ପ୍ରମୁଖ ଖବର
  • ପୁରୀ ଚନ୍ଦନପୁରରେ ସିମେଣ୍ଟ ଗୋଦାମ ଉପରକୁ ବୋମାମାଡ, ଦୁର୍ବୃତ୍ତଙ୍କୁ କାବୁ କଲେ ଲୋକେ
  • ||
  • ଆସିଲା ବିଜେଡିର ସପ୍ତମ ପର୍ଯ୍ୟାୟ ପ୍ରାର୍ଥୀ ତାଲିକା, ରଘୁନାଥ ପାଲିରୁ ଅର୍ଚ୍ଚନା ରେଖା ବେହେରା, କାକଟପୁର ତୁଷାରକାନ୍ତି ବେହେରା
  • ||
  • ରାୟାଗଡ଼ା ଆସିବେ କଂଗ୍ରେସ ବରିଷ୍ଠ ନେତା ରାହୁଲ ଗାନ୍ଧୀ ଓ ତେଲେଙ୍ଗାନା ମୁଖୃମନ୍ତ୍ରୀ ରେବନ୍ତ ରେଡ୍ଡି
  • ||
  • ଅଗ୍ନିରୂପା ମା' ହିଙ୍ଗୁଳାଙ୍କ ପ୍ରସିଦ୍ଧ ଯାତ୍ରା ଆରମ୍ଭ, ମା'ଙ୍କ ଉଭାସ୍ଥଳୀ ନିକଟରେ ସୁରକ୍ଷା ବ୍ୟବସ୍ଥା କଡ଼ାକଡ଼ି
  • ||
  • ୨୪ ମହାସଂଗ୍ରାମ ପାଇଁ ଏପ୍ରିଲ ୨୪ରୁ ପ୍ରଚାରକୁ ଓହ୍ଲାଇବେ ନବୀନ,ହିଞ୍ଜିଳିରୁ ଆରମ୍ଭ ହେବ ଭୋଟଭିକ୍ଷା
  • ||
  • ସୋମବାରଠୁ ତିନି ଦିନ ଯାଏ ସକାଳୁଆ ସ୍କୁଲ, ୨୫ରୁ ଖରା ଛୁଟି ଘୋଷଣା କଲେ ରାଜ୍ୟ ସରକାର
  • ||
  • ଆଜି ପୃଥିବୀ ଦିବସ, ଏ ବର୍ଷର ଥିମ୍ ‘ଗ୍ରହ ବନାମ ପ୍ଲାଷ୍ଟିକ୍’, ପ୍ଲାଷ୍ଟିକ୍ ବ୍ୟବହାର କମାଇବାକୁ ଆହ୍ବାନ
  • ||
  • IPL 2024: ଆଜି ରାଜସ୍ଥାନ ରୟାଲ୍ସକୁ ଭେଟିବ ମୁମ୍ବାଇ ଇଣ୍ଡିଆନ୍ସ, ପ୍ରତିଶୋଧ ଲକ୍ଷ୍ୟରେ ପାଣ୍ଡ୍ୟା ବାହିନୀ
  • ||
  • ସୋମବାରଠୁ ରାଜ୍ୟରେ ସାମାନ୍ୟ କମିପାରେ ତାତି, ୨୫ରୁ ପୁଣି ଅଗ୍ନି ବର୍ଷା: କାଳବୈଶାଖୀ ପ୍ରଭାବରେ ବର୍ଷା ସମ୍ଭାବନା
  • ||

APEC ସମ୍ମିଳନୀରେ ଜିନପିଙ୍ଗଙ୍କୁ ଭେଟିବେ ବାଇଡେନ୍‌ , ଯୋଗ ଦେବେନି ଭ୍ଲାଦିମିର ପୁଟିନ

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଜୋ ବାଇଡେନ୍‌ ଏବଂ ଚୀନ୍‌ ରାଷ୍ଟ୍ରପତି ସି ଜିନପିଙ୍ଗ ମଧ୍ୟରେ ସାକ୍ଷାତ ହେବାକୁ ଯାଉଛି । ଚଳିତ ସପ୍ତାହରେ ଏହି ଭେଟଘାଟ ଆମେରିକାର ସାନଫ୍ରାନ୍ସିସକୋରେ ହେବାକୁ ଥିବା ଏସିଆ-ପ୍ରଶାନ୍ତ ମହାସାଗରୀୟ ଆର୍ଥିକ ସହଯୋଗ (ଆପେକ୍‌) ସମ୍ମଳନୀରେ ହେବ । ଏହି ସମ୍ମଳନୀରେ ୨୧ ସଦସ୍ୟ ରାଷ୍ଟ୍ର ଯୋଗ ଦେବାକୁ ଥିବା ବେଳେ ଏହି ସବୁ ଦେଶର ଜିଡିପି ମୋଟ ଜିଡିପିର ୬୨ ପ୍ରତିଶତ । ତେବେ ବିଶ୍ବରେ ହେଉଥିବା ବାଣିଜ୍ୟର ୫୦ ପ୍ରତିଶତ ଭାଗିଦାରୀ ହେଉଛନ୍ତି ଏହି ୨୧ ସଦସ୍ୟ ରାଷ୍ଟ୍ର ।

