ଭୁବନେଶ୍ୱର ୨୫/୦୪: ଭୁବନେଶ୍ବରରେ ଅଘଟଣ। ରାଜଧାନୀର ଦୁଇଟି ରେଳ ଷ୍ଟେସନ୍ ନିକଟ ଟ୍ରେନ ଲାଇନରୁ ଦୁଇଟି ମୃତଦେହ ଉଦ୍ଧାର। ଗୋଟିଏ ମୃତଦେହ ବାଣୀବିହାର ନିକଟ ରେଳ ଧାରଣାରୁ ମିଳିଥିବା ବେଳେ ଅନ୍ୟ ଏକ ମୃତଦେହ ଲିଙ୍ଗରାଜ ରେଳ ଧାରଣାରେ ପଡିଛି । ବର୍ତ୍ତମାନ ପର୍ଯ୍ୟନ୍ତ ଉଭୟ ମୃତକଙ୍କ ପରିଚୟ ମିଳିନାହିଁ। ଘଟଣାସ୍ଥଳରେ ଜିଆର୍ପି ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି। ବିଭିନ୍ନ ଦିଗରୁ ଜିଆର୍ପି ଛାନ୍ଭିନ୍ ଆରମ୍ଭ କରିଥିବା ବେଳେ ପରିଚୟ ଖୋଜିବା ପାଇଁ ଉଦ୍ୟମ ଆରମ୍ଭ କରିଛି।
ସୂଚନା ମୁତାବିକ, ଶୁକ୍ରବାର ବାଣୀବିହାର ଷ୍ଟେସନ ନିକଟ ଟ୍ରେନ୍ ଟ୍ରାକରୁ ଗୋଟଏ ଖଣ୍ଡ ବିଖଣ୍ଡିତ ମୃତହେଦ ପଡିଥିବା ଦେଖିବାକୁ ମିଳିଥିଲା। ଏନେଇ ସ୍ଥାନୀୟଲୋକ ଜିଆର୍ପିକୁ ଖବର ଦେଇଥିଲେ। ଘଟଣାସ୍ଥଳରେ ଏକ ଟିମ୍ ପହଞ୍ଚି ମୃତଦେହ ଜବତ କରିବା ସହ ମୃତ୍ୟୁର କାରଣ ଖୋଜିବାରେ ଲାଗିଛି। ଠିକ୍ ସେହିଭଳି ଢ଼ଙ୍ଗରେ ଭୁବନେଶ୍ବର ଲିଙ୍ଗରାଜ ରେଳ ଧାରଣା ନିକଟରେ ଏକ ଅପରିଚିତ ମୃତଦେହ ପଡିଥିବା ଦେଖିବାକୁ ମିଳିଛି। ଘଟଣାସ୍ଥଳରେ ଜିଆରପି ପୋଲିସ ପହଞ୍ଚି ମୃତଦେହ ଜବତ କରିବା ସହ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
