ନୂଆଦିଲ୍ଲୀ,୧୪/୧୧: କେନ୍ଦ୍ର ଗୃହ ମନ୍ତ୍ରଣାଳୟ ଦିଲ୍ଲୀ ହାଇକୋର୍ଟଙ୍କୁ କହିଛନ୍ତି ଯେ, ସରକାର ଏକ ନୀତି ଆଣିବାକୁ ଯାଉଛନ୍ତି, ଯାହା ଦ୍ବାରା ବିଦେଶରେ ଲିଙ୍ଗ ପରିବର୍ତ୍ତନ କରୁଥିବା ଲୋକମାନେ ନିଶ୍ଚିତକରଣ ପ୍ରକ୍ରିୟାରେ ଯିବାରେ ଅସୁବିଧାର ସମ୍ମୁଖୀନ ହେବେ ନାହିଁ। ନୂତନ ନୀତି ଆସିବା ପରେ, ଏହି ଲୋକମାନେ ସେମାନଙ୍କର ଲିଙ୍ଗ ଏବଂ ନାମରେ ପରିବର୍ତ୍ତନ ପାଇଁ ପଞ୍ଜିକରଣ କରି ଏକ ନୂତନ ପାସପୋର୍ଟ ପାଇପାରିବେ। 

ଏକ ସତ୍ୟପାଠରେ ମନ୍ତ୍ରଣାଳୟ କହିଛି ଯେ, ଏଥିରେ ପାସପୋର୍ଟଧାରୀଙ୍କ ବାୟୋମେଟ୍ରିକ୍ ବିବରଣୀ ରହିଛି। ଇମିଗ୍ରେସନ୍ ପରିଚାଳନା କରୁଥିବା ଡେପୁଟି ସେକ୍ରେଟେରୀଙ୍କ ଦ୍ବାରା ଦସ୍ତଖତ ହୋଇଥିବା ଅକ୍ଟୋବର ୪ ଦଲିଲରେ ମନ୍ତ୍ରଣାଳୟ କହିଛି ଯେ “ଏହି ପ୍ରକ୍ରିୟା ପରେ ବାୟୋମେଟ୍ରିକ୍ସର ପରିବର୍ତ୍ତନ ସମ୍ଭବ ନୁହେଁ, ତେଣୁ ବୈଦେଶିକ ବ୍ୟାପାର ମନ୍ତ୍ରଣାଳୟ ଦ୍ୱାରା ଏକ ସ୍ବତନ୍ତ୍ର ନୀତି ପ୍ରସ୍ତୁତ କରାଯାଇଛି। ବାୟୋମେଟ୍ରିକ୍ ରେକର୍ଡଗୁଡିକ (ଭାରତୀୟ ନାଗରିକଙ୍କ) ଏମ୍ଇଏ / ଆରପିଓ (ଆଞ୍ଚଳିକ ପାସପୋର୍ଟ ଅଫିସ୍) ସହିତ ଉପଲବ୍ଧ ହୋଇଥିବାରୁ ନୂତନ ପାସପୋର୍ଟ ଦେବା ପୂର୍ବରୁ ସେମାନଙ୍କର ପରିଚୟ ଯାଞ୍ଚ କରାଯାଇପାରିବ ବୋଲି ସେ କହିଛନ୍ତି। 

ପଢ଼ନ୍ତୁ: ସୈନିକଙ୍କୁ ସାକ୍ଷାତ କଲେ ନେତାନ୍ୟାହ୍ୟୁ; କହିଲେ,'ଶେଷ ପର୍ଯ୍ୟନ୍ତ ଯୁଦ୍ଧ କରିବ ଇସ୍ରାଏଲ'

କାହିଁକି ଅଦାଲତରେ ଏହି ଦସ୍ତାବିଜ ଦାଖଲ କଲେ ଗୃହ ମନ୍ତ୍ରାଳୟ?

ସୂଚନାଥାଉକି ଜଣେ ତୃତୀୟ ଲିଙ୍ଗି ମହିଳା ଅନାହିତା ଚୌଧୁରୀ କୋର୍ଟରେ ଏକ ପିଟିସନ ଦାଖଲ କରି ଦାବି କରିଥିଲେ ଯେ, ନୂତନ ନାମ ଏବଂ ଲିଙ୍ଗ ସମେତ ସଂଶୋଧିତ ବିବରଣୀ ସହିତ ଅଧିକାରୀମାନେ ତାଙ୍କ ପାସପୋର୍ଟକୁ ପୁନଃ ପ୍ରଦାନ କରନ୍ତୁ। ଏହାର ଜବାବରେ ଗୃହ ମନ୍ତ୍ରଣାଳୟ କୋର୍ଟରେ ଦଲିଲ ଉପସ୍ଥାପନ କରିଥିଲେ। ଅନାହିତା ଚୌଧୁରୀ ୨୦୧୬ ରୁ ୨୦୨୨ ମଧ୍ୟରେ ଏହି ପରିବର୍ତ୍ତନ କରିଥିଲେ, ଯାହା ପରେ ସେ କୋର୍ଟଙ୍କ ନିର୍ଦ୍ଦେଶ ମାଧ୍ୟମରେ ତାଙ୍କ ନାମ ଏବଂ ଲିଙ୍ଗ ପରିବର୍ତ୍ତନ କରିବାରେ ସକ୍ଷମ ହୋଇଥିଲେ, କିନ୍ତୁ ଲିଙ୍ଗ ପରିବର୍ତ୍ତନ ପରେ ଯେତେବେଳେ ସେ ନୂତନ ପାସପୋର୍ଟ ପାଇଁ ଭାରତୀୟ କର୍ତ୍ତୃପକ୍ଷଙ୍କ ନିକଟରେ ଆବେଦନ କରିଥିଲେ, ସେତେବେଳେ ତାଙ୍କୁ ୬ ମାସ ସମୟ ଲାଗିଗଲା। 

ପଢ଼ନ୍ତୁ: APEC ସମ୍ମିଳନୀରେ ଜିନପିଙ୍ଗଙ୍କୁ ଭେଟିବେ ବାଇଡେନ୍‌ , ଯୋଗ ଦେବେନି ଭ୍ଲାଦିମିର ପୁଟିନ

ଏଭଳି ନାଗରିକଙ୍କୁ ଧ୍ୟାନରେ ରଖି କୋର୍ଟ ଅଗଷ୍ଟ ୨୮ ରେ କେନ୍ଦ୍ର ସରକାରଙ୍କୁ କହିଥିଲେ ଯେ ସେମାନଙ୍କ ସ୍ବଦେଶ ପ୍ରତ୍ୟାବର୍ତ୍ତନ ପାଇଁ ଯେଉଁ ପଦକ୍ଷେପ ନିଆଯାଇ, ସେନେଇ କୋର୍ଟଙ୍କୁ ଅବଗତ କରାଯାଉ। କୋର୍ଟ କହିଛନ୍ତି ଯେ ଏପରି କିଛି ପଦ୍ଧତି ରହିବା ଉଚିତ ଯାହା ଦ୍ବରା ଏହିପରି ବ୍ୟକ୍ତିମାନେ ଦେଶକୁ ଫେରିପାରିବେ , ଯଦ୍ଦ୍ବାରା ସେମାନଙ୍କ ପାସପୋର୍ଟରେ ସେମାନଙ୍କର ବିବରଣୀ ପରିବର୍ତ୍ତନ ହୋଇପାରିବ। ପରବର୍ତ୍ତୀ ସମୟରେ, ନଭେମ୍ବର ୭ ରେ, ଓକିଲ ଫରମାନ ଅଲି ମ୍ୟାଗ୍ରେଙ୍କ ମାଧ୍ୟମରେ ହାଜର ହୋଇଥିବା କେନ୍ଦ୍ର ଡେପୁଟି ଇମିଗ୍ରେସନ ସଚିବ ଏବଂ ବୈଦେଶିକ ବ୍ୟାପାର ମନ୍ତ୍ରଣାଳୟରୁ ଅକ୍ଟୋବର ୪ ତାରିଖ ଦିନ ଦୁଇଟି ଚିଠି କୋର୍ଟରେ ଉପସ୍ଥାପନ କରିଥିଲା।

You can also read: ବ୍ରିଟେନ୍ ଗୃହମନ୍ତ୍ରୀଙ୍କୁ ବରଖାସ୍ତ କଲେ ପ୍ରଧାନମନ୍ତ୍ରୀ ଋଷି ସୁନକ, ଜାଣନ୍ତୁ କାହିଁକି ନେଲେ ଏହି ବଡ଼ ନିଷ୍ପତ୍ତି ?