ପାଟନା,୨୭/୦୪: ତରକାରୀ କରିବାକୁ ପରିବା କାଟୁଥିଲେ ସ୍ତ୍ରୀ । ପରିବା କାଟୁ କାଟୁ ଛୋଟ ବଦଳରେ ବଡ଼ ସାଇଜ ଆଳୁ କାଟିଦେଲେ । ଏହା ଦେଖି ରାଗି ଯାଇଥିଲେ ପତ୍ନୀ । ସ୍ତ୍ରୀଙ୍କୁ ତାଗିଦ କରିବା ସହ ଏତେ ବଡ଼ ସାଇଜ ଆଳୁ କାହିଁକି କାଟିଲ ବୋଲି କହିଥିଲେ । ଦୁହିଁଙ୍କ ଭିତରେ ଯୁକ୍ତିତର୍କ ହୋଇଥିଲା । ସାମାନ୍ୟ ଆଳୁ ପାଇଁ ଜଘନ୍ୟ କାଣ୍ଡ ଘଟାଇଲେ ସ୍ୱାମୀ । କୋଦାଳରେ ସ୍ତ୍ରୀଙ୍କ ବେକ କାଟିଦେଲେ । ବିହାର ପତୌନା ଥାନା ମଦୁବନୀ ଜିଲ୍ଲାରେ ହତ୍ୟାକାଣ୍ଡକୁ ନେଇ ଚାଞ୍ଚଲ୍ୟ ଖେଳି ଯାଇଛି ।
ଅଭିଯୁ୍କ୍ତ ସ୍ୱାମୀ ରତିଲାଲକୁ ଗିରଫ କରାଯାଇଛି । ମୃତ ସୋନୀ ଦେବୀଙ୍କ ମୃତଦେହ ତାଙ୍କ ଘର ପାଖରୁ ୨୦୦ମିଟର ଦୂରରୁ ଉଦ୍ଧାର ହୋଇଛି । ଶବ ଜଳାଇବାକୁ ନିଆଯାଇଥିଲା । ପୋଲିସ ଘଟଣାସ୍ଥଳରୁ ଏକ ବସ୍ତା ଚିନି ବି ଜବତ କରିଛି । ୪ ବର୍ଷ ହେବ ସୋନୀ ଓ ରତିଲାଲଙ୍କ ବିବାହ ହୋଇଥିଲା । ତାଙ୍କର ଏକ ୬ମାସର ଶିଶୁପୁତ୍ର ଅଛନ୍ତି ।
ଡିଏସପି ନିଶିକାନ୍ତ ଭାରତୀ କହିଛନ୍ତି, ପାରିବାରିକ ବିବାଦ କାରଣରୁ ହତ୍ୟା ହୋଇଥିବା ଅନୁମାନ କରାଯାଉଛି । ମୃତଦେହକୁ ଜଳାଇବାକୁ ଯେଉଁମାନେ ସହଯୋଗ କରିଛନ୍ତି ତାଙ୍କୁ ଚିହ୍ନଟ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏସଏଫଏଲ ଟିମ୍ ତଦନ୍ତ କରୁଛି ।
ଅଧିକ ପଢନ୍ତୁ...ଯୌତୁକରେ ମିଳିଲାନି ଫ୍ରିଜ୍-କୁଲର, ରାଗରେ ସ୍ତ୍ରୀର ଚୁଟି କାଟିଦେଲେ ସ୍ୱାମୀ
ତଦନ୍ତ ଜାରି- ଘଟଣା ନେଇ ସୂଚନା ମିଳିବା ପରେ ଡିଏସପି ନିଶିକାନ୍ତ ଭାରତୀ, ଇନସପେକ୍ଟର ନୀରଜ କୁମାର ବର୍ମା ଘଟଣାସ୍ଥଳରେ ପହଞ୍ଚିଥିଲେ । ଏସଏଫଏସ ଟିମ୍ ହତ୍ୟାରେ ବ୍ୟବହୃତ କୋଦାଳ ଜବତ କରିଛି । ଏହା ସହିତ ପଡ଼ିଥିବା ରକ୍ତ ଛିଡାରୁ ନମୂନା ସଂଗ୍ରହ କରିଛି । ଅଭିଯୁକ୍ତ ସ୍ୱାମୀ ରତିଲାଲ ଦିଲ୍ଲୀରେ ଏକ ବେସରକାରୀ କମ୍ପାନୀରେ କାମ କରୁଥିଲେ । ହତ୍ୟା ଘଟଣା ପରେ ପୁଅକୁ ଘରେ ଲୁଚାଇ ରଖିଥିଲେ । ପୋଲିସ ପୁଅକୁ ଉଦ୍ଧାର କରିଛି । କେଉଁ ପରିସ୍ଥିତି ହତ୍ୟାକାଣ୍ଡ ଘଟିଲା ତାର ତଦନ୍ତ ଜାରି ରିଖିଛି ପୋଲିସ ।
