ଧର୍ମଶାଳା,୦୮/୦୭: ଓଡିଶା ଡ୍ରାଇଭର ସଂଘର ଷ୍ଟିୟରିଂ ଛାଡ଼ ଆନ୍ଦୋଳନ। ୭ ଦଫା ଦାବି ନେଇ ଯାଜପୁର ଜିଲ୍ଲା ଧର୍ମଶାଳା ଡ୍ରାଇଭର ମହାସଂଘ ଆନ୍ଦୋଳନକୁ ଓହ୍ଲାଇଛି। ବ୍ଲକର ପାଖାପାଖି ସାଢେ ୩ ହଜାର ଡ୍ରାଇଭର ଷ୍ଟିୟରିଂ ଛାଡ଼ ଆନ୍ଦୋଳନରେ ସାମିଲ ହୋଇଛନ୍ତି।
ଧର୍ମଶାଳା ଥାନା ୧୬ ନମ୍ବର ଜାତୀୟ ରାଜପଥର ଜାରକା ଠାରେ ଓ ଜେନାପୁର ଥାନାର ୫୩ ନମ୍ବର ରାଜପଥର କଣ୍ଟାପଡ଼ା ଠାରେ ଡ୍ରାଇଭରମାନେ ଶାନ୍ତିପୂର୍ଣ୍ଣ ଭାବରେ ଆଜି ସକାଳୁ ଧାରଣାରେ ବସିଛନ୍ତି। ଜିଲ୍ଲା ସଂଘର ସହ ସମ୍ପାଦକ ଶଶିକାନ୍ତ ବେହେରା ଓ ସଂଯୋଜକ ହୀରା ଲାଲ ଆନ୍ଦୋଳନରେ ଯୋଗ ଦେଇ କହିଛନ୍ତି, ସରକାର ଯେ ପର୍ଯ୍ୟନ୍ତ ଦାବି ପୂରଣ କରି ନାହାଁନ୍ତି ସେ ପର୍ଯ୍ୟନ୍ତ ଏହି ଆନ୍ଦୋଳନ ଜାରି ରହିବ । ଡ୍ରାଇଭର ମହାସଂଘର ବ୍ଲକ୍ ସଭାପତି ଲୋକନାଥ ପୁରୀ, ସମ୍ପାଦକ ଅମୂଲ୍ୟ ମଲିକ ଓ ସଂଯୋଜକ ସୁଶାନ୍ତ ସ୍ବାଇଁଙ୍କ ନେତୃତ୍ୱରେ ବସ, ଟ୍ରକ୍, ଅଟୋ, କାର ଆଦି ଡ୍ରାଇଭର ସାମିଲ ହୋଇଛନ୍ତି। ଡ୍ରାଇଭରମାନେ ଆନ୍ଦୋଳନ ପାଇଁ ବ୍ଲକ୍ ରେ 'ଆମ' ବସ୍ ଚଳାଚଳ ବାଧାପ୍ରାପ୍ତ ହୋଇଛି।
