ଖଜୁରୀପଡ଼ା ୧।୮ : ପାରିବାରିକ କଳହକୁ  ନେଇ ବିଷ ପିଇ ଜୀବନ ହାରିଲେ  ମହିଳା। ଏଭଳି ଏକ ଘଟଣା ଘଟିଛି ଖଜୁରୀପଡ଼ା ଥାନା ଅନ୍ତର୍ଗତ ବଲସକୁମ୍ପା ଗ୍ରାମ ପଞ୍ଚାୟତର ଗେଡ୍ରିପାଜୁ ଗ୍ରାମରେ ।  ମୃତ ମହିଳା ଜଣକ ହେଲେ ମିନାକ୍ଷୀ ଭୋଇ। 

ଏହି ଗ୍ରାମର  ବିପ୍ର ଭୋଇ  ପ୍ରତିଦିନ ମଦ୍ୟପାନ କରୁଥିବା ଯୋଗୁଁ  ତାଙ୍କ ସ୍ତ୍ରୀ ମିନାକ୍ଷୀଙ୍କ  ସହ ସବୁବେଳେ କଳହ ଲାଗି ରହୁଥିଲା । ସ୍ବାମୀଙ୍କୁ ଯେତେ ବୁଝାଇଲେ ମଧ୍ୟ ସେ ନ ବୁଝିବାରୁ ମିନାକ୍ଷୀ ବାଧ୍ୟ ହୋଇ ନିଜ ବାପ ଘରକୁ ଚାଲି ଯାଇଥିଲେ । ତେବେ ବିପ୍ର ସେଠାକୁ ଯାଇ ସ୍ତ୍ରୀଙ୍କୁ   ବୁଝାସୁଝା କରି ନିଜ ଘରକୁ ଫେରାଇ ଆଣିଥିଲେ। କିନ୍ତୁ କୌଣସି କାରଣ ବଶତଃ ମଙ୍ଗଳବାର ରାତିରେ ମିନାକ୍ଷୀ ବିଷ ପିଇ ଦେଇଥିଲେ । ପରିବାର ଲୋକେ ଫୁଲବାଣୀ ବଡ ମେଡିକାଲ ନେଇ   ମିନାକ୍ଷୀଙ୍କୁ ଭର୍ତ୍ତି କରିଥିଲେ । କିନ୍ତୁ ଚିକିତ୍ସାଧୀନ ଅବସ୍ଥାରେ ବୁଧବାର ରାତିରେ ମୀନାକ୍ଷୀଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ଏ ନେଇ ଖଜୁରୀପଡ଼ା ଥାନାରେ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଥିବା ପୋଲିସ ସୂତ୍ରରୁ ସୂଚନା ମିଳିଛି।