ୱାଶିଂଟନ : ପାକିସ୍ତାନୀ ବଂଶୋଦ୍ଭବ ଜଣେ ଆମେରିକୀୟ ବ୍ୟବସାୟୀ ବିଶ୍ୱର ସବୁଠୁ ବଡ଼ ଗଣତାନ୍ତ୍ରିକ ପ୍ରକ୍ରିୟାର ଶାନ୍ତିପୂର୍ଣ୍ଣ ଓ ସଫଳ ପରିଚାଳନାରେ , ଭାରତର ଲୋକଙ୍କୁ ଜଣାଇଛନ୍ତି ଶୁଭେଚ୍ଛା। ସେ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କେବଳ ଭାରତରେ ନୁହେଁ , ବରଂ ପୂରା ଦକ୍ଷିଣ ଏସିଆ ଅଞ୍ଚଳରେ ସ୍ଥିରତାର ଗାରେଣ୍ଟି। ପାକିସ୍ତାନୀ-ଆମେରିକୀୟ ବ୍ୟବସାୟୀ ସାଜିଦ୍ ତରାର ପିଟିଆଇକୁ ଦେଇ ଥିବା ଏକ ସାକ୍ଷାତ୍କାରରେ କହିଛନ୍ତି , ମୁଁ ସର୍ବଦା କହିଛି କି ଭବିଷ୍ୟତରେ ଭାରତର ସ୍ଥିରତା ପାଇଁ ମୋଦିଙ୍କ ନେତୃତ୍ୱର ଆବଶ୍ୟକତା ରହିଛି, ଯାହା ଅନେକ ଦଳକୁ ଆସିବା ଓ ସମ୍ୱିଧାନକୁ ଅସ୍ଥିର କରିବାରୁ ରୋକି ପାରିବେ। ମୋଦିଙ୍କ ନେତୃତ୍ୱ ଭାରତର ସ୍ଥିରତା ଓ ଭାରତର ଭବିଷ୍ୟତର ଗ୍ୟାରେଣ୍ଟି।
ତରାର କହିଛନ୍ତି , ମୋଦିଙ୍କର ୩ୟ ଥର କ୍ଷମତାକୁ ଆସିବାରେ ପାକିସ୍ତାନର ଲୋକଙ୍କର ଆଶା କି, ଭାରତ ସହ ତାଙ୍କର ସଂପର୍କ ଉତ୍ତମ ହେବ। ଏକ ପ୍ରଶ୍ନର ଜବାବରେ ତରାର କହିଛନ୍ତି କି, ତାଙ୍କୁ ଆଶା କି ପାକିସ୍ତାନର ପ୍ରଧାନମନ୍ତ୍ରୀ ଶହବାଜ ଶରିଫ୍ ମୋଦିଙ୍କ ଶପଥ ଗ୍ରହଣ ଉତ୍ସବରେ ଭାଗ ନେବେ। ସେ କହିଛନ୍ତି କି ଏବେସୁଦ୍ଧା ତାଙ୍କ ତରଫରୁ କୌଣସି ଶୁଭେଚ୍ଛା ବାର୍ତ୍ତା ନଆସିବା ନୈରାଶଜନକ ।
ଏହି ବ୍ୟବସାୟୀ କହିଛନ୍ତି , ମୋଦି ଜଣେ ଅନୁଭବୀ ନେତା , ଯିଏକି ବ୍ରିକ୍ସ ଓ ଜି-୨୦ ଭଳି ବିଭିନ୍ନ ଅନ୍ତରାଷ୍ଟ୍ରୀୟ ମଞ୍ଚରେ କାମ କରିଛନ୍ତି। ଭାରତରେ ସାଧାରଣ ନିର୍ବାଚନର ସଫଳ ସମାପନରେ ଶୁଭେଚ୍ଛା ଦେଇ ତରାର କହିଛନ୍ତି , ଏହା ଏକ ଉଲ୍ଲେଖନୀୟ ଉପଲବ୍ଧି ଏବଂ ଭାରତୀୟ ଗଣତାନ୍ତ୍ରିକ ଶକ୍ତି ଓ ସହଜବୋଧର ପ୍ରମାଣ। ଭାରତର ଗଣତାନ୍ତ୍ରିକ ପ୍ରକ୍ରିୟାର ମଜବୁତ ଉପରେ ସନ୍ଦେହ କରୁଥିବା ବ୍ୟକ୍ତିଙ୍କୁ ନିର୍ବାଚନରେ ଚୁପ୍ କରାଇ ଦେଇଛନ୍ତି ମୋଦି। ଭାରତର ଗଣତନ୍ତ୍ର ମଜବୁତ୍ ସାବ୍ୟସ୍ତ ହୋଇଛି, ଏପରିକି ଆମେରିକା ଠାରୁ ମଧ୍ୟ ଅଧିକ ମଜବୁତ୍।