ନୂଆଦିଲ୍ଲୀ: ଲାହୋରରେ ପାକିସ୍ତାନକୁ ପ୍ରଶଂସା କଲେ କଂଗ୍ରେସ ନେତା ତଥା ପୂର୍ବତନ ଭାରତୀୟ କୂଟନୀତିଜ୍ଞ ମଣି ଶଙ୍କର ଆୟାର । ସେ କହିଛନ୍ତି ଯେ ଅନ୍ୟ ଦେଶ ଅପେକ୍ଷା ତାଙ୍କୁ ପାକିସ୍ତାନରେ ଅଧିକ ଖୋଲାଖୋଲି ଭାବେ ସ୍ୱାଗତ କରାଯାଇଛି । ଡନ୍ ଖବରକାଗଜ ଆୟରଙ୍କ ଉଦ୍ଧେଶ୍ୟରେ କହିଛି ଯେ,“ମୋର ଅଭିଜ୍ଞତା କହୁଛି ଯେ ପାକିସ୍ତାନୀ ମାନେ ବୋଧହୁଏ ଅନ୍ୟ ପାର୍ଶ୍ୱକୁ ନେଇ ଅତ୍ୟଧିକ ପ୍ରତିକ୍ରିୟା ଦେଇଥାନ୍ତି । ଯଦି ଆମେ ବନ୍ଧୁତ୍ୱପୂର୍ଣ୍ଣ ତେବେ ସେମାନଙ୍କର ଆଚରଣ ଅତ୍ୟନ୍ତ ବନ୍ଧୁତ୍ୱପୂର୍ଣ୍ଣ ହେବ ଏବଂ ଯଦି ଆମେ ଶତ୍ରୁ ହେବୁ ତେବେ ସେମାନଙ୍କର ଆଚରଣ ମଧ୍ୟ ଅତ୍ୟନ୍ତ ଶତ୍ରୁତାପୂର୍ଣ୍ଣ ହେବ । 

ଶନିବାର ଦିନ ଲାହୋରର ଆଲହମରାରେ ଫୈଜ ମହୋତ୍ସବର ଦ୍ୱିତୀୟ ଦିନରେ 'ହିଜର କି ରାଖ, ବିସାଲ କେ ଫୁଲ, ଭାରତ-ପାକିସ୍ଥାନ ମାମଲାର' ଶୀର୍ଷକ ଅଧିବେଶନରେ କଂଗ୍ରେସ ସାଂସଦ ଏହି ମନ୍ତବ୍ୟ ଦେଇଛନ୍ତି। ରିପୋର୍ଟ ଅନୁଯାୟୀ, ଆୟର୍ କହିଛନ୍ତି ଯେ, ପାକିସ୍ତାନରେ ତାଙ୍କୁ ଯେପରି ସ୍ୱାଗତ କରାଯାଇଛି, ଅନ୍ୟ କୌଣସି ଦେଶରେ ତାଙ୍କୁ ଏପରି ଖୋଲା ହୃଦୟରେ ସ୍ୱାଗତ କରାଯାଇ ନାହିଁ।

ସେ କହିଛନ୍ତି ଯେ ଯେତେବେଳେ ତାଙ୍କୁ କରାଚିରେ ମହାବାଣିଜ୍ୟ ଦୂତ ଭାବରେ ନିଯୁକ୍ତ କରାଯାଇଥିଲା, ସମସ୍ତେ ତାଙ୍କର ଏବଂ ତାଙ୍କ ପତ୍ନୀଙ୍କର ଦେଖାଶୁଣା କରୁଥିଲେ । ସେ କହିଛନ୍ତି ଯେ, ତାଙ୍କ ପୁସ୍ତକ 'ମେମୋୟର୍ସ ଅଫ୍ ମେବରିକ୍'ରେ ସେ ଏପରି ଅନେକ ଘଟଣା ବିଷୟରେ ଲେଖିଛନ୍ତି, ଯାହା ପାକିସ୍ତାନକୁ ଭାରତୀୟଙ୍କ କଳ୍ପନାଠାରୁ ସମ୍ପୂର୍ଣ୍ଣ ଭିନ୍ନ ଦେଶ ଭାବରେ ଦର୍ଶାଉଛି ।