ମୁମ୍ବାଇ,୨୭/୪ : ଭୋଜପୁରୀ ଇଣ୍ଡଷ୍ଟ୍ରିର ସୁପରଷ୍ଟାର ରବି କିଶନ ବଲିଉଡ଼ରେ ବି ନିଜ ଦବଦବା ଜାହିର କରିବାକୁ ଲାଗିଛନ୍ତି । କିରଣ ରାଓଙ୍କ ନିର୍ଦେଶନାରେ ନିର୍ମାଣ ହୋଇଥିବା ଫିଲ୍ମ ଲାପତା ଲେଡିଜରେ ପୋଲିସ ଚରିତ୍ର ନିଭାଇ ସେ ଖୁବ୍ ପ୍ରଶଂସା ସାଉଣ୍ଟିଛନ୍ତି । ଏବେ ଅଭିନେତା ହାତରେ ଆଉ ଗୋଟିଏ ହିନ୍ଦୀ ଫିଲ୍ମ ଲାଗିଛି ଯେଉଁଥିରେ ସେ ମୁଖ୍ୟ ଭୂମିକାରେ ନଜର ଆସୁଛନ୍ତି ।
ଏକ ରିପୋର୍ଟ ଅନୁସାରେ ରବି କିଶନ ସୁରେଶ ତ୍ରିବେଣୀଙ୍କ ନିର୍ଦେଶନାଧିନ କମେଡ଼ି ଫିଲ୍ମ ‘ମା ବହନ’ରେ କାଷ୍ଟ ହୋଇଛନ୍ତି । ଏହି ଫିଲ୍ମର ସୁଟିଂ ଏହି ବର୍ଷ ମଇରେ ମୁମ୍ବାଇରେ ଆରମ୍ଭ ହେବା ଖବର ଅଛି । ‘ମା ବହନ’ରେ ମାଧୁରୀ ଦୀକ୍ଷିତ, ତୃପ୍ତି ଡିମରୀ ଏବଂ ଧରନା ଦୁର୍ଗାଙ୍କ ସହ ମୁଖ୍ୟ ଭୂମିକା ନିଭାଇବାରେ ନଜର ଆସିବେ । ଏଭଳି ସ୍ଥଳେ ରବି କିଶନ ନିକଟରେ ଫିଲ୍ମକୁ ନେଇ ନିଜ ଉତ୍ସାହ ଜାହିର କରିଛନ୍ତି । ସେ ମାଧୁରୀ ଦୀକ୍ଷିତଙ୍କ ସହ କାମ କରିବାର ଭାଗ୍ୟ କହିଛନ୍ତି ।
ମାଧୁରୀ ଦୀକ୍ଷିତ ଏବଂ ତୃପ୍ତି ଡିମରୀଙ୍କ ସହ ସ୍କ୍ରିନ ସେୟାର କରିବା ନେଇ ରବି କିଶନ କହିଛନ୍ତି କି, ମାଧୁରୀ ଜି ବହୁତ ବଡ଼ ସୁପରଷ୍ଟାର ରହିଛନ୍ତି ଏବଂ ଆମେ ସମସ୍ତେ ବହୁ ବର୍ଷରୁ ତାଙ୍କର ତାରିଫ୍ କରି ଆସୁଛୁ । ଏହା ଏକ ଶାନଦାର ସମୟ ଅଟେ । ମୋତେ ଶ୍ରୀଦେବୀଙ୍କ ସହ କାମ କରିବାର ସୁଯୋଗ ମିଳିଛି, କିନ୍ତୁ ମାଧୁରୀ ଜିଙ୍କ ସହ କେବେ ସୁଯୋଗ ମିଳିନଥିଲା । ଏଥିଲାଗି ଏହା ଏକ ବଡ଼ ଆକର୍ଷଣ ଅଟେ, ସୌଭାଗ୍ୟ ଅଟେ କି ତାଙ୍କ ସହ କାମ କରିବା । ଭାରତର ନୂଆ ସେସଂଶନ ତ୍ରୃପ୍ତି ବି ଏହି ଫିଲ୍ମର ଭାଗିଦାରୀ ଅଟନ୍ତି , ଏଥିଲାଗି ଇଶ୍ବରଙ୍କ ଇଛାରୁ ଏହା ଏକ ଖୁବସୁରତ ପ୍ରୋଜେକ୍ଟ ହେବ ।
ରବି କିଶନ ଏହି ସମୟରେ ଫିଲ୍ମ ‘ମା ବହନ’ରେ ନିଜ ଚରିତ୍ରକୁ ନେଇ ବି କଥା ହୋଇଛନ୍ତି । ସେ କହିଛନ୍ତି, ଏହା ଏକ ବହୁତ ମନୋରଞ୍ଜନ ଫିଲ୍ମ ଅଟେ ଏହା ଏକ ଉଦ୍ଧୃତ ଚରିତ୍ର ଅଟେ ଏବଂ ଲୋକମାନେ ମୋତେ ପୂର୍ବରୁ କେବେ ଏହିଭଳି ଚରିତ୍ରରେ ଦେଖିନାହାନ୍ତି ।
