ନୂଆଦିଲ୍ଲୀ ୧୦/୯: ଦେଶବାସୀଙ୍କ ନଜର ଏବେ G20 ସମ୍ମିଳନୀ ଉପରେ ରହିଛି । ଆୟୋଜନରେ ଅତିଥିଙ୍କ ସ୍ୱାଗତଠୁ ଆରମ୍ଭ କରି ହୋଷ୍ଠ ମୋଦିଙ୍କ ଅନ୍ଦାଜ ସବୁକିଛି ଲୋକଙ୍କ ଧ୍ୟାନ ଆକର୍ଷଣ କରୁଛି । ଏହା ମଧ୍ୟରେ ସ୍ୱିଗୀର ଏକ ଟ୍ୱିଟ୍ ମଧ୍ୟ ୟୁଜର୍ସଙ୍କ ଧ୍ୟାନ ଆକର୍ଷଣ କରୁଛି । ଯଦିଓ ଏହା ଏକ ଫୁଡ୍ ଡେଲିଭରୀ ସର୍ଭିସ୍, କିନ୍ତୁ ନିକଟରେ ଜି୨୦ ଉପରେ ଏକ ଖାସ୍ ଟ୍ୱିଟ୍ ଜରିଆରେ ଲାଇମଲାଇଟ୍ ସଂଗ୍ରହ କରୁଛି ସ୍ୱିଗୀ ।

ଗୋଟେ ପଟେ ଜି୨୦ ସମ୍ମିଳନୀରେ ଗୁରୁତର ମୁଦ୍ଦା ଉପରେ ଆଲୋଚନା ଜାରି ରହିଛି । ଅନ୍ୟପଟେ ସ୍ୱିଗୀ ଏହି ଟ୍ରେଣ୍ଡିଂ ମୁଦ୍ଦାରେ ଟ୍ୱିଟ୍ କରି ୟୁଜର୍ସଙ୍କ ଧ୍ୟାନ ଆକର୍ଷଣ କରିଛି । ସ୍ୱିଗୀ ନିଜ ଟ୍ୱିଟରେ ଏକ ଚା କପ୍ ଦର୍ଶାଇଛି । ଖାସ୍ କଥା ହେଉଛି ଚା କପ୍ ଚାରିପଟେ ପାର୍ଲେ-ଜି ବିସ୍କୁଟ ରଖାଯାଇଛି । ତାହା ପୁଣି ଗଣି ଗଣି ୨୦ଟି ବିସ୍କୁଟ । ଏଥିରେ କ୍ୟାପ୍ସନ ଲେଖାଯାଇଛି କି ମୋ ପାର୍ଲେ-ଜି ୨୦ ସମ୍ମିଳନୀରେ ଆପଣ ସମସ୍ତଙ୍କୁ ସ୍ୱାଗତ । ଏହିଭଳି ପାର୍ଲେ-ଜି ବାହାନାରେ ସ୍ୱିଗୀ ମଧ୍ୟ ଜି-୨୦ ସମ୍ମିଳନୀର ଟ୍ରେଣ୍ଡରେ ନିଜକୁ ସାମିଲ କରିଛି । 

everyone is invited to my parle-G20 summit 🫰 pic.twitter.com/8ePiIsQAXU

— Swiggy (@Swiggy) September 8, 2023

ଏହି ଟ୍ୱିଟ ବାହାନାରେ ସ୍ୱିଗୀ ୟୁଜର୍ସଙ୍କ ପିଲାଦିନ ମନେ ପକାଇ ଦେଇଛି । ଜଣେ ୟୁଜର ଏହି ଟ୍ୱିଟକୁ ଦେଖି ଲେଖିଛନ୍ତି କି ‘ମୋତେ ମୋ ପିଲାଦିନ ମନେ ପଡିଗଲା ।’ କିଛି ୟୁଜର୍ସ ସ୍ୱିଗୀର ଏହି କ୍ରିଏଟିଭିଟିକୁ ପ୍ରଶଂସା କରିଛନ୍ତି । ତେବେ କିଛି ୟୁଜର୍ସ ସ୍ୱିଗୀର ସର୍ଭି ଉପରେ ମଧ୍ୟ ନିଜ ରାଗ ଜାହିର କରିଛନ୍ତି । କିଛି ୟୁଜର୍ସ ମଜାଳିଆ ଇମୋଜୀ ସହିତ ଏଥିରେ କମେଣ୍ଟ କରୁଛନ୍ତି ।