ନୂଆଦିଲ୍ଲୀ : ଶ୍ରୀଲଙ୍କା କ୍ରିକେଟ ବୋର୍ଡ ବିରୋଧରେ ବଡ଼ ଆକ୍ସନ ନେଲା ଅନ୍ତରାଷ୍ଟ୍ରୀୟ କ୍ରିକେଟ୍ ପରିଷଦ (ଆଇସିସି) ବୋର୍ଡ। ଶୁକ୍ରବାର ଶ୍ରୀଲଙ୍କା କ୍ରିକେଟ୍ ଟିମ୍ର ସଦସ୍ୟତାକୁ ତତ୍କାଳ ପ୍ରଭାବରେ ନିଲମ୍ୱିତ କରି ଦେଇଛି। ଆଇସିସି ବୋର୍ଡ ମିଟିଂରେ ନିର୍ଣ୍ଣୟ ନେଇଛି କି, ଶ୍ରୀଲଙ୍କା କ୍ରିକେଟ୍ ଏକ ସଦସ୍ୟ ଭାବେ ନିଜର ଦାୟିତ୍ୱର ଗୁରୁତର ଭାବେ ଉଲ୍ଲଙ୍ଘନ କରୁଛି।
ଆଇସିସି ପ୍ରେସ୍ ରିଲିଜରେ କହିଛି କି, ଶ୍ରୀଲଙ୍କା କ୍ରିକେଟ୍ ନିଜର କାର୍ଯ୍ୟକାଳକୁ ସ୍ୱତନ୍ତ୍ର ଭାବେ ପରିଚାଳନା କରିବାରେ ସକ୍ଷମ ନୁହେଁ। କ୍ରିକେଟ୍ ବୋର୍ଡ ଶ୍ରୀଲଙ୍କାରେ ବିନା ସରକାରୀ ହସ୍ତକ୍ଷେପରେ କ୍ରିକେଟ୍ ପ୍ରଶାସନ ଏବଂ ନିୟମ ଭଳି ଦାୟିତ୍ୱ ନିର୍ବାହ କରିବାରେ ଅସମର୍ଥ। ନିଲମ୍ୱିତର ସର୍ତ୍ତ ଆଇସିସି ବୋର୍ଡ ଦ୍ୱାରା ଆଗାମୀ ସମୟରେ ସ୍ଥିର କରାଯିବ ।
ବିଶ୍ୱକପ୍ ୨୦୨୩ ରେ ଶ୍ରୀଲଙ୍କା କ୍ରିକେଟ୍ ଟିମ୍ର ଖରାପ ପ୍ରଦର୍ଶନ କାରଣରୁ ବୋର୍ଡ ଭିତରେ ଓ ଶ୍ରୀଲଙ୍କାରେ ବିବାଦ ଘନେଇଛି। ଶ୍ରୀଲଙ୍କାର ସଂସଦ ଗୁରୁବାର ଦେଶର କ୍ରିକେଟ୍ ପରିଚାଳନା ସଂସ୍ଥାକୁ ନିଲମ୍ୱିତ କରିବାକୁ ସର୍ବସମ୍ମତି କ୍ରମେ ଏକ ପ୍ରସ୍ତାବ ପାରିତ କରିଛନ୍ତି। ଏଥିରେ ଶାସକ ପକ୍ଷ ଓ ବିରୋଧି ଦଳଙ୍କର ପୂରା ସମର୍ଥନ ମିଳିଥିଲା। ଶ୍ରୀଲଙ୍କା କ୍ରିକେଟ୍ ଟିମ୍ ଶୁକ୍ରବାର ସକାଳେ ଭାରତରୁ ଫେରି ଯାଇଛନ୍ତି। ତାକୁ ବେଙ୍ଗାଲୁରୁରେ ଶେଷ ଗ୍ରୁପ୍ ମ୍ୟାଚ୍ରେ ନ୍ୟୁଜିଲ୍ୟାଣ୍ଡ ୫ କ୍ରିକେଟ୍ରେ ହରାଇଛି। ଶ୍ରୀଲଙ୍କା ଟିମ୍ ବିଶ୍ୱକପ୍ରେ ୯ଟିରୁ ୭ଟି ହାରିଥିବା ବେଳେ ୨ଟି ମ୍ୟାଚ୍ ଜିତି ପାରିଛି । ଯାହା ତାର ବର୍ତ୍ତମାନ ସୁଦ୍ଧା ସବୁଠୁ ଖରାପ ପ୍ରଦର୍ଶନ। ଭାରତ ବିରୋଧରେ ଟିମ୍ ୫୬ରନ୍ରେ ଆଉଟ୍ ହୋଇ ଯାଇଥିଲା।