ପ୍ରମୁଖ ଖବର
  • ପାଲଲହଡ଼ା: ୭ ଦଫା ଦାବି ନେଇ ରେଙ୍ଗାଳି ବୁଡ଼ି କ୍ଷତିଗ୍ରସ୍ତ ପ୍ରଜାଙ୍କ ଜଳ ସତ୍ୟାଗ୍ରହ ଆନ୍ଦୋଳନ
  • ||
  • ଘଟଗାଁ ଦୁର୍ଘଟଣାରେ ୮ ଜଣଙ୍କ ମୁତ୍ୟୁକୁ ନେଇ ଗଭୀର ଶୋକ ପ୍ରକାଶ କଲେ ମୁଖ୍ୟମନ୍ତ୍ରୀ, ଅନୁକମ୍ପା ସହାୟତା ଘୋଷଣା
  • ||
  • କୁଚିଣ୍ଡା: ଭାଙ୍ଗିବା ବେଳେ ମାଡ଼ି ବସିଲା ପୁରୁଣା କାନ୍ଥ, ଚାଲିଗଲା ମାଲିକଙ୍କ ସହ ଶ୍ରମିକଙ୍କ ଜୀବନ
  • ||
  • ରାୟପୁର: ଭାରତ-ଅଷ୍ଟ୍ରେଲିଆ ଚତୁର୍ଥ ଟି-ଟ୍ୱେଣ୍ଟି, ସିରିଜ୍ ଜିତିବା ଲକ୍ଷ୍ୟରେ ସୂର୍ଯ୍ୟ ବାହିନୀ
  • ||
  • ଘଟଗାଁ: ମା’ ତାରିଣୀଙ୍କ ଦର୍ଶନ ପାଇଁ ଯାଉଥିବା ବେଳେ ଦୁର୍ଘଟଣା, ଟ୍ରକକୁ ପିଟିଲା ଭ୍ୟାନ ୮ ମୃତ, ୭ ଆହତ
  • ||
  • ଜେରୁଜେଲମ୍: ଯୁଦ୍ଧ ବିରତି ଶେଷ, ଗାଜାରେ ପୁଣି ଥରେ ଗ୍ରାଉଣ୍ଡ ଅପରେସନ୍ ଆରମ୍ଭ କଲା ଇସ୍ରାଏଲ୍ ଡିଫେନ୍ସ ଫୋର୍ସ
  • ||

ସ୍ବାମୀଙ୍କୁ ଛୁରିରେ ଭୁସିବା ପରେ ପିଲାମାନଙ୍କୁ ନେଇ ହ୍ରଦରେ କାର ପଶାଇଦେଲେ ମହିଳା

Image Courtesy: kwtx

ନୂଆଦିଲ୍ଲୀ: ଆମେରିକାର ଟେକ୍ସାରରେ ଜଣେ ମହିଳା ନିଜ ସ୍ବାମୀଙ୍କୁ ଛୁରିରେ ଆକ୍ରମଣ କରିବା ପରେ ୩ ପିଲାଙ୍କୁ ନେଇ ଏକ ହ୍ରଦରେ କାରକୁ ପଶାଇ ଦେଇଛନ୍ତି । କାରୋଲଟନ ପୋଲିସ ଷ୍ଟେସନ୍‌ ପକ୍ଷରୁ ମିଳିଥିବା ସୂଚନା ଅନୁସାରେ, ଜଣେ ବ୍ୟକ୍ତି ତାଙ୍କ ପତ୍ନୀଙ୍କ ଦ୍ବାରା ଛୁରିରେ ଆକ୍ରମଣ ହୋଇଥିବା ନେଇ ଥାନାକୁ କଲ କରିଥିଲେ । ଏହା ସହ ତାଙ୍କ ପତ୍ନୀ ପିଲାମାନଙ୍କୁ ନେଇ ଚାଲିଯାଇଥିବା ପୋଲିସକୁ କହିଥିଲେ । 

 ଠିକ୍ ଏହାର କିଛି ସମୟରେ ଏକ କାର ନିକଟସ୍ଥ ହ୍ରଦରେ ପଶିଯାଇଥିବା ନେଇ ପୋଲିସକୁ ଖବର ମିଳିଥିଲା।  ଏହି କାରରେ ଜଣେ ମହିଳା ଓ ୩ ଜଣ ପିଲା ଥିଲେ।  ଏଥିରୁ ସ୍ପଷ୍ଟ ହୋଇଗଲା ଯେ, ବ୍ୟକ୍ତିଜଣଙ୍କ ଯେଉଁ ଅଭିଯୋଗ କରିଥିଲେ ତାହ ସତ୍ୟ । ମହିଳାଜଣଙ୍କ ନିଜର ୮,୯ ଏବଂ ୧୨ ବର୍ଷର ପିଲାକୁ ନେଇ ପଳାଇଥିଲେ । ଖବର ପାଇବା ପରେ ପୋଲିସ ମହିଳା ଏବଂ ୩ ପିଲାଙ୍କୁ ଉଦ୍ଧାର କରି ହସ୍ପିଟାଲକୁ ନେଇଥିଲା । 

ହସ୍ପିଟାଲରେ ଜଣେ ପିଲାର ଅବସ୍ଥା ସଂକଟାପନ୍ନ ରହିଛି । ସେପଟେ ମହିଳାଙ୍କ ସ୍ବାମୀ ମଧ୍ୟ ଗୁରୁତ୍ବର ଅବସ୍ଥାରେ ହସ୍ପିଟାଲେ ଭର୍ତ୍ତି ହୋଇଛନ୍ତି । ଏହା ପରେ ପୋଲିସ ଉକ୍ତ ମହିଳାଙ୍କୁ ଅଟକ ରଖିଥିବା ବେଳେ ତାଙ୍କ ବିରୁଦ୍ଧରେ ମାମଲା ରୁଜୁ କରିଛି। ତେବେ ଅଭିଯୁକ୍ତ ଏବଂ ପୀଡ଼ିତଙ୍କ ସଂପର୍କରେ କୌଣସି ସୂଚନା ଦିଆଯାଇ ନାହିଁ ।

ଘରୋଇ ହିଂସାକୁ ନେଇ ମାମଲା ଏବେ ଆମେରିକାରେ ଚାଞ୍ଚଲ୍ୟ ସୃଷ୍ଟି । ପ୍ରକୃତରେ ମହିଳାଜଣଙ୍କ କାହିଁକି ତାଙ୍କ ସ୍ବାମୀଙ୍କୁ ଆକ୍ରମଣ କରିଥିଲେ ଏବଂ ପିଲାଙ୍କୁ ନେଇ କାହିଁକି ଆତ୍ମହତ୍ୟା କରିବାକୁ ଚାହୁଁଥିଲେ ସେନେଇ ପୋଲିସ ତଦନ୍ତ ଜାରି ରଖିଛି ।

  • America
  • Copyright © 2022 - Summa Real Media Private Limited. All Rights Reserved.