ପ୍ରମୂଖ ଖବର
  • କଳାହାଣ୍ଡି : ଗାଁ ରାସ୍ତାରୁ ଯୁବକଙ୍କ ମୃତଦେହ ଉଦ୍ଧାର, ପୋଲିସର ତଦନ୍ତ ଆରମ୍ଭ
  • ||
  • ରାଇରଙ୍ଗପୁର ଗସ୍ତରେ ଯିବେ ମୁଖ୍ୟମନ୍ତ୍ରୀ, ଆଜି ପଣ୍ଡିତ ରଘୁନାଥ ମୁର୍ମୁଙ୍କ ଜୟନ୍ତୀ ଉତ୍ସବରେ ଯୋଗ ଦେବେ
  • ||
  • ଆଗାମୀ ୪ ଦିନ ପ୍ରଚଣ୍ଡ ତାତି: ବୁଧବାର ୪୫ ଡିଗ୍ରୀ ଛୁଇଁବ ପାରଦ, ତତଲା ଲୌହପିଣ୍ଡ ପାଲଟିବ ପଶ୍ଚିମ ଓଡ଼ିଶା
  • ||

ଆତଙ୍କୀ ଲିଙ୍କ୍‌ରେ ଛାନଭିନ୍ କରୁଛି ଏସଆଇଏ, ଜମ୍ମୁର ବିଭିନ୍ନ ସ୍ଥାନରେ ରେଡ୍

Published By : Ankita S | May 11, 2025 11:19 AM

ଶ୍ରୀନଗର,୧୧/୦୫: ଜମ୍ମୁ କଶ୍ମୀରରେ ଏସଆଇଏ ରେଡ୍ ହୋଇଛି । ଜମ୍ମୁର ବିଭିନ୍ନ ସ୍ଥାନରେ ଏସଆଇଏ ଅର୍ଥାତ ଷ୍ଟେଟ ଇନଭେଷ୍ଟିଗେସନ ଏଜେନ୍ସି ଆତଙ୍କବାଦୀ ମାମଲାକୁ ନେଇ ଛାନଭିନ୍ କରିଛି । ସୋପିଆନ୍, କୁଲଗାମ, ପୁଲୱାମା, ଅନନ୍ତନାଗରେ ରେଡ୍ ହୋଇଛି । ଆତଙ୍କବାଦୀଙ୍କୁ ସହାୟତା କରୁଥିବା କିଛି ସ୍ଥାନୀୟ ଲୋକଙ୍କୁ ମଧ୍ୟ ଯାଞ୍ଚ କରାଯାଇଛି । କିଛି ଏମିତି ଲୋକଙ୍କର ପରିଚୟ ଖୋଜୁଛି ଇନଭେଷ୍ଟିଗେନସ୍ ଟିମ୍ ଯିଏକି ଘାଟିରେ ଆତଙ୍କବାଦକୁ ସମର୍ଥନ କରୁଛନ୍ତି ।

ଏସଆଇଏ ରେଡ୍‌ ଏମିତି ସମୟରେ ହେଉଛି ଯେଉଁଠି, ଯେବେ କି ଭାରତ ଓ ପାକସ୍ତାନ ମଧ୍ୟରେ ଯୁଦ୍ଧବିରତି ଘୋଷଣା ହୋଇଛି । ଭାରତ ସରକାର ଘାଟିରେ ଆତଙ୍କବାଦ ଏବଂ ଆତଙ୍କୀ ସଗଠନର ଅଣ୍ଟା ଭାଙ୍ଗିବାକୁ ଲାଗି ପଡିଛନ୍ତି । ଏହି କ୍ରମରେ ବିଭିନ୍ନ ସ୍ଥାନରେ ଛାନଭିନ୍‌ ଜାରି ରହିଛି । ଆଗାମୀ ଭବିଷ୍ୟତରେ ଘାଟି ଭିତରେ ଥିବା ଆତଙ୍କୀଙ୍କୁ ସ୍ଥାନୀୟ ଲୋକ ଯେପରି କୌଣସି ସହାୟତା କରିବେ ନାହିଁ ।

କହି ରଖୁଛି କି, ଏପ୍ରିଲ ୨୨ ତାରିଖରେ ପହଲଗାମ ବୈସରନ ଘାଟିରେ ଭୟଙ୍କର ଆତଙ୍କୀ ଆକ୍ରମଣ ହୋଇଥିଲା । ଏଥିରେ ୨୬ ପର୍ଯ୍ୟଟକଙ୍କର ମୃତ୍ୟୁ ହୋଇଥିଲା । ଯେଉଁଥିରେ ଜଣେ ନେପାଳ ନାଗରିକ ରହିଥିଲେ । ପହଲଗାମ ପ୍ରତିଶୋଧ ପାଇଁ କ୍ରୋଧ ଓ କୋହରେ ଜଳୁଥିଲେ ଦେଶବାସୀ । ମେ ୬ ତାରିଖ ମଧ୍ୟରାତ୍ରୀରେ ଭାରତ ଅପରେସନ୍ ସିନ୍ଦୂର ଜରିଆରେ ପିଓକେ ଓ ପାକିସ୍ତାନର ୯ ଆତଙ୍କୀ ଆଡ୍ଡା ଉପରେ ଏୟାର ଷ୍ଟ୍ରାଇକ୍ କରିଥିଲା । ଏଥିରେ ୧୦୦ରୁ ଅଧିର ଆତଙ୍କୀ ନିପାତ ହୋଇଥିଲେ । ଏହାପରେ ଦୁଇ ଦେଶ ମଧ୍ୟରେ ଯୁଦ୍ଧ ଘମାସନ ହୋଇଥିଲା ।


Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.