ଲଣ୍ଡନ, ୧୨/୦୯: ଜି-୨୦ ଶିଖର ସମ୍ମିଳନୀର ଅଧ୍ୟକ୍ଷତା କରିଥିବାରୁ ଭାରତକୁ ନେଇ ସମଗ୍ର ବିଶ୍ବରେ ଚର୍ଚ୍ଚା ଲାଗିରହିଛି । ରୁଷ, ଆମେରିକା ଏବଂ ଚୀନ୍ ଭଳି ବିଭିନ୍ନ ଦେଶ ଏବେ ଭାରତକୁ ପ୍ରଶଂସା କରୁଛନ୍ତି । ହେଲେ ଭାରତର ସଫଳତା ଦେଖି ପଡ଼ୋଶୀ ପାକିସ୍ତାନ ବିଳିବିଳେଇ ହେଉଛି । ପାକିସ୍ତାନ ସଂପର୍କରେ ଜି-୨୦ରେ କୌଣସି ଆଲୋଚନା ବି ହୋଇନାହିଁ । ସେପଟେ ପାକିସ୍ତାନର ନେତାଙ୍କୁ ଲାଗୁଛି ଜ-୨୦ ସମ୍ମିଳନୀ ଆୟୋଜନ କରିବା ବେଶି ବଡ଼ କଥା ନୁହେଁ । ଏମିତି ସମ୍ମିଳନୀର ଆୟୋଜନ ପାକିସ୍ତାନ ମଧ୍ୟ କରିପାରିବ ।
ସହରରେ ହଠାତ ପ୍ରବାହିତ ହେଲା ମଦର ବନ୍ୟା, କେମିତି ଘଟିଗଲା ଏତେବଡ଼ ଦୁର୍ଘଟଣା ?
ଲଣ୍ଡନରେ ନିର୍ବାସିତ ଜୀବନ ବିତାଉଥିବା ପୂର୍ବତନ ପ୍ରଧାନମନ୍ତ୍ରୀ ନଓ୍ବାଜ ଶରିଫ କହିଛନ୍ତି ଯେ, ଯଦି ରାଜନୖତିକ ସ୍ଥିରତା ଆସେ ତେବେ ପାକିସ୍ତାନ ମଧ୍ୟ ଜି-୨୦ ଆୟୋଜନ କରିବାରେ ସମର୍ଥ । ଲଣ୍ଡନରେ ଗଣମାଧ୍ୟମକୁ ଦେଇଥିବା ସାକ୍ଷାତକାରରେ ପାକିସ୍ତାନ ମୁସଲିମ୍ ଲିଗ୍-ନଓ୍ବାଜର ମୁଖ୍ୟ ଏଭଳି କିଛି ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତି ଯେ, ପାକିସ୍ତାନର ସ୍ଥିତି ଯଦି ୨୦୧୭ ଭଳି ଥାଆନ୍ତା ତେବେ ଏଭଳି ସମ୍ମଳନୀର ଆୟୋଜନ ହେଉଥାନ୍ତା । ପାକିସ୍ତାନ ଜି-୨୦ରେ ସାମିଲ ହୋଇସାରିଥାନ୍ତା ବୋଲି ଦୃଢ଼ୋକ୍ତ ବାଢ଼ିଛନ୍ତି ନଓ୍ବାଜ ଶରିଫ ।
ନଓ୍ବାଜଙ୍କ ପୂର୍ବରୁ ପୂର୍ବତନ ଅର୍ଥମନ୍ତ୍ରୀ ଇଶାକ ଦାର ମଧ୍ୟ ଏଭଳି କିଛି ଦାବି କରିଥିଲେ । ସେ କହିଥିଲେ, ଦେଶରେ ପିଏମଏଲ-ଏନ ସରକାର ଥିଲା ବେଳେ ପାକିସ୍ତାନର ଅର୍ଥନୀତି ବିଶ୍ବର ଅଗ୍ରଣୀ ଦେଶମାନଙ୍କ ଭଳି ଥିଲା । ଅନ୍ୟପଟେ ଜି-୨୦ର ଆୟୋଜନ କରି ଭାରତ ସମଗ୍ର ବିଶ୍ବରେ ଏକ ସ୍ବତନ୍ତ୍ର ପରିଚୟ ହାସଲ କରିଥିବା କୁହାଯାଉଛି । ଚୀନ୍ ଭଳି ମହାଶକ୍ତି ସାମ୍ନାରେ ଭାରତ ଏକ ବିଶ୍ବ ଶକ୍ତି ଭାବେ ନିଜର ପରିଚୟ ଦେଇଛି ବୋଲି ବିଶେଷଜ୍ଞମାନେ ମତ ଦେଇଛନ୍ତି ।
କର୍କଟ କୋଷିକା ନଷ୍ଟ କରିବ ହାଇବ୍ରିଡ୍ ନାନୋପାର୍ଟିକଲ୍, ବିକଶିତ କଲେ ଭାରତୀୟ ବୈଜ୍ଞାନିକ
