ମୁମ୍ବାଇ, ୧୦/୫ : ବଲିଉଡ଼ ଅଭିନେତା ଅକ୍ଷୟ କୁମାରଙ୍କ ବହୁ ଫିଲ୍ମ ବକ୍ସ ଅଫିସରେ ଖୁବ୍ କଲେକ୍ସନ କରିଛି । ସେହିଭଳି ତାଙ୍କ ଦେଶଭକ୍ତି ଫିଲ୍ମକୁ ଦେଖି ଲୋକମାନଙ୍କ ଭିତରେ ଦେଶପ୍ରେମ ଜାଗ୍ରତ ହୋଇଥାଏ । ଅକ୍ଷୟ ନିଜ ଫିଲ୍ମ କ୍ୟାରିୟରରେ ଦେଶଭକ୍ତିରେ ଯୋଡ଼ି ହୋଇଥିବା କେତେକ ହିଟ୍ ଫିଲ୍ମ ନିର୍ମାଣ କରିଛନ୍ତି । ଏହି ରିପୋର୍ଟରେ ଆସନ୍ତୁ ଜାଣିବା ଅକ୍ଷୟଙ୍କ ଦେଶ ଭକ୍ତି କେଉଁ ଫିଲ୍ମ ଅଟେ ଯାହା ବକ୍ସ ଅଫିରେ ଭଲ କଲେକ୍ସନ କରିଛି ।
ଅକ୍ଷୟ କୁମାରଙ୍କ ଫିଲ୍ମ ‘ବେବୀ’ ୨୦୧୫ରେ ରିଲିଜ ହୋଇଥିଲା । ଫିଲ୍ମର ବଜେଟ ୫୯କୋଟି ପାଖାପାଖି ଥିଲା । ସେହିଭଳି ବକ୍ସ ଅଫିସରେ ମଧ୍ୟ ଏହା ସୁପରଡୁପର କଲେକ୍ସନ କରିଥିଲା । ସ୍ୟାକନିକ ରିପୋର୍ଟ ଅନୁସାରେ ଏହି ଫିଲ୍ମ ଓ୍ବାର୍ଲ୍ଡଓ୍ବାଇଡ ଲେବୁଲରେ ୧୪୨.୯୮କୋଟିର ବିଜନେସ କରିଥିଲା । ପ୍ରକାଶ ଯେ, ଏହି ଫିଲ୍ମକୁ ନିରଜ ପାଣ୍ଡେ ନିର୍ଦେଶନା ଦେଇଥିଲେ । ଫିଲ୍ମରେ ଅକ୍ଷୟ କୁମାରଙ୍କ ବ୍ୟତୀତ ତାପସୀ ପନ୍ନୁ, ଅନୁପମ ଖେର ଏବଂ ରାଣା ଡୁଗୁବାତୀ ମୁଖ୍ୟ ଭୂମିକାରେ ନଜର ଆସିଥିଲେ ।
୨୦୧୬ରେ ଅକ୍ଷୟ କୁମାରଙ୍କ ଫିଲ୍ମ ‘ଏୟାରଲିଫ୍ଟ’ ରିଲିଜ ହୋଇଥିଲା । ଏହି ଫିଲ୍ମ ବକ୍ସ ଅଫିସରେ ୨୨୮କୋଟିର କଲେକ୍ସନ କରିଥିଲା । ଫିଲ୍ମର ବଜେଟ ବହୁ କମ୍ ଥିଲା । ଏହି ଫିଲ୍ମ କେବଳ ୩୦କୋଟିରେ ନିର୍ମାଣ ହୋଇଥିଲା । ଏହି ଫିଲ୍ମରେ ନିମ୍ରତ କୌର ମୁଖ୍ୟ ଭୂମିକାରେ ନଜର ଆସିଥିଲେ । ନିର୍ଦେଶକ ଏଆର ମୁଋଗଦାସଙ୍କ ଫିଲ୍ମ ‘ହଲିଡେ’ର ପ୍ରତିଟି ସିନରେ ଦେଶପ୍ରେମର ଜଲଓ୍ବା ଦେଖାଯାଇଥିଲା । ଏହି ଫିଲ୍ମରେ ଅକ୍ଷୟ କୁମାର ଲିଡ୍ ରୋଲରେ ଥିଲେ । ଫିଲ୍ମରେ ସୋନାକ୍ଷୀ ସିହ୍ନା ଭି ଅଛନ୍ତି । ସୂଚନା ଅନୁସାରେ ଏହି ଫିଲ୍ମ ଓ୍ବାର୍ଲ୍ଡଓ୍ବାଇଡ ୧୭୮କୋଟିର କଲେକ୍ସନ କରିଥିଲା । ପ୍ରକାଶ ଯେ, ଏହି ଫିଲ୍ମ ୫୦କୋଟିରେ ନିର୍ମାଣ ହୋଇଥିଲା ।
ଅକ୍ଷୟ କୁମାରଙ୍କ ଫିଲ୍ମ ‘ଋସ୍ତମ’ ୨୦୧୬ରେ ଆସିଥିଲା । ଏହି ଫିଲ୍ମକୁ ୫୦କୋଟିର ବଜେଟରେ ନିର୍ମାଣ ହୋଇଥିଲା । ଫିଲ୍ମ ବକ୍ସ ଅଫିସରେ ପ୍ରାୟ ୨୧୬କୋଟିରୁ ବି ଅଧିକ କଲେକ୍ସନ କରିଥିଲା । ଫିଲ୍ମରେ ଇଲିୟାନା ଡିକ୍ରୁଜ ଅକ୍ଷୟ କୁମାରଙ୍କ ଅପୋଜିଟରେ କାମ କରିଥିଲେ । ଅକ୍ଷୟ କୁମାରଙ୍କ ଫିଲ୍ମ ‘ମିଶନ ମଙ୍ଗଳ’ ୨୦୧୯ରେ ରିଲିଜ ହୋଇଥିଲା । ଏହି ଫିଲ୍ମ ଭାରତର ମଙ୍ଗଳ ମିଶନର ସତ୍ୟ କାହାଣୀ ଦେଖାଯାଇଛି । ଫିଲ୍ମ ତାପସୀ ପନ୍ନୁ ଏବଂ ବିଦ୍ୟା ବାଲନଙ୍କ ଭଳି କଳାକାର ଥିଲେ ।
