ଭୁବନେଶ୍ୱର, ୧୪/୦୯: ରାଜ୍ୟର ୪୦ ଲକ୍ଷ ପିଲାଙ୍କ ପାଠପଢ଼ା ଠପ୍ ହୋଇ ଯାଇଥିବା ବେଳେ ୧ ଲକ୍ଷ ୩୦ ହଜାର ଶିକ୍ଷକ, ଶିକ୍ଷୟିତ୍ରୀ ସମୂହ ଛୁଟିରେ ରହି ଆନ୍ଦୋଳନ କରୁଛନ୍ତି । ଆନ୍ଦୋଳନରତ ଶିକ୍ଷକଙ୍କୁ ସରକାର ନାଲି ଆଖି ଦେଖାଇ ଆନ୍ଦୋଳନ ବନ୍ଦ କରି କାର୍ଯ୍ୟରେ ଯୋଗଦେବାକୁ ନିର୍ଦ୍ଦେଶ ଦେଇଛନ୍ତି ।
ସରକାରଙ୍କ ପକ୍ଷରୁ ସମସ୍ତ ଜିଲ୍ଲା ଶିକ୍ଷା ଅଧିକାରୀ ଓ ବ୍ଲକ ଶିକ୍ଷା ଅଧିକାରୀଙ୍କୁ ଚିଠି କରିଛନ୍ତି ପ୍ରାଥମିକ ଶିକ୍ଷା ନିର୍ଦ୍ଦେଶକ । ବର୍ଷକୁ ୨୨୦ ଦିନ ସ୍କୁଲ ଆସିବା ଶିକ୍ଷକଙ୍କ ପାଇଁ ବାଧ୍ୟତାମୂଳକ କରାଯାଇଛି । ୨୨୦ ଦିନ ପୂରଣ ନହେଲେ ପରବର୍ତ୍ତୀ ସମୟରେ ଶିକ୍ଷକମାନେ ଭରଣା କରିବେ ବୋଲି ଚିଠିରେ ଉଲ୍ଲେଖ ରହିଛି ।
୩୦ ସ୍କୁଲ୍ ଛୁଆଙ୍କୁ ନଦୀ ପାର୍ କଲା ବେଳେ ବୁଡ଼ିଗଲା ଡଙ୍ଗା; ୨୦ ଉଦ୍ଧାର, ୧୦ ନିଖୋଜ
ଏଥିସହ ଶିକ୍ଷକଙ୍କ ଦାବି ସମ୍ପର୍କରେ ଆଲୋଚନା ଚାଲିଥିବା ଚିଠିରେ କୁହାଯାଇଛି । ସମାନ କାମକୁ ସମାନ ଦରମା ଦାବି କରି ଜିଲ୍ଲା ଓ ବ୍ଲକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ଆଗରେ ଧାରଣା ଦେଇଛନ୍ତି ଶିକ୍ଷକ । ଫଳରେ ରାଜ୍ୟର ୫୦ ହଜାରରୁ ଅଧିକ ସ୍କୁଲରେ ୪୦ ଲକ୍ଷ ପିଲାଙ୍କ ପାଠପଢ଼ା ବ୍ୟାହାତ ହୋଇଛି ।
ପ୍ରାଥମିକ ଶିକ୍ଷକ ସଂଘର ଏହି ଆନ୍ଦୋଳନକୁ ଅଧିକାଂଶ ରାଜନୈତିକ ଦଳ ଓ ଶିକ୍ଷକ ସଂଘ ସମର୍ଥନ ଜଣାଇଛନ୍ତି । ସରକାର ଶିକ୍ଷକଙ୍କ ଦାବି ପୂରଣ କରି ତୁରନ୍ତ ସ୍ଥିତି ସ୍ୱାଭାବିକ କରିବାକୁ ସରକାରଙ୍କ ଉପରେ ଚାପ ପକାଇଛନ୍ତି ।
ଧର୍ମାନ୍ତୀକରଣ ଅଭିଯୋଗକୁ ନେଇ ଭଞ୍ଜପୁର ଥାନାରେ ଉତ୍ତେଜନା ପ୍ରସଙ୍ଗ, ASI ନିଲମ୍ବିତ, ସବ୍-ଇନ୍ସପେକ୍ଟରଙ୍କ ବଦଳି
ପ୍ରାଥମିକ ଶିକ୍ଷକଙ୍କ ଏହି ଆନ୍ଦୋଳନକୁ ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ(ଓଷ୍ଟା) ସମର୍ଥନ ଜଣାଇଛି । ଓଷ୍ଟାର ସଭାପତି ଅକ୍ଷୟ କୁମାର ମିଶ୍ର, କାର୍ଯ୍ୟକାରୀ ସଭାପତି ନୀଳମଣି ପୁରୋହିତ, ସାଧାରଣ ସମ୍ପାଦକ ରଞ୍ଜନ କୁମାର ଦାଶ ପ୍ରମୁଖ ଏ ନେଇ ପ୍ରେସ୍ ବିଜ୍ଞପ୍ତି ଜାରି କରିଛନ୍ତି । ସେହିପରି ଆନ୍ଦୋଳନକୁ ନିଖିଳ ଉତ୍କଳ ନିମ୍ନ ମାଧ୍ୟମିକ ଶିକ୍ଷକ ସଂଘ (ଓଲ୍ଷ୍ଟା) ମଧ୍ୟ ସମର୍ଥନ ଜଣାଇଛି । ଆଲୋଚନା କରି ସମାଧାନ କରିବାକୁ ଓଲ୍ଷ୍ଟାର ସଭାପତି ବିକ୍ରମ କୁମାର ଦାସ, କାର୍ଯ୍ୟକାରୀ ସଭାପତି ଶିବନାରାୟଣ ବେହେରା, ବିଚିତ୍ର ବିହାରୀ ଦାସ, ସାଧାରଣ ସମ୍ପାଦକ ସୁକାନ୍ତ କୁମାର ବେହେରା ପ୍ରମୁଖ ସରକାରଙ୍କୁ ଅନୁରୋଧ କରିଛନ୍ତି ।