ନୂଆଦିଲ୍ଲୀ, ୧୬/୦୯: କେରଳର କୋଝିକୋଡରେ ‘ନିପା’ ଭାଇରସର ନୂଆ ମାମଲା ଆସିବା ପରେ ସମସ୍ତେ ଭୟଭୀତ ହୋଇ ପଡ଼ିଛନ୍ତି । ‘ନିପା’ ସଂକ୍ରମଣକୁ ଦେଖି କୋଝିକୋଡରେ ସମସ୍ତ ଶିକ୍ଷାନୁଷ୍ଠାନକୁ ଆଗାମୀ ରବିବାର ସେପ୍ଟେମ୍ବର ୨୪ ଯାଏ ବନ୍ଦ ରଖା ଯାଇଛି । ସ୍କୁଲ୍, କଲେଜ ସହ କୋଚିଂ ସେଣ୍ଟର ଏହି ସମୟରେ ବନ୍ଦ ରହିବ । ଏହି ସମୟରେ ଅନଲାଇନ୍ କ୍ଲାସ୍ ହେବ ।
କେରଳର ସ୍ୱାସ୍ଥ୍ୟମନ୍ତ୍ରୀ ଭିନ ଗର୍ଗ ଶୁକ୍ରବାର କହିଛନ୍ତି, ‘ନିପା’ ଭୂତାଣୁ ସଂକ୍ରମିତଙ୍କ ସଂସ୍ପର୍ଶରେ ଆସିଥିବା ୧୦୮୦କୁ ବୃଦ୍ଧି ପାଇଛି । ଶୁକ୍ରବାର ଦିନକରେ ୧୩୦ ଜଣଙ୍କୁ ଚିହ୍ନଟ କରାଯାଇଛି । ଯେଉଁମାନେ କି ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିଲେ । ଚିହ୍ନଟ ୧୦୮୦ ଜଣଙ୍କ ମଧ୍ୟରେ ୩୨୭ ଜଣ ସ୍ୱାସ୍ଥ୍ୟକର୍ମୀ ଅଛନ୍ତି ।
ରାଜ୍ୟରେ ମୌସୁମୀ ସକ୍ରିୟ: ୧୮ରେ ଘୂର୍ଣ୍ଣିବଳୟ, ୧୯ରୁ ବଢ଼ିବ ବର୍ଷା
ସଂକ୍ରମିତଙ୍କ ସଂସ୍ପର୍ଶରେ ଆସିଥିବା ୧୭୫ ଜଣ ହାଇରିସ୍କରେ ଅଛନ୍ତି । ସ୍ୱାସ୍ଥ୍ୟମନ୍ତ୍ରୀ ଅନୁସାରେ, ସଂକ୍ରମିତଙ୍କ ସଂସ୍ପର୍ଶରେ ଆସିଥିବା ଲୋକଙ୍କ ସଂଖ୍ୟା ଆହୁରି ବଢ଼ିପାରେ । ଅଗଷ୍ଟ ୩୦ରେ ମୃତ୍ୟୁବରଣ କରିଥିବା ବ୍ୟଙ୍କିଙ୍କ ରିପୋର୍ଟ ‘ନିପା’ ପଜିଟିଭ୍ ଆସିଛି । ଫଳରେ ରାଜ୍ୟରେ ମୋଟ ‘ନିପା’ ସଂକ୍ରମିତଙ୍କ ସଂଖ୍ୟା ୬କୁ ବୃଦ୍ଧି ପାଇଛି ।
ସୂଚନା ଅନୁସାରେ, ଅଗଷ୍ଟ ୩୦ରେ ମୃତ୍ୟୁବରଣ କରିଥିବା ବ୍ୟକ୍ତିଙ୍କ ଅନ୍ତିମ ସଂସ୍କାରରେ ଅତିକମରେ ୧୭ ଜଣ ସାମିଲ୍ ହୋଇଥିଲେ । ସମସ୍ତଙ୍କୁ ଏବେ ଆଇସୋଲେସନରେ ରଖା ଯାଇଛି । ‘ନିପା’ ସଂକ୍ରମିତ ୪ ଜଣଙ୍କ ଚିକିତ୍ସା ଏବେ ମେଡିକାଲରେ ଚାଲିଛି ।
ପାର୍ବଣ ପୂର୍ବରୁ ଗର୍ଜିଛି ପୁଲିସର ବନ୍ଧୁକ: ଏନ୍କାଉଣ୍ଟରରେ ଦୁର୍ଦ୍ଦାନ୍ତ ମଙ୍ଗୁ ଆହତ
‘ନିପା’ ଆକ୍ରାନ୍ତଙ୍କ ଚିକିତ୍ସା କରୁଥିବା ସମସ୍ତ ହସ୍ପିଟାଲରେ ମେଡିକାଲ୍ ବୋର୍ଡ ଗଠନ ପାଇଁ ପରାମର୍ଶ ଦିଆଯାଇଛି । ଏହି ବୋର୍ଡ ଦିନରେ ୨ ଥର ବୈଠକ କରିବ । ବୈଠକ ପରେ ପ୍ରସ୍ତୁତ ରିପୋର୍ଟକୁ ସ୍ୱାସ୍ଥ୍ୟ ବିଭାଗକୁ ଦିଆଯିବ ।
