ପ୍ରମୂଖ ଖବର
  • ରାଜ୍ୟରେ ୪୨% ନିଅଣ୍ଟିଆ ବର୍ଷା, ୩ ଜିଲ୍ଲାରେ ସ୍ୱାଭାବିକ, ୨୬ ଜିଲ୍ଲାରେ ନିଅଣ୍ଟିଆ: ୪ ଦିନ ଭିତରେ ମୌସୁମୀ ଅଗ୍ରସର ହେବ
  • ||

ଲୋକେ ମାଂସ ଖାଉଛନ୍ତି ଏଥିପାଇଁ ହିମାଚଳରେ ଆସୁଛି ବିପର୍ଯ୍ୟୟ , ଆଇଆଇଟି ନିର୍ଦ୍ଦେଶକଙ୍କ ବୟାନକୁ ନେଇ ବଢ଼ିଲା ବିବାଦ

ନୂଆଦିଲ୍ଲୀ :  ହିମାଚଳ ପ୍ରଦେଶରେ ପ୍ରକୃତିର ତାଣ୍ଡବରେ ସବୁକିଛି ଧ୍ୱଂସବିଧ୍ୱଂସ ହୋଇ ଯାଇଥିଲା । ବର୍ଷା ଓ ଭୂସ୍ଫଳନରେ ଭୁଶୁଡ଼ି ପଡ଼ିଥିଲା ପାହାଡ଼ ଓ ଘର ଏହାର ଭିଡ଼ିଓ ଦେଖି ସାରାବିଶ୍ୱର ଲୋକେ ଆଶ୍ଚର୍ଯ୍ୟ ହେବା ସହ ଦୁଃଖରେ ଭାଙ୍ଗି ପଡିଥିଲେ। ୨୩୮ରୁ ଅଧିକ ଲୋକଙ୍କ ଜୀବନ ଚାଲିଗଲା । ଏହି ପ୍ରଳୟ ପରେ ଏବେ ଆଇଆଇଟି ମଣ୍ଡିର ଡାଇରେକ୍ଟର ଲକ୍ଷ୍ମୀଧର ବେହରା କହିଛନ୍ତି ,ହିମାଚଳରେ ଏହି ଧ୍ୱଂସ ଲୀଳ ମାଂସ ଖାଇବା ଯୋଗୁଁ ହୋଇଛି। ସେ କହିଛନ୍ତି ପଶୁଙ୍କ ଉପରେ କ୍ରୁର ଆଚରଣ ଯୋଗୁଁ ହିମାଚଳରେ ବାଦଲ ଫଟା ବର୍ଷା ହେଉଛି । ଏହାସହ ସେ ପିଲାଙ୍କୁ ମାଂସ ନଖାଇବାର ସଂକଳ୍ପ ନେବାକୁ କହିଛନ୍ତି ।

ହିମାଚଳର ହୋଇଯିବ ପତନ –

ଆଇଆଇଟିର ଡାଇରେକ୍ଟର ଲକ୍ଷ୍ମୀଧର ବେହରା କହିଛନ୍ତି , ଯଦି ଆମେ ପଶୁଙ୍କୁ ହତ୍ୟା କରିବା ବନ୍ଦ ନକରିବା ତ ହିମାଚଳ ପ୍ରଦେଶର ପତନ ହୋଇଯିବ । ଆପଣ ପଶୁଙ୍କୁ କାଟୁଛନ୍ତି , ସେହି ପଶୁଙ୍କର ପରିବେଶ ସହ ସମ୍ୱନ୍ଧ ରହିଛି । ସେହି ସମ୍ୱନ୍ଧ ଆପଣଙ୍କୁ ଦେଖା ଯାଉ ନାହିଁ ।

୧୬୦ କେଜି ଓଜନର ମହିଳା ଖଟରୁ ଉଠିବା ବେଳେ ତଳେ ପଡ଼ିଗଲେ , ଘର ଲୋକ ଉଠାଇ ପାରିଲେନି …ଦମକଳ ବାହିନୀକୁ ଡ଼କାଗଲା

ଆଇଆଇଟିର ନିର୍ଦ୍ଦେଶକ ଆହୁରି କହିଛନ୍ତି ,ପଶୁଙ୍କ ଉପରେ ନିଷ୍ଠୁରତା ପ୍ରଦର୍ଶନ କରିବା ଯୋଗୁଁ  ହିମାଚଳରେ ବାରମ୍ୱାର ବାରମ୍ୱାର ଭୂସ୍ଫଳନ ଓ ବାଦଲ ଫଟା ବର୍ଷା ହେଉଛି । ଲୋକେ ମାଂସ ଖାଉଛନ୍ତି ।   ଲକ୍ଷ୍ମୀଧର ବେହରାଙ୍କ ବୟାନର ଏକ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ  ହେଉଛି। ସେ ଭିଡ଼ିଓରେ କହୁଛନ୍ତି , ଭଲ ମଣିଷ ହେବା ପାଇଁ ଆପଣଙ୍କୁ କଣ କରିବାକୁ ହେବ ? ଆପଣଙ୍କୁ ମାଂସ ଖାଇବାକୁ ବନ୍ଦ କରିବାରୁ ହେବ । ଏହାପରେ ସେ ଛାତ୍ରଛାତ୍ରୀଙ୍କୁ ମାଂସ ନଖାଇବାକୁ ଶପଥ ନେବାକୁ କହୁଛନ୍ତି । 

କେବଳ ଏତିକି ନୁହେଁ ,ଏହା ପୂର୍ବରୁ ମଧ୍ୟ ଲକ୍ଷ୍ମୀଧର ବେହରା ନିଜର ଏକ ବୟାନକୁ ନେଇ ଚର୍ଚ୍ଚାରେ ଥିଲେ। ସେ ଗତବର୍ଷ କହିଥିଲେ କି ପବିତ୍ର ମନ୍ତ୍ରର ଜପ କରି ସେ ନିଜର ବନ୍ଧୁଙ୍କ ଘର ଓ ପରିବାରକୁ ଖରାପ ଆତ୍ମା ଠାରୁ ମୁକ୍ତି ଦେଇଥିଲେ । ଏବେ ପୁଣି ଥରେ ହିମାଚଳରେ ପ୍ରଳୟ ପଛରେ ମାଂସ ଖାଇବାକୁ ଦାୟୀ କହି ଲକ୍ଷ୍ମୀଧର ବେହରା ଆଲୋଚନାରେ ରହିଛନ୍ତି। 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.