ମାଲକାନଗିରି,୨୦।୧୧ : ଆସନ୍ତା ୨୨ତାରିଖରୁ ୨୮ ତାରିଖ  ପର୍ଯ୍ୟନ୍ତ ତାମିଲନାଡୁ ରାଜ୍ୟ ଚେନାଇ ଠାରେ ଆୟୋଜିତ ୧୫ତମ ଆଦିବାସୀ ଯୁବବିନିମୟ କାର୍ଯ୍ୟକ୍ରମରେ ସ୍ୱାଭିମାନ ଅଞ୍ଚଳ ରୁ ୨୦ ଜଣ ଆଦିବାସୀ ଯୁବକ ଯୁବତୀ ଯୋଗ ଦେବେ। ସେଥି ନିମନ୍ତେ ଆଜି ମାଲକାନଗିରି ଜିଲ୍ଲା ସଦର ମହକୁମାସ୍ଥ ବିଏସଏଫ କ୍ୟାମ୍ପ ରେ ସ୍ୱତନ୍ତ୍ର ଏକ କାର୍ଯ୍ୟ କ୍ରମ କରାଯାଇ ଥିଲା।   ଆୟୋଜିତ ଆନୁଷ୍ଠାନିକ କାର୍ଯ୍ୟକ୍ରମରେ ମାଲକାନଗିରି ବିଏଏସଫ ମୁଖ୍ୟକର୍ଯ୍ୟଳୟ ର ବିଏସଫ ଡି ଆଇଜି  ଶୈଳେନ୍ଦ୍ର କୁମାର ସିନ୍ନା ମୁଖ୍ୟ ଅତିଥି ଭାବେ ଯୋଗ ଦେଇ  ଯୁବକ ଯୁବତୀ ଙ୍କୁ ମାର୍ଗଦର୍ଶନ ଦେଇଥିଲେ।  ସମ୍ମାନିତ ଅତିଥିଭାବେ ବିଏସଏଫ  କମାଣ୍ଡାଣ୍ଟ ଭି. ପି. ସିଂ,ସେକେଣ୍ଡ କମାଣ୍ଡାଣ୍ଟ ଶିକନ୍ଦ୍ର ସିଂ, ରାଜେଶ କୁମାର, ଡେପୁଟି କମାଣ୍ଡାଣ୍ଟ ଶୁଭ ରଞ୍ଜନ ମହାପାତ୍ର, ଓ ନେହୁର ଯୁବ କେନ୍ଦ୍ର ର ସନ୍ତୋଷ ପାତ୍ର ଉପସ୍ଥିତ ଥିଲେ।

 ଏହି ଆଦିବାସୀ ଯୁବ ବିନିମୟ କାର୍ଯ୍ୟକ୍ରମର ଚତୁର୍ଥ ପର୍ଯ୍ୟାୟରେ ମାଲକାନଗିରି ଜିଲ୍ଲାର ଚିତ୍ରକୋଣ୍ଡା ବ୍ଲକ ସ୍ୱାଭିମାନ ଅଞ୍ଚଳ ଲାମ୍ବାସିଂ, ରାଙ୍ଗୀନଗୁଡା,ବନଗୁରୁ, ପଳାଶପଦର, ରେଖାପାଲି ଦୁର୍ଗମ ଆଦିବାସୀ ଗ୍ରାମର ୧୦ ଜଣ ଯୁବକ ଓ ୧୦ ଜଣ ଯୁବତୀଙ୍କୁ ନେଇ ମୋଟ ୨୦ଜଣ ପ୍ରାର୍ଥୀ ଙ୍କୁ ମନୋନୀତ କରାଯାଇଛି ।ଭାରତର ନେହେରୁ ଯୁବା କେନ୍ଦ୍ର ସଂଗଠନ (ଯୁବ ବ୍ୟାପାର ଏବଂ କ୍ରୀଡା ମନ୍ତ୍ରଣାଳୟ) ସରକାରଙ୍କ ସହଯୋଗରେ ସୀମା ସୁରକ୍ଷା ବଳ (ଗୃହ ମନ୍ତ୍ରଣାଳୟ) ଦ୍ୱାରା ଏହି କାର୍ଯ୍ୟକ୍ରମ ଆୟୋଜିତ ହେଉଛି। ୧୫ଟି ଆଦିବାସୀ ଯୁବ ବିନିମୟ କାର୍ଯ୍ୟକ୍ରମ ୨୦୨୩-୨୪ ମସିହା ର ୧୪ଟି ପର୍ଯ୍ୟାୟରେ କରାଯିବ । ଯେଉଁଥିରେ ମାଲକାନଗିରି ଜିଲ୍ଲାର ଦୁର୍ଗମ ଅଞ୍ଚଳରୁ ମୋଟ ୩୨୦ଜଣ ଯୁବ ପ୍ରାର୍ଥୀଙ୍କୁ ବିଭିନ୍ନ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳକୁ ଭ୍ରମଣ ପାଇଁ ପଠାଯିବ।

 ଏହି ସମଗ୍ର ଭ୍ରମଣ ସମୟରେ   ତାମିଲନାଡୁ ଚେନାଇରେ ଆୟୋଜିତ ବିଭିନ୍ନ କାର୍ଯ୍ୟକ୍ରମରେ ଅଂଶଗ୍ରହଣ କରିବେ | ଏହି ଗସ୍ତ ସମୟରେ ସେମାନେ  ଅଞ୍ଚଳର ବିଭିନ୍ନ ସାମ୍ବିଧାନିକ କର୍ତ୍ତୃପକ୍ଷ, ମହାନ ସଫଳତା, କ୍ରୀଡ଼ା ବ୍ୟକ୍ତିତ୍ୱ, ଚଳଚ୍ଚିତ୍ର / ଟିଭି ତାରକା ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ବ୍ୟକ୍ତିତ୍ୱଙ୍କୁ ଭେଟିବାର ସୁଯୋଗ ପାଇବେ। ସେମାନେ କ୍ୟାରିୟର ଗାଇଡ୍ ଏବଂ ଇଣ୍ଡଷ୍ଟ୍ରିଆଲ୍ ଟ୍ରେନିଂ ଉପରେ କାଉନସେଲିଂରେ ମଧ୍ୟ ଯୋଗ ଦେବେ | ଦେଶର ପ୍ରମୁଖ ସାମାଜିକ,ସାଂସ୍କୃତିକ ପୀଠ ପରିଦର୍ଶନ କରିବେ। ସେମାନେ ପ୍ରମୁଖ ଶିଳ୍ପ, କର୍ପୋରେଟ୍ ହାଉସ୍, ଜାତୀୟ ଗୁରୁତ୍ୱପୂର୍ଣ୍ଣ ପ୍ରତିଷ୍ଠାନ, ଐତିହାସିକ ଏବଂ ସାଂସ୍କୃତିକ ସ୍ଥାନ ପରିଦର୍ଶନ କରି ଜ୍ଞାନ ଅର୍ଜନ କରିବେ।  ସେମାନଙ୍କୁ ଏକ ବଡ଼ ପ୍ଲାଟଫର୍ମରେ ଉତ୍ତମ ଏକ୍ସପୋଜର୍ ଯୋଗାଇବା ପାଇଁ ଯୋଜନା କରାଯାଇଛି ଯାହାକି ସେମାନଙ୍କୁ ଏକ ଉଜ୍ଜ୍ୱଳ କ୍ୟାରିୟର ଖୋଜିବାକୁ ସାହାଯ୍ୟ କରିବ ବୋଲି ବିଏସଏଫ ଡି ଆଇଜି ଶ୍ରୀ ସିନ୍ନା କହିଛନ୍ତି ।