ଡେରାଡୁନ୍, ୧୮/୧୧: ଉତ୍ତରାଖଣ୍ଡ ଉତ୍ତରକାଶୀ ସୁଡ଼ଙ୍ଗରେ ଫସିଥିବା ୪୧ ଶ୍ରମିକଙ୍କ ଉଦ୍ଧାର ପାଇଁ ଜାରି ରହିଛି ଉଦ୍ୟମ । ଶୁକ୍ରବାର ଅପରାହ୍ଣରୁ ଡ୍ରିଲିଂ ବନ୍ଦ ରହିଛି । ଡ୍ରିଲିଂ ବେଳେ ବାଧା ସୃଷ୍ଟି କରିଥିଲା ପଥର । ଖରାପ ହୋଇ ଯାଇଥିଲା ଡ୍ରିଲିଂ ମେସନର ବେରିଂ । ଫଳରେ ନୂଆ ଡ୍ରିଲିଂ ମେସିନ୍ ଇନ୍ଦୋରରୁ ଅଣାଯାଉଛି ।
ଶୁକ୍ରବାର ଡ୍ରିଲିଂ ପରେ ପଞ୍ଚମ ପାଇପ୍ ଭର୍ତ୍ତି କରାଯିବା ବେଳେ ବଡ଼ ଧରଣର ଶବ୍ଦ ଶୁଭିଥିଲା । ଏହାପରେ ବନ୍ଦ ରହିଥିଲା ଉଦ୍ଧାର କାର୍ଯ୍ୟ । ଏବେବି ଫସି ରହିଥିବା ଶ୍ରମିକଙ୍କୁ ପାଇପ୍ ଯୋଗେ ପାଣି, ଖାଦ୍ୟ ଓ ଔଷଧ ଯୋଗାଣ ଜାରି ରହିଛି । ଏବେ ସୁଦ୍ଧା ଉଦ୍ଧାରକାରୀ ଟିମ୍ ୨୪ ମିଟର ମାଟି ଏଡ଼ାଇ ପାରିଛନ୍ତି ।
‘ମୁଁ ଜେଲରେ ରହିଲେ ବି ଦିଲ୍ଲୀରେ ଜିତିବ ଆମ୍ ଆଦମୀ ପାର୍ଟି’: ଅରବିନ୍ଦ କେଜ୍ରିୱାଲ୍
ଆମେରିକାନ୍ ଅଗର ମେସିନରେ ଯାନ୍ତ୍ରିତ ତ୍ରୁଟି ଦେଖାଯିବା ପରେ ଇନ୍ଦୋରରୁ ଅନ୍ୟ ଏକ ଡ୍ରିଲିଂ ମେସିନ୍ ଏୟାରଲିଫ୍ଟ କରାଯାଇଛି । ଏବେ ସ୍ୱତନ୍ତ୍ର ଉଦ୍ଧାରକାରୀ ଦଳ ସୁଡ଼ଙ୍ଗର ଉପରି ଭାଗକୁ କାଟି ଉଦ୍ଧାର ପାଇଁ ଯୋଜନା କରୁଛନ୍ତି । ସୁଡ଼ଙ୍ଗରେ ଫସି ରହିଥିବା ଶ୍ରମିକଙ୍କ ସମ୍ପର୍କୀୟ ଟନେଲ୍ ବାହାରେ ଅଛନ୍ତି । ଉଦ୍ଧାର କାର୍ଯ୍ୟରେ ଏନଡିଆରଏଫ୍, ଏସଡିଆରଏଫ୍, ବିଆରଓ, ଆଇଟିବିପି ଯବାନ ସାମିଲ୍ ହୋଇଛନ୍ତି ।
୧୫୦ ଘଣ୍ଟାରୁ ଅଧିକ ସମୟ ଧରି ଶ୍ରମିକ ଫସି ରହିଥିବାରୁ ଚିନ୍ତା ବଢ଼ିବାରେ ଲାଗିଛି । ନଭେମ୍ବର ୧୨ରେ ସିଲ୍କ୍ୟାରା ସୁଡ଼ଙ୍ଗରେ କିଛି ଅଂଶ ଭୁଶୁଡ଼ି ଯାଇଥିଲା । ଫଳରେ ୪୧ ଶ୍ରମିକ ଫସି ରହିଛନ୍ତି । ଫସିଥିବା ଶ୍ରମିକଙ୍କ ଭିତରେ ଓଡ଼ିଶାରୁ ୫ ଜଣ ରହିଛନ୍ତି ।
ଜ୍ୟୋତିଷଙ୍କ ଭବିଷ୍ୟବାଣୀ: ହିଟ୍ମ୍ୟାନ୍ଙ୍କ ରାଶିରେ ବିଶ୍ୱକପ୍ ଟ୍ରଫି, ଚ୍ୟାଲେଞ୍ଜ ଦେବ ଅଷ୍ଟ୍ରେଲିଆ
