଦକ୍ଷେପ କାହିଁକି ନେଇଛି। ଏହା ପଛରେ ବଡ଼ କାରଣ ଅଛି। ପିଏନବି ପକ୍ଷରୁ ଚେତାବନୀ ଦିଆଯାଇ ସତର୍କ କରାଯାଇଛି କି , ଯଦି ତାଙ୍କର ଆକାଉଣ୍ଟରେ ଗତ ୩ ବର୍ଷରୁ କୌଣସି ପ୍ରକାରର ନେଣଦେଣ ହୋଇ ନାହିଁ ଏବଂ ତାଙ୍କର ଆକାଉଣ୍ଟ ବାଲାନ୍ସ ଶୂନ୍ୟ ଅଛି , ତ ୩୦ ଜୁନ୍ରୁ ଏହି ଆକାଉଣ୍ଟକୁ ବନ୍ଦ କରି ଦିଆ ଯିବ। ଏହି ପଦକ୍ଷେପ ପିଏନବି ଦ୍ୱାରା ଅପରେଟ୍ ହେଉ ନଥିବା ଏମିତି ଆକାଉଣ୍ଟକୁ ମିସୟୁଜ୍ରୁ ରୋକିବା ପାଇଁ ନିଆ ଯାଇଛି। ଏମିତି ସବୁ ଆକାଉଣ୍ଟର ହିସାବ ୩୦ ଅପ୍ରେଲ ୨୦୨୪ ଆଧାରରେ କରାଯିବ।