ଲକ୍ଷ୍ନୌ, ୧୪/୦୯: ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ଗୁରୁବାର ବଡ଼ ଧରଣର ବିସ୍ଫୋରଣ ହୋଇଛି । ଗାଡ଼ିରୁ ସିଲିଣ୍ଡର ବାହାର କରିବା ବେଳେ ଅକ୍ସିଜେନ୍ ସିଲିଣ୍ଡର ବିସ୍ଫୋରଣ ହୋଇଥିଲା । ସିଲିଣ୍ଡର ଫାଟିବା ଶବ୍ଦରେ ଥରି ଉଠିଥିଲା ଅଞ୍ଚଳ । ବିସ୍ଫୋରଣରେ ୨ କର୍ମଚାରୀଙ୍କ ହାତ ପାପୁଲି ସହ ପାଦର କିଛି ଅଂଶ ଉଡ଼ି ଯାଇଛି । ଆଉ ୨ ଜଣ ଗୁରୁତର ଭାବେ ଆହତ ହୋଇଛନ୍ତି । 

ଆନ୍ଦୋଳନରତ ଶିକ୍ଷକଙ୍କୁ ନାଲି ଆଖି ଦେଖାଇଲେ ସରକାର, କାର୍ଯ୍ୟରେ ଯୋଗ ଦେବାକୁ ନିର୍ଦ୍ଦେଶ

ବିସ୍ଫୋରଣ ସ୍ଥାନୀୟ ଅଞ୍ଚଳରେ ଆତଙ୍କ ଖେଳି ଯାଇଥିବା ବେଳେ ଆହତଙ୍କୁ ମେଡିକାଲରେ ଭର୍ତ୍ତି କରିଛି ପୋଲିସ । ଏହି ଅଘଟଣ ବାଲାଗଞ୍ଜର ଜେପିଏସ୍ ଚିଲଡ୍ରେନ୍ ହସ୍ପିଟାଲ୍ ନିକଟରେ ହୋଇଛି । ସୂଚନା ଅନୁସାରେ, ଫରିଦିପୁରରେ ସଞ୍ଜୟ ଶ୍ରୀବାସ୍ତବଙ୍କ ଏଲାଇଟ୍ ଏଣ୍ଟରପ୍ରାଇଜେସ୍ ଅକ୍ସିଜେନ୍ ପ୍ଲାଣ୍ଟ ରହିଛି । ପ୍ଲାଣ୍ଟରୁ ଡ୍ରାଇଭର ଓ ଜଣେ ହେଲପର ଅକ୍ସିଜେନ୍ ସିଲିଣ୍ଡର ଆଣି ହସ୍ପିଟାଲ୍ ଆସିଥିଲେ । ଉଭୟ ଗାଡ଼ିରୁ ସିଲିଣ୍ଡର ଅନଲୋଡ୍ କରିବା ବେଳେ ହଠାତ୍ ବିସ୍ଫୋରଣ ହୋଇଥିଲା ।

୩୦ ସ୍କୁଲ୍ ଛୁଆଙ୍କୁ ନଦୀ ପାର୍ କଲା ବେଳେ ବୁଡ଼ିଗଲା ଡଙ୍ଗା; ୨୦ ଉଦ୍ଧାର, ୧୦ ନିଖୋଜ

ବିସ୍ଫୋରଣରେ ଦୁଇ କର୍ମଚାରୀଙ୍କ ହାତ ଓ ପାଦରେ ଶକ୍ତ ଆଘାତ ଲାଗିଛି । ପାପୁଲି ଉଡ଼ି ଯାଇଛି । ଉଭୟ କର୍ମଚାରୀ ଲହୁଲୁହାଣ ହୋଇଥିବା ବେଳେ ଆଉ ୨ ଜଣ ଆହତ ହୋଇଛନ୍ତି । ସମସ୍ତ ଆହତଙ୍କୁ ଟ୍ରମା ସେଣ୍ଟରରେ ଭର୍ତ୍ତି କରାଯାଇଛି । ଦୁଇ କର୍ମଚାରୀଙ୍କ ଅବସ୍ଥା ସଂକଟାପର୍ଣ୍ଣ ରହିଛି ।