ନୂଆଦିଲ୍ଲୀ – ସେ ମଣିଷ ଭଲ , ହେଲେ ତାଙ୍କ ଠାରେ ଲିଡରର କ୍ୱାଲିଟି ନାହିଁ। କୋଟିପତି ଏଲନ ମସ୍କ ମାର୍ଚ୍ଚ ମାସରେ ଡିନର ପାର୍ଟି ବେଳେ ଟ୍ୱିଟରର ତତ୍କାଳୀନ ସିଇଓ ପରାଗ ଅଗ୍ରୱାଲଙ୍କ ବିଷୟରେ ଏହି କଥା କହିଥିଲେ। ଏଲନ ମସ୍କ ସେତେବେଳେ ଟ୍ୱିଟରର ଅଧିଗ୍ରହଣର ପ୍ରକ୍ରିୟା ପୂରା କରିବାରେ ଲାଗିଥିଲେ। ଲେଖକ ୱାଲଟର ଇସାକ୍ସନ ଏଲନ ମସ୍କଙ୍କ ଉପରେ ଆଧାରିତ ନିଜର ପୁସ୍ତକରେ ଏହି ଡିନର ପାର୍ଟି ବେଳେ କଥାବାର୍ତ୍ତା ବିଷୟରେ ଉଲ୍ଲେଖ କରିଛନ୍ତି । 

ଏକ୍ସରେ ଏଲନ ମସ୍କ କମ୍ପାନୀଗୁଡ଼ିକୁ ଦେଲେ ଏହି ଫିଚର , ଲିଙ୍କଡ୍ଇନ୍‌ ସହ ହେବ ସିଧା ଟକ୍କର

 ୱାଲ ଷ୍ଟ୍ରିଟ୍‌ ଜର୍ନଲର ରିପୋର୍ଟ ମୁତାବିକ , ଏଲନ ମସ୍କ ଡିନର ପାର୍ଟି ପରେ ପରାଗ ଅଗ୍ରୱାଲଙ୍କୁ ନେଇ କହିଥିଲେ , ସେ ବାସ୍ତବରେ ଜଣେ ଭଲ ଯୁବକ , କିନ୍ତୁ ଏଥିରେ ଲିଡରସିପ୍ କ୍ୱାଲିଟିର ଅଭାବ ରହିଛି ଏବଂତାଙ୍କ ଠାରୁ ମ୍ୟାନେଜମେଣ୍ଟର ଆଶା ରଖିବା ଉଚିତ ନୁହେଁ। ଏହାସହ ମସ୍କ ମଧ୍ୟ କହିଥିଲେ , ଟ୍ୱିଟରକୁ ଆଗକୁ ନେବା ଭଳି ଡ୍ରାଗନର ଆବଶ୍ୟକ ରହିଛି ଏବଂ ପରାଗ ତାହା ନୁହଁନ୍ତି । 

ଏଲନ ମସ୍କ ଏକ୍ସ ଲୋଗୋ ସହ ସେୟାର କଲେ ପୁଅର ଫଟୋ , ଲୋକେ କମେଣ୍ଟରେ ଲେଖିଲେ…

 ପୁସ୍ତକରେ ୱାଲ୍ଟର ଇସାକ୍ସନ ଆହୁରି ଲେଖିଛନ୍ତି ଡିନର ପାର୍ଟିରେ ଟ୍ୱିଟରର ତତ୍କାଳୀନ ବୋର୍ଡ ଅଧ୍ୟକ୍ଷ ବ୍ରେଟ୍‌ ଟେଲର ମଧ୍ୟ ଉପସ୍ଥିତ ଥିଲେ। ଏହି ସମୟରେ ଏଲନ ମସ୍କ ଓ ପରାଗ ଅଗ୍ରୱାଲ , ଉଭୟଙ୍କ ମଧ୍ୟରେ ଭଲ କଥାବାର୍ତ୍ତା ହୋଇଛି। ଅଗ୍ରୱାଲ ୨୭ ମାର୍ଚ୍ଚ , ୨୦୨୨ରେ ଏଲନ ମସ୍କଙ୍କୁ ଏକ ମେସେଜ ମଧ୍ୟ ପଠାଇ ଥିଲେ। ଏହି ମେସେଜ୍‌ରେ ଲେଖିଥିଲେ , ଏଲନ ମସ୍କ , ପରସ୍ପର ଭିତରେ ସିଧାସଳଖ ଯୋଡି ହେବା ବହୁତ ଭଲ ଲାଗିଲା। ଆପଣଙ୍କୁ ଚ୍ୟାଟ୍‌ କରିବାକୁ ପସନ୍ଦ କରିବି   ଏହାର ଜବାବରେ ମସ୍କ କହିଥିଲେ ଖୁବ୍‌ ସୁନ୍ଦର ଡିନର ପାର୍ଟି । ହେଲେ , ଏହାପରେ ମାହୋଲ ବିଗିଡ଼ି ଯାଇଥିଲା ଏବଂ ଏହାର ପ୍ରଭାବ ଉଭୟଙ୍କର ସଂପର୍କରେ ବି ପଡ଼ିଲା । ଅପ୍ରେଲ ମାସରେ ଦୁହିଁଙ୍କ ମଧ୍ୟରେ ସାଙ୍କେତିକ ଭାବେ ତ ଭଲ ଥିଲା, କିନ୍ତୁ ଝଗଡ଼ା ହୋଇଥିଲା । 

ପରାଗ ଅଗ୍ରୱାଲ କିଏ – ଆପଣଙ୍କୁ କହି ରଖୁଛୁ କି ପରାଗ ଅଗ୍ରୱାଲ ଭାରତୀୟ ବଂଶୋଦ୍ଭବ ଏବଂ ସେ ଟ୍ୱିଟରର ସିଇଓ  ରହି ଥିଲେ । ଟ୍ୱିଟରର କୋ-ଫାଉଣ୍ଡର ଜ୍ୟାକ ଡୋର୍ସି ନଭେମ୍ୱର ୨୦୨୧ରେ ଟ୍ୱିଟର ସିଇଓ ପଦରୁ ଇସ୍ତଫା ଦେଇଥିଲେ । ଏହାପରେ ପରାଗ ଅଗ୍ରୱାଲ ଏହି ପଦରେ ରହିଥିଲେ । ହେଲେ ଏଲନ ମସ୍କ ଯେବେ ଟ୍ୱିଟରର ଅଧିଗ୍ରହଣ କଲେ ପରାଗଙ୍କୁ ତାଙ୍କ ପଦରୁ ଇସ୍ତଫା ଦେବାକୁ ପଡ଼ିଥିଲା ।