ଏହି ଆପେକ ସମ୍ମିଳନୀରେ ଜିନିପିଙ୍ଗ ସହ ବାଇଡେନ୍‌ କଥା ହେବା ସହ ଦୁଇ ଦେଶ ମଧ୍ୟରେ ଯେମିତି କୌଣସି ଭୁଲ ବୁଝାମଣା ନରୁହେ ତା ଉପରେ ଗୁରୁତ୍ବାରୋପ କରିପାରନ୍ତି ବୋଲି ଆମେରିକା ରାଷ୍ଟ୍ରପତିଙ୍କ ସୁରକ୍ଷା ପରାମର୍ଶଦାତା ଜେକ୍‌ ସୁଲିଭାନ କହିଛନ୍ତି । ତେବେ ଆପେକର ସଦସ୍ୟ ରାଷ୍ଟ୍ରଗୁଡ଼ିକ ହେଉଛି, ଅଷ୍ଟ୍ରେଲିଆ, ବ୍ରୁନେଇ, କାନାଡା, ଚିଲି, ଚୀନ୍‌, ହଙ୍ଗକଙ୍ଗ, ଇଣ୍ଡୋନେସିଆ, ଜାପାନ, ଦକ୍ଷିଣ କୋରିଆ, ମାଲେସିଆ, ମେକ୍ସିକୋ, ନ୍ୟୁଜିଲାଣ୍ଡ, ପପୁଆ ନ୍ୟୁଗିନି, ପେରୁ, ଫିଲିପାଇନ୍ସ, ରୁଷ, ସିଙ୍ଗପୁର, ତାଇଓ୍ବାନ, ଥାଇଲାଣ୍ଡ, ଆମେରିକା ଏବଂ ଭିଏତନାମ ।

ସାନଫ୍ରାନ୍ସିସକୋରେ ଆୟୋଜିତ ହେବାକୁ ଥିବା ଆପେକ ସମ୍ମିଳନୀରେ ଚୀନ୍‌ ରାଷ୍ଟ୍ରପତି ଯୋଗ ଦେବାକୁ ଥିବା ବେଳେ ତାଇଓ୍ବାନ ରାଷ୍ଟ୍ର ମୁଖ୍ୟ ଏଥିରେ ଯୋଗ ଦେବେନାହିଁ । ତାଇଓ୍ବାନ ପକ୍ଷରୁ ସେମିକଣ୍ଡକ୍ଟର ନିର୍ମାତା କମ୍ପାନୀ ଟିଏସଏମସିର ପ୍ରତିଷ୍ଠାତା ମୋରିସ ଚାଙ୍ଗ ପ୍ରତିନିଧିତ୍ବ କରିବେ ବୋଲି ଜଣାପଡ଼ିଛି ।

ସେପଟେ ୟୁକ୍ରେନ୍‌ରେ ଆକ୍ରମଣକୁ ନେଇ ସମାଲୋଚିତ ହୋଇଆସିଥିବା ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ ୨୦୨୩ର ଆପେକ ସମ୍ମିଳନୀରେ ସାମିଲ ହେବେ ନାହିଁ । ୨୦୨୨ରେ ବ୍ୟାଙ୍କକରେ ଆୟୋଜିତ ହୋଇଥିବା ଆପେକ ସମ୍ମିଳନୀରେ ପୁଟିନ୍‌ ଯୋଗ ଦେଇନଥିଲେ । ଆଗାମୀ ଆପେକ ସମ୍ମିଳନୀରେ ବେଜିଂକୁ ନେଇ ଦ୍ବିମତ ପ୍ରକାଶ ପାଇପାରେ । କେହି କେହି ବେଜିଂକୁ ସମର୍ଥନ କରିପାରନ୍ତି ଆଉ କେତେକ ରାଷ୍ଟ୍ର ଚୀନ୍‌ରେ ମାନବଧିକାରକୁ ନେଇ ଥିବା ରେକର୍ଡକୁ ନେଇ ବିରୋଧ କରିପାରନ୍ତି । ଏହି ସମ୍ମିଳନୀରେ ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ସଂପର୍କରେ ଆଲୋଚନା ହେବାକୁ ଥିବା ବେଳେ ରୁଷ ଏବଂ ୟୁକ୍ରେନ୍‌ ଯୁଦ୍ଧକୁ ନେଇ ଆଲୋଚନା ହୋଇପାରେ ।

  • Xi Jinping
  • joe biden
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.