ରେଢ଼ାଖୋଲ,୦୮/୦୭: ଓଡିଶା ଡ୍ରାଇଭର ମହାସଂଘର ଷ୍ଟିୟରିଂ ଛାଡ଼  ଆନ୍ଦୋଳନ। ଏହି କ୍ରମରେ ସମ୍ବଲପୁର ଜିଲ୍ଲା ରେଢ଼ାଖୋଲ ଉପଖଣ୍ଡ ଡ୍ରାଇଭର ଏକତା ମହାମଞ୍ଚ ପକ୍ଷରୁ ଅନିର୍ଦ୍ଧିଷ୍ଟକାଳ ପର୍ଯ୍ୟନ୍ତ ଷ୍ଟିୟରିଂ ଛାଡ଼ ଆନ୍ଦୋଳନର ଆରମ୍ଭ ହୋଇଛି।  ସଙ୍ଘର ସଭାପତି ଯୁଗଳ ସ୍ୱାଇଁ ଓ ସଂପାଦକ କେଶବ ଚନ୍ଦ୍ର ମହାପାତ୍ରଙ୍କ ନେତୃତ୍ୱରେ ସହରର ଭୀମଭୋଇ କଲେଜ ନିକଟ ୫୫ନଂ ଜାତୀୟ ରାଜପଥ କଡ଼ରେ  ଏକ ହଜାରରୁ ଉର୍ଦ୍ଧ ଡ୍ରାଇଭର  ଆନ୍ଦୋଳନରେ ସାମିଲ ହୋଇଛନ୍ତି। ଏଥିରୁ ସ୍କୁଲ ବସ, ଆମ୍ବୁଲାନ୍ସ ଓ ଅତ୍ୟାବଶ୍ୟକ ଯାନବାହାନଗୁଡିକୁ ବାଦ ଦିଆଯାଇଥିବା ସଭାପତି ଯୁଗଳ ସ୍ୱାଇଁ କହିଛନ୍ତି। ସେପଟେ ଡ୍ରାଇଭରମାନଙ୍କ ଆନ୍ଦୋଳନ ଯୋଗୁଁ ଜନସାଧାରଣ ଯାତାୟତରେ ଅସୁବିଧାର ସମ୍ମୁଖୀନ ହେଉଥିବା ବେଳେ ମାଲ ପରିବହନରେ ମଧ୍ୟ ବାଧା ସୃଷ୍ଟି ହେଉଥିବା ଜଣାଯାଇଛି।