ଭୁବନେଶ୍ୱର ୨୮/୦୪: ରାଜଧାନୀରେ ଦୁର୍ବୃତ୍ତଙ୍କ ଆତଙ୍କରାଜ। ଦହିବରା ଖାଇଲେ। ଦୀର୍ଘ ଦିନ ଧରି ବାକି ଗଡ଼ାଇଲେ। ଟଙ୍କା ମାଗିବାରୁ ରାଗିଯାଇ ଦହିବରା ବେପାରୀଙ୍କୁ ନିସ୍ତୁକ ମାଡ଼ ମାରିବା ସହ କାରକୁ ଭାଙ୍ଗି ଗୁଣ୍ଡ କରିଦେଲେ। ଗଳାରୁ ସୁନା ଚେନ୍ନେଇ ଫେରାର ହୋଇଗଲେ। ଏଭଳି ଅଭିଯୋଗ ଖାରବେଳନଗର ଥାନା ଅନ୍ତର୍ଗତ ଭଗବତୀ ବସ୍ତିରେ ଘଟିଛି। ଦୁଇ ଜଣଙ୍କ ନାଁରେ ମାମଲା ରୁଜୁ କରି ପୋଲିସ ତଦନ୍ତ ଆରମ୍ଭ କରିଛି।
ସୂଚନା ଅନୁଯାଇ, ଦହିବରା ଖାଇ ପଇସା ମାଗିବାରୁ ବ୍ୟବସାୟୀଙ୍କୁ ନିସ୍ତୁକ ମାଡ । ଦିନରେ ସମାଧାନ କରିବା ପରେ ରାତିରେ ଦୃର୍ବୁତ୍ତ ସୁଝାଇଲେ ରାଗ। ରବିବାର ବିଳମ୍ବିତ ରାତିରେ ଯୁବକଙ୍କୁ ନିସ୍ତୁକ ମାଡ ସହ କାର ଭାଙ୍ଗିଲେ ଦୃର୍ବୁତ୍ତ । ଭୁବନେଶ୍ୱରର ବିଏମ୍ସି ଅଫିସ୍ ପାଖ ଭଗବତୀ ବସ୍ତିରେ ଘଟିଛି ଘଟଣା । ଦୁବୁର୍ତ୍ତଙ୍କ ମାଡରେ ଗୁରୁତର ଆହତ ଅବସ୍ଥାରେ ପ୍ରକଶ ବେହେରା କ୍ୟାପିଟାଲ ହସ୍ପିଟାଲରେ ଚିକିତ୍ସା ହେଉଛନ୍ତି। ଦୃର୍ବୁତ୍ତମାନେ ତାଙ୍କ ମୋବାଇଲ ଫୋନ ସୁନା ଚେନ ଛଡ଼ାଇ ନେଇଛନ୍ତି ବୋଲି ଅଭିଯୋଗ ହୋଇଛି । ଏନେଇ ଆହତ ପ୍ରକାଶଙ୍କ ମା- ଭଉଣୀ ଥାନାରେ ଅଭିଯୋଗ କରିଛନ୍ତି । ନିଜର ଦବଦବା ଜାହିର କରିବାକୁ ଶିକୁ ଖୁଣ୍ଟିଆ, ଲିକୁ ସେଠୀ ଏଭଳି କାଣ୍ଡ କରିଥିବା କହିଛନ୍ତି ପରିବାର ଲୋକେ ।
