ସଠିପୁର,୯।୭: ପରକୀୟା ପ୍ରୀତିରୁ ହତ୍ୟା ଉଦ୍ୟମ । ପ୍ରେମିକ ସହ ୧୦ ମାସ ତଳେ ଫେରାର ହୋଇଥିବା ସ୍ତ୍ରୀର ତଣ୍ଟି କାଟିଲା ସ୍ବାମୀ। ଏଥିସହ ପ୍ରେମିକର ତଣ୍ଟି ଏବଂ ଗୁପ୍ତାଙ୍ଗ କାଟି ହତ୍ୟା ଉଦ୍ୟମ ମଧ୍ୟ କରିଛି ସ୍ବାମୀ । ଉଭୟଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି। ଏଭଳି ଘଟଣା ଘଟିଛି କୋରେଇ ଥାନା ଚାରଦା ଗ୍ରାମରେ ।
କୋରେଇ ଥାନା ଚାରଦା ଗ୍ରାମର ଜଣେ ମହିଳା ପ୍ରାୟ ୧୦ ମାସ ତଳେ ଖସାଗାଡ଼ିଆ ଗ୍ରାମରେ ଥିବା ନିଜ ପ୍ରେମିକ ସହ ଫେରାର ହୋଇଯାଇଥିଲା । ପୂର୍ବରୁ ପ୍ରେମିକ ଜଣକ ଦୁଇଟି ବିବାହ କରିଥିବା ବେଳେ ଉକ୍ତ ମହିଳାଙ୍କୁ ନେଇ ଯାଜପୁର ଟାଉନରେ ରଖିଥିଲା । ବୁଧବାର ଅପରାହ୍ନରେ ମହିଳା ଓ ତାଙ୍କ ପ୍ରେମିକ ସାଙ୍ଗ ହୋଇ ଆସୁଥିଲେ। ଏହି ସମୟରେ ସଦର ଥାନା ମାଳହାଟ ନିକଟରେ ମହିଳାଙ୍କ ସ୍ୱାମୀ ସେମାନଙ୍କୁ ଅଟକାଇ ବ୍ଲେଡରେ ଆକ୍ରମଣ କରିଥିଲା । ନିଜ ସ୍ତ୍ରୀର ବେକ କାଟିଦେବା ସହ ପ୍ରେମିକର ବେକ ଓ ଗୁପ୍ତାଙ୍ଗ କାଟିଦେଇଥିଲା । ଗୁରୁତର ଅବସ୍ଥାରେ ସେମାନଙ୍କୁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
