ପ୍ୟାରିସ୍ : ପ୍ୟାରିସ୍ ଅଲିମ୍ପିକ୍ ୨୦୨୪ ମଧ୍ୟରେ ଭାରତ ପାଇଁ ଖରାପ ଖବର ସାମ୍ନାକୁ ଆସିଛି। ଭାରତୀୟ ମହିଳା ଗଲ୍ଫର ଦୀକ୍ଷା ଡାଗରଙ୍କ କାର ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ ଦୀକ୍ଷାଙ୍କୁ କୌଣସି ଆଘାତ ଲାଗି ନାହିଁ, ହେଲେ ତାଙ୍କର ମାଆ ଆହତ ହୋଇଛନ୍ତି।
ସୂତ୍ରାନୁସାରେ, ଦୀକ୍ଷା ଡାଗରଙ୍କର କାର୍ ଆକ୍ସିଡେଣ୍ଟ ୩୦ ଜୁଲାଇ ସନ୍ଧ୍ୟାରେ ପ୍ୟାରିସ୍ରେ ହୋଇଛି। ତାଙ୍କର ମାଆ ଆହତ ହୋଇଛନ୍ତି। ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ତାଙ୍କ ପିଠିରେ ଆଘାତ ଲାଗିଛି। ଦୀକ୍ଷା ସୁସ୍ଥ ଅଛନ୍ତି ଏବଂ ସେ ପ୍ୟାରିସ୍ ଅମ୍ପିଲିକ୍ରେ ମ୍ୟାଚ୍ ଖେଳିବେ। ଉକ୍ତ ଦୁର୍ଘଟଣା ସମୟରେ କାର୍ରେ ପରିବାରର ୪ ଜଣ ସଦସ୍ୟ ଥିଲେ। ମାଆଙ୍କୁ ପିଠିରେ ଆଘାତ ଲାଗିଥିଲା, ତାଙ୍କ ଭାଇଙ୍କର ସାମାନ୍ୟ ଆଘାତ ଲାଗିଛି। ପିତା ଓ ନିଜେ ଦୀକ୍ଷା ସୁରକ୍ଷିତ ଅଛନ୍ତି।
କହି ରଖୁଛୁ କି, ପ୍ୟାରିସ୍ ଅଲିମ୍ପିକରେ ମହିଳା ଗଲ୍ଫ ଇଭେଣ୍ଟ ୭ରୁ ୧୦ ଅଗଷ୍ଟ ପର୍ଯ୍ୟନ୍ତ ଅନୁଷ୍ଠିତ ହେବ। ଏହି ସମୟରେ ଦୀକ୍ଷାଙ୍କ ମୁକାବିଲା ୭ ଅଗଷ୍ଟରେ ହେବ। ଭାରତରୁ ମହିଳା ଗଲ୍ଫ ଇଭେଣ୍ଟରେ ଦୀକ୍ଷାଙ୍କ ବ୍ୟତୀତ ଅଦିତି ଅଶୋକ ମଧ୍ୟ ଭାଗ ନେଉଛନ୍ତି